Kena enii naoya-oya taao sekii se kao ku bende oga kaa naambeaseae. Kena ese dim peu se Ibedisi me ko wa'm si namaaniyaao kan sipi ku aii bada kisi na, me Ibedisi me me mbeedi naambeana dama naedimaae,” aseke. [[“Ku se ku mbao kaa kasetaao sekii ee enta mugo ndoe, tau. A ko ai ese ata emi tau ebo towoo nai se mee to me ona. Ona me ko a'm yaa mani da me ese oyu kam oyu se yaa mani da me ona. Ona me ko a'm toke yoo me ese asiyoo kam asiyoo abayai se toke yoo. Taa kiyaake sekii tau, me ona. Ku kaa nigimaa yako paamee se kaseo, kui.”]] “Anegisemee mbo asetoo se se dodo me kaa ko ku mugo mina asetoo taae,” aseke. Yesiusi wa'm se tupimi.
Epesiusi 4:6 - Anegisemee'm Mina Kapuge6 Kena ona me ko enii'm Anegisemee me nde miya ese ona ndo. Enii Yesiusi mbaya bage en'ndo otuma enii'm Naamee to mei! Ku kindo ko enii'm moo wado ebo toi me nde miya, enii nduwawe toi me nde miya, enii nduwawe yaa mani da nakumawoo nai me nde miya, ku se ku enii'm ese ona ndo se Anegisemee wa ndo. Enii otuma me Naamee mei! Dada. Ku dada kasipa kuwa ku enii ndepo Yesiusi nda dipinimagea yako enii'm sese kui. အခန်းကိုကြည့်ပါ။ |
Epesiusi 4:6
31 ပူးပေါင်းရင်းမြစ်များ
Se asemana Yesiusi wa'm se ambewaana ko “Tau. Ni kaa naembaake se bage waa ku ni'm mina si taman ndo dama yaa mu-mu siwoo taambea se bage waa kui,” se aseke. “Waya wada nda, ni'm mina yaa mu-mu nakea se bage waa ku ni'm Naamee wa'm yaembaambi se bage waa. Kam waa ko wa'm yaembaake bage waa ku ni'm Naamee, anai ekii mbo memana ekii mesema okaa towoo semuu taata ndeo. Ese dadaa se enimoo mugo dodo se towoo taasea,” aseke.
“Kena a'm sese ku nde miya ekii mbo uwa pana yaadeyaabuu sima. Waya wadobo nde miya yadeyaabuu siwoo taata,” aseke. “A'm sese ku aii se yaadeyaabuu taata se ku tau. A'm naembaake se dimina me ekii'm dim'mba nda nde miya kapisi na, me ona. Ona me ko ni nde miya ekii nduwawe tuwaao sekii kisi na, me ona. Ku kindo ko ni nuwa, a'm naembaake se dimina me nuwa, ku akaa ndepi ku ekii nduwawe aoo kisi na a'm sese ku waya wadobo nde miya yadeyaabuu siwoo taata,” se aseke. Ku Yesiusi wa'm Anegisemee Naamee mbo asetaami se mina waa, se naa aoo.
Kena Yesiusi wa'm asina ko “Si nayaa mu-mu taae. Ni, ni'm Naamee mbo pakiin tau kumana si nayaa mu-mu taae,” aseke. “Waya na kiyaa ni'm kinaa bage mugo bage waa ku mbo pi-naasise na se mina ku se de. ‘Ni'm Naamee me eki'm Naamee. Ni'm Anegisemee me eki'm Anegisemee. Ku kindo enii'm Anegisemee Naamee me me wa mbo pakiita,’ ” aseke. “Me mina me pi-naaseae,” aseke.
Kase enta mugo ndoe, se-kao we-kao en'ndo otuma ku wa'm ndo aoo kiyaabuu simi kao waa. Endo nde miya ku wa'm yaa mani da kaa yatoyaabuu siwoo nai se kao waa. Ku aii se yatoyaabuu siwoo nai se ku tau. Ku kaa kiyoo kam wa ekaa da ebo mbeana yapapa sisi na wa'm se awawoo semuu nai. Kum seta kaa endo kam wado enii si dan ndo wa ekaa da ebo yambeana yapapa siwoo nakea waa bada ae, se nigeo. Kui!
Kiyoo kam enii'm se nigina ko Anegisemee wa ko wa ese ona ndo, me Anegisemee Naamee, mei! Waya wada nda ese ebo toke se Tuhani me nde miya ese ona ndo, me Yesiusi Keditusi mei! Kena me Tuhani wa kaa kiyoo Anegisemee wai se-kao we-kao en'ndo otuma aoo kiyaabuu simi. Wa ko enii natoyaabuu siwoo nai se Tuhani mei! Waya enii'm toke yoo me aii toke se ku tau. Enii'm toke yoo me Anegisemee ebo yambeana yapapa sisi na se toke yoo.
Kena mee'm egipina yapapa se se mbae da se anegisemee waa ku dopeana Anegisemee wa'm wa kaa yapapa sisi na se okaa ee me nda pi-mbeaseke bada yee? Tau na, akaa ndepi yaa mu-mu se sekii tau. Ku mugo yaa, Anegisemee mbaya bage ku nde miya mee'm egipina epipi semapea se mbae da se anegisemee waa yapapa se me ese si maaneke se kao. Kase enta mugo ndoe, enii aii bage tau. Enii ko enii ese mike iyaao toi se Anegisemee wa'm okaa ee to mugo dodo se bage waa. Dee, Anegisemee wa'm enimi mina ona me ko me se de. “Ni ekii nduwawe okaa towoo taata. Ni ekii mbo penaa taata. Ekii'm yapapa se se Anegisemee me ni, se kaata. Kena ni'm bage ku, ekii, se kaasea.” Anegisemee wa'm se enimi.
Me yaa mani da ese asiyoo yatoyaami se yaa mani da. Ku kindo ko endo togea se bea da nuwa, wadobo tuwaasea se bea da waa nuwa, ku ebo bage aoo ko aoo koya ku wado ese ata emi tau ebo tuta semuu nai se mee to me Keditusi wa ndo. Epo wado bage waa nuwa, mbaa waa nuwa, se-ebo we-ebo se mee waa ku nuwa, ku otuma mbeedi. Keditusi wa ndo ese asiyoo.
Eki nde miya enii mesema Yesiusi nda dipinimai yako ee mugo dodo nametai. Anegisemee tao wa'm Dim'mba tosi na ee to se nametai mugo dodo. Ni'm kaseao kan sipa mina me ko me se de. Yahudi tau se bage eki ko eki nde miya Yesiusi mbaya bage mesema dipinimake se bage waa. Yesiusi mbaya bage mesema dipinimake kumana Anegisemee wa'm dama aya enii kaa naadotaapi ku eki kaa eki nde miya se kaadotaapi. Se kasipa.
Kena Anegisemee Dim'mba se kakoemoo sita mugo ndoe, dim wiya-wiya se dimina da emi tau kiwoo nakea. Kena eki'm ona ndo se dimina me dei yako Keditusi wa ko wai eki nduwawe okaa tona kamugu-mugu siyaabuu taambi. Ku kindo ko ku se ku awasi na ni eki tao kaasetoo naka, me ona. Kena ni'm kaasetoo se mina ona me ko me Anegisemee'm kaembaake se dimina me kaa kiyoo eki'm dimina nda epuu kapisea na kaasetoo naka. Dee, “Anegisemee wai se naembaai ae. Se naembaai ae,” se ku dama masimake kipii kindo ko eki'm toke yoo mike tukuu wemana kusipimana tuwaambea sima. Ku kumana wa'm kaembaake se dimina da me kaa kiyoo takun katoyaabuu sisi na kaasetoo naka.
Endo ko ni'm pake-takanu mina waa ku kasiinka ndeo. Anegisemee Naamee mesema Tuhani Yesiusi Keditusi akaa'm kakumawoo nakea se dimina waa ku dama yaa mu-mu taae. Akaa'm kakumawoo nakea se dimina ona me ko eki Yesiusi kaa kinaa bage mesema widigi tau tuwaao sekii se dimina da, me ona. Ona me ko a-embaa naa-embaa taao sekii se dimina da, me ona. Ku kindo ko akaa'm kakumawoo nakea ku “Mike ae,” nigimana dama yaa mu-mu taae.
Ku kindo ku mina ku si taman ndo dama yaa mu-mu se kipii kindo ko “O, a'm dimina Anegisemee mbo, Anegisemee wa'm dimina a mbo. Ese akamoo, ae,” se ku ndo kanigaao sekii. Waya wada nda wa'm nemi se Anegisemee Dim'mba me kaa kiyoo kam enii'm se nigina ko “O, Anegisemee wai enii nduwawe enii mesema towoo nai ae,” se ku ndo yanigaao sekii.
ကြော်ငြာတွေ