Ku mike tau mina se mina waa ku yemana ko kota okaa yoo me nda aoo se bage en'ndo otuma ese yai-yai se. Yai-yai semagea se dodo ndoe, ekii ndepo aii oika medona Paudusi yaa yapamitagea. Paudusi yapamitana yaa wedona Yahawee'm ee yau kaa pi-mbeaseke. Yau kaa pi-mbeana ndo gine otuma ku mani manemoo-pamoo semagea.
Epesiusi 4:31 - Anegisemee'm Mina Kapuge31 Endo ko eki'm tata ku Yesiusi wa'm sipi mugo dodo kisea na mee agumee a kaa peu-pau kaawake se dodo waa ko mee me me wa kaa beake se dimina ku si yaa mu-mu taae. Aii wisin'take ndo bada. Me ona. Kena mee agumee kaa si yagodeae. A'm yima kiki ku mbeas. Me wiya. Kena mina abade se mina ku nde miya si aseae. Me wido. Kena mee agumee kaa yawisinisi na mina ku aii bage mbo ku pe si aseae. Me wui. Kena mee kaa be kan si yamaaniyaao gai se dimina waa otuma ku mbeas. Ku mugo peu-pau se ku otuma wisin'tawee. Me edibi. Ku edibi ku otuma wisin'take ndo bada. အခန်းကိုကြည့်ပါ။ |
Epesiusi 4:31
62 ပူးပေါင်းရင်းမြစ်များ
Yesiusi kaa eniikinaa bage waa woe, Peu-pau se kao ku si awasea na ku kaa dimina kapaan tau se yopaa mbee waa ekii'm sese ekokedoke bada. Ku koya ni'm kasipa mina ku kaa si nige-neke kan adomoo se yopaa waa se takea kipii kindo ko me si maaneke. Ku taa kisi na ni'm kasipa mina ku kaa en'kiki se dimina kapaae.
Yahudi bage ekii ko ekii Um Dona Badii naao kan edagi dea ku ee kaa kam yau kaa mbeana edagi dea emi tau se edoondi ku ndo noke. Enii namba ku mugo awake bada. Edagi dea mugo kao woo-woo se kuwa ku otuma yau kaa sim-mbeaseke bada. Ku awaao na enii'm sim-mbeaseke ku se de. Peu-pau awake ku nuwa, mee agumee kaa si maaniyaambea kao ku nuwa, ku otuma sim-mbeaseke bada. Ku peu-pau ku si awan ndo dimina ona ndo kan dama ndumbo se kao ku ndo awawoo taae. Dama se kao ku ndo yaa mu-mu se kindo badii naao kan edagi dea emi tau se edoondi noke mugo dodo.
Kase enta mugo ndoe, eki'm sese ku kaa kanigi si pe sita mugo ndoe ni ko ni ese kagigi aoo. Mbao kaa kagigi ee? Tau na. “Eki ese en'kiki se bage ae,” se ku mi-kadeo waa “Oowoo,” koya enii eki mbo kamemata mugo ndoe, maaneke sese ku si kadena ndo si maaneke sese waa ku ndo kadiita ee? Tau ee? Ku kaa nigi simaa yako kagigi aoo. Dee, eki mbo memata mugo ndoe, mina a-bade naa-bade se awata nakea taambea ee? Eki mee agumee wa'm dama toke yoo ku yadegea yako yawisinina “Ni nakiyaai waa ‘Oowoo,’ ” se nigaambea ee? Dimina mani masina mee kaa yagodeke sese ku nde miya awaambea ee? Eki kaa to ndo dama tuwaao kan a-wisine naa-wisine se awawoo taambea ee? Mee agumee ekaa da peu yakiyaasi na se mina eniwoo taambea ee? Mee agumee kaa si maaneke mina ku donaa asinaa taambea ee? Eki kaa to dodo se dimina se nigaambea ee? Mee en'ndo otuma tapu-gapu siyaabuu nakea sese me nde miya awawoo taambea ee? Ku mugo sese ku mi-kadiita ae, se nigimaa yako kagigi aoo. Waya wada nda, ni'm deao be sese ku kadiita kipii kindo ko eki'm ni mbo nadeao be sese ku nde miya ni'm eki kaa kaawaata sima. Ese oyu kan dim kakoeta taata koena.
mbae da se anegisemee yapapa se nuwa, mbaa maseke nuwa, awisine se nuwa, mina abade se nuwa, mee agumee'm dama toke yoo ku kaa dimoke se dimina da me nuwa, mee agumee kaa yima kiki kiwoo nai me nuwa, a kaa to ebo kisi na ogu bage ku mbeedi kiyaabuu nai me nuwa, a mbaya bage wa-nini - a'm beake se bage wa-nini se pikamoona pata oba kiyaabuu nai me nuwa,
Dee, Yesiusi wa'm sipi mugo dodo kisi na kanige-manema mina ona me ko “A'm mee tuma da kaa dimina bea-mana si dito taae,” se mina da. Mee tuma kaa dimina me eki'm eduga dito se se dimina da. Ese si maaneke aoo se dimina me me. Me dimina me dito sita mugo ndoe, me dimina da me'm eki kaa to kadeba se aoo. Kase enta mugo ndoe, me dimina da me kaa “Oowoo,” se nigeke kao ku eki kaa to dama tosi na se kao se ku tau. Ku otuma eki kaa to si maaniyaambea se kao waa. Ku kumana “Mee tuma da kaa dimina bea-mana si dito taae,” se mina kanige-manema.
Ku koya endo ko ku se ku si awaao ndo sekii. Ku ese uwo kaa wamaake ndo sekii. Ku kumana ku uwo kaa wamaao kan mee kaa si yagodeae. A'm yima kiki ku mbeas. Me ona. Ona me ko mee kaa beake kan si yamaaniyaao gai se dimina waa me nde miya mbeas. Me wiya. Kena ona me ko mee agumee kaa yawisinisi na mina ku aii bage mbo ku pi si aseae. Me wido. Ona me ko ese kewii, ese daa se mina ku mbeenaa kaa miya si aseae. Me wui.
Kena diaken bage yambeaseao gai se bage waa, ekii'm ambii'm sese ku nde miya ndamake bada. Dee, ekii'm ambii ku kaa mee'm yanigina ko “O, wa'm sese ese maaneke ae. Wai aii se ayaa se ndo se ku tau. Wai dama se kao ku ndo awaao gai ae,” se yanigeke kipii kindo ku mugo ambii ekii'm yimee waa diaken se bage yambeaseao sekii. Ambii ku mee agumee kaa peu mina aseao be kipii kindo ko me nde miya maaneke. Kena wai dimina andimata se ambii to kipii kindo ko me nde miya maaneke. Eé wa'm ndanda ku yambