Yesiusi wai wa'm tupinaa se bage waa ku mbo waya se tupina ko “Ni kaa ekikinaa bage ona wai a kaa si kamaaniyaapi kipii kindo ko pedona wa mbo mana kaa dimina yakoeta taae. ‘A'm si maaneke awake me dee. Me bage tau de,’ se pi-aseae. Se pi-asemana ko a'm asipe mina ku wa'm dama yemai yako wa'm si maaneke mbana-mbeaseke kipii kindo ko mina bota. Akakinaa wii ku waya dimina ona ndo kidai,” aseke.
Epesiusi 5:11 - Anegisemee'm Mina Kapuge11 Tuku nda togea se bage kuwa ekii'm awake-awake ku otuma si maaneke se kao waa. Aii bada kaambea se kao waa. Ku kumana ekii'm sipea mugo ku si awaae. Ekii'm peu-pau ku si awan ndo “Ku si maaneke ae,” se nigi sisi na mina ku ndo pi-yanige-mane taae. အခန်းကိုကြည့်ပါ။ |
Epesiusi 5:11
48 ပူးပေါင်းရင်းမြစ်များ
Yohanesi wai oyu kan mina eniwoo nai se dodo me kaa ko wai Gadidea maa wado ebo tutai se Hedodesi wa kaa mina ku nde miya eniwoo simi. Dee, Hedodesi wai peu-pau oba awawoo nai kumana Yohanesi wa'm wa kaa se asina ko “Yai, Hedodesi wai ese dim'mba tau se kao oba awawoo nai,” se asimi. Kena ndo waa ko Hedodesi wai wawinaa'm ambii, Hedodiyasi me me, me oma yaake. Hedodiyasi oma yaake kumana Yohanesi wa'm waya se asina ko “Yai, ku nde miya dim'mba tau,” se asimi.
Enii'm nakayoo maa kaa togea se gumba me ndee nda togea mugo dodo ndeo. Enii ndee nda toke ko toke koya apikaa toke yoo pasi. Apikaa kaa toke yoo pasi kumana mee'm ndee nda peu-pau awaao gai se kao ku wisin'tawee. Apikaa awaao sekii se kao, ku dama ndumbo se kao kuwa, ku ndo yaa mu-mu taae. Ndumbo se kao ku ndo yaa mu-mu se me ko me yape maseao kan manaa se kao matake mugo dodo. Ku enii'm woo-woo se nuwa, Ibedisi nuwa, ku se ku mbeedi mbeaseao kan se kao waa koena.
Nikinaa bage waa woe! Ni'm kakoeta taao gai se mina ku se de. Ebanaa bage ekii ko ekii Yesiusi mbaya bage si maaniyaake se bage waa. Kase enta mugo ndoe, ekii'm tupitakea mina waa ku Yesiusi mbaya bage pata oba kiyaao kan sipea se mina waa, me ona. Ona me ko ekii'm Anegisemee kaa tupitakea mina waa ku eki'm eduga yemea se mina waa se ku tau. Ku wa-nini mina ku kaa pi-kaembeniyaao kan sipea se mina waa ku ndo tupitakea, me ona. Ku kumana ku ekii'm si kamaaniyaao kan sipea ku aii bada kisi na eki kaa to dama dito taae. Waya ku mugo bage mesema mbeenaa kaa miya si tomu taae.
Bayoo poo iyoo weke se mina ebeabea da me kaa dama nigi si pe taae. Dee, a'm poo iyoo wemoo sipe mugo kao ku ko ku mee tuma da kaa dimina ditona peu-pau awawoo sipe kipii kindo ko ku kaa kiyoo peu se poo mugo ku ndo daao sekii kaase. Aii bona dai kaa waa ko dibeowaasea se poo-paa mugo dodo. Mee tuma da kaa dimina ditona awawoo sime kao kumana. Ku koya a'm poo iyoo wemoo sipe mugo kao ku Anegisemee Dim'mba ditona dama awawoo sipe kipii kindo ko ku kaa kiyoo dama se poo daase. Mike dibeao kana se poo-paa mugo dodo. Aii omiwoo towoo sisi na poo-paa mugo dodo. Anegisemee Dim'mba'm kakumapi mina ditona dama awawoo sime kumana.
Dee, Yesiusi wa'm sipi mugo dodo kisi na kanige-manema mina ona me ko “A'm mee tuma da kaa dimina bea-mana si dito taae,” se mina da. Mee tuma kaa dimina me eki'm eduga dito se se dimina da. Ese si maaneke aoo se dimina me me. Me dimina me dito sita mugo ndoe, me dimina da me'm eki kaa to kadeba se aoo. Kase enta mugo ndoe, me dimina da me kaa “Oowoo,” se nigeke kao ku eki kaa to dama tosi na se kao se ku tau. Ku otuma eki kaa to si maaniyaambea se kao waa. Ku kumana “Mee tuma da kaa dimina bea-mana si dito taae,” se mina kanige-manema.
Waya wada nda ana'm eki tao kaasetoo se mina ona me ko me eki'm dimina ku Anegisemee Naamee wa kaa “Paamee,” se dimina ku ndo nigi siwoo sisea na kaasetoo naka, me ona. Mbao kaa paamee se nigaao sekii ee? Tau. Ese ao da aoo se Siduga maa me kaa kiyoo Anegisemee wa'm wa mbaya bage ekii'm ndo masisi na se kao ku yaabai-bai semapi. Kena wa'm yaabai-bai semapi kao ku eki nde miya pi-masisea na Anegisemee wai wa mbaya bage waa se kakiyaami. Ku kaa kiyoo Anegisemee mbo “Paamee,” se asetoo siwoo taao ndo sekii.
Yesiusi kaa eniikinaa bage nakawaa woe. Enii'm eki kaa mina se kayena ko eki ebanaa ku yambayaa aoo se kayepa. Eki ebanaa ku yambayaa kan eki'm ndanda eki kaa to awaao be. Eki'm ndanda ku wisin'tana ndo ogu bage mbo ekii'm ndanda pi-ndamanaana “Ku awaae. Ku si awaae,” se mina se ku yanige-mane semuu nakea, se mina yepa. Ku mugo yambayaa aoo se bage kuwa, ku mbo Tuhani Yesiusi Keditusi ekaa da kaa dimi yakoesi na mina aoo. Ku mugo bage ku kaa enii'm ese oyu kan dimina yakoeta taao gai se mina ku se de. “Eki'm ndanda ku eki ndo eki kaa to koo awawoo taae. Eki'm kipe-kipe, namo-namo ku se ku maseao kan eki'm yaa da'm ndo masii masina noke bada.” Ku mugo mina se yakoeta taao gai. Kena yambayaa tau se bage eki kaa nde miya mina aoo. Enii'm eki kaa mina ku se de. Tuhani Yesiusi Keditusi wai ekaa da kaa enii'm ese oyu kaseao kan sipa mina ku se de. Yambayaa aoo se Yesiusi kaa kinaa bage ekii mbo si tomu taae. Kase enta mugo ndoe, me mugo mee to wai enii'm Yesiusi mbo kam masewena katupima mina ku yeao be kan yambayaa ndo se tutai se mee to kumana wa mbo si tomu taae. Dee, eduga nde miya enii eki mbo ndigi se dodo me kaa ko enii'm oyu kan kasima mina ku se de. “Masii yambayaa se mee to noke kao ku si maneae. Aii nam tapoo ndo se omisi,” se kasima. Ku kindo ku mina ku dama yaa mu-mu taae. Enii'm “Yambayaa se dimina me mbeas,” se mina kasima koya aii ebe kaa mina ndo katupimea se ku tau. Enii'm awama-awama ku kaa nde miya me mina me ndo katupima kui. Enii ko enii Anegisemee'm mina donaa asinaa se bage kumana ku kaa kiyoo enii'm kaseao sekii kima se mina ku se de. “Enii'm katupipa mina ku kaa kiyoo kipe niwee. Namo ku nde miya niwee.” Enii'm se kaseao sekii kima koya dime kan kasiin tau. Kase enta mugo ndoe, enii'm sese ku eki namba dodo ndo awasea na “Kipe niwee. Namo niwee,” se mina se ku ona kaa miya asiin tau. Ku se ku aseao be kumana apikaa nde miya, ndeemaa nde miya, namasii masiwoo sima. Ese egaa'm ndo masii masiwoo sima. Enii'm ediin tau se namo ona kaa miya naan tau. Enii'm awama-awama dena se awawoo sisea na se awama. Ku kindo ko eniikinaa bage waa woe. Dama ndo awawoo taao kan ku kaa dimina si katu kaae. Kase enta mugo ndoe, enii'm awama-awama ku eki'm nademea. Enii ko enii aii tomu sima baa. Ku se ku eki nademea kumana dama awake sese ku eki eo baa. Ku kindo ko enii'm yambayaa tau kan awawoo sima sese ku masewena dodo ndo awawoo taae. Ku dama awake ku si wisin'tana dama awawoo taae.
Kena ekii'm penatuwa kaa mina yemai ndoe, wa'm awapi ku pi-ndamaan tau yoo “Mbeduwa,” se si aseae. “Mike ae,” me nde miya si aseae. “O, wa'm awapi ku ni pi-ndamaamba ndeo,” se me ndo aseke bada. Pi-ndamata mugo ndoe, “Me mbaya ni gai. Me mbaya ni be,” se dimina ku si nigaae. Otuma dama ndumbo ndo ndamanaa taae. Kam waa ko me penatuwa se mee me me, me mike si maaneke awapi kipii, kena wa'm si maaneke ku wisin'taao be kipii kindo ko mee me me bada madona Yesiusi mbaya bage mbo ekii'm egi kaa kiyoo uwa da kaa eneke bada. “Me si maaneke! Me tau de!” se mina ku uwa da kaa aseke bada. Dee, uwa da kaa aseke me ko me kaa kiyoo Yesiusi mbaya bage ekii'm nigina ko “O, penatuwa mee to wa'm peu awapi mugo ni namba awaamba ee? Tau ee?” se nigaambea. Se ku nigimana widaasi na uwa da kaa aseke bada. Ni'm kasipa mina ku ko ku mbeedi se mina tau. Ku ese em'mbee se mina waa kasipa. Dee, Anegisemee me nuwa, Keditusi Yesiusi me nuwa, Anegisemee'm daa yambeasimi se epo wado bage waa ku nuwa, ku ekii'm emaa misi kaa katupipa se mina waa kumana ese ebo se mina katupipa. Ku kaa kiyoo ni'm katupipa mina ku ndumbo ndo awawoo taae.
Mee ona penatuwa se mee to yambeaseao gai se dodo me kaa ko mani si yambeaseae. Kase enta mugo ndoe, woo-woo se yaa mu-mu se mee to a eo kan penatuwa se mee yambeaseke waa, wa'm woo-woo se ku a namba yaa mu-mu siyaa. A kaa to peu kiyaake mugo dodo siyaa koena. Ku kumana ku se ku si awase na penatuwa se mee to mani si yambeaseae. Mbeasiin tau yoo wa'm sese dama yandamaae.
Ku mugo bage waa ekii'm sese ku uwa da kaa dena ko “O, wai Anegisemee mbo asetoo taao epi se mee to ae. Wai Anegisemee kaa yaapapa taao epi ae,” se yanigaasea koya tau. Eki'm dimina da wa-nini. Dee, ekii'm dimina da nda kiyoo Anegisemee'm sipi mugo dodo kiyaasi na se yaa mani da me yamugu-mugu siyaabuu nai koya iyo. Ku ekii dito taao be se yaa mani da koena. Ku kasipa kuwa ku ese pake-takanu se gumba tuwaasea se bage waa ekii'm sese kui kaasea. Kena Timotiusi woe. Endo nde miya ku mugo bage ekii mbo mbeenaa kaa miya si gaga taae. Aii bende kaa kiyoo ndo pi-tomu taao bada.
Kena akaa'm egi kaa oyu kan kaseao kan sipa mina ku se de. Ona me ko Anegisemee'm mina ku mee mbo yatupiwoo taae, me ona. Ona me ko ogu bage ku kayeao gai nde miya, kayeao be nde miya, tau. Anegisemee'm mina dama tupaao gai se dimina da ku ndo nigaae, me ona. Ona me ko mina tupeke se dodo me kaa ko mee'm kupoo nigeke ku ndumbo kisi na dama yatupiwoo taae, me ona. Waya mee'm woo-woo se kaa “Tau de! Tau de!” se tupiwoo taae, me ona. Waya dim yakumake mina ku nde miya tupiwoo taae, me ona. Kena ku se ku tupita mugo ndoe, dimina mani si maseae. Aii tunaa kan ndo tupiwoo taae, me ona. Ku se ku ni'm oyu kan kaseao kan sipa mina waa kui. Ku se ku dama yaa mu-mu taae.
Ku kindo ko Titusi woe, ku kasipa mina kuwa ku dopeana Yesiusi mbaya bage mbo dama pi-yatupiwoo taae. Pi-tupiwoo se se dodo me kaa ko a'm ndanda me Anegisemee'm kanepi se ndanda kumana ku se ku awaao kan si dim wiya-wiya kaae. Wa'm kambeasipi ku kaa kiyoo aii oyu kan “Ni'm katupipa mina ku dodo ndo awawoo taae,” se mina ku ndo yakoewoo taae, me ona. Kena, si maaneke yaa mu-mu nakea se bage waa ku nde miya “Ku tau de! Tau de!” se mina yakoewoo taae, me ona. Kena mee ona kawisineke nde miya tau. “Katupaanka ndeo! Ni'm mina yitos!” se aseao bada, me ona. Ku se ku Anegisemee'm kambeasipi se ndanda waa kumana ese oyu kan se awawoo taao ndo bada. Se.
Se asemana ko ni waya se yena ko Anegisemee wai Siduga maa kaa kam mina enemaai se yema. Mina me se enemaana ko “Babeo okaa yoo togea bage ekii'm woo-woo se ku ese wa-nini keo se detaka,” aseke. “Ku dena ko ekii'm woo-woo se ku ebeabea da ebeabeake kipii kindo ese maa kaa kam ata kisee Siduga maa kaa kam miyo epopi da ku kisiu ebeabea da peu-pau awawoo nakea se detaka,” aseke. “Ekii'm peu-pau ku ni'm mike andibuu taao kana se kao waa kumana ku kaa mike em yadaanka deo. Ku mike em yadaanka kumana ni'm bage waa woe. Me okaa yoo me nda peu-pau awawoo nakea bage ekii mesema ekii mbaya si aneweae! Ekii'm sese ku si awasea na, mani mewee!” aseke. “Waya wada nda kiyoo togea bage ku kaa em yadaao kan mee buwaa mugo kao waa ku ekii kaa yaendaaniyaabuu taamba. Ku kindo ko ni'm yaendaaniyaabuu taamba kao ku eki kaa nde miya si meanisi na me okaa yoo me nda togea bage'm sese ku ogato damana yau kaa peaniwee,” se asimi.
ကြော်ငြာတွေ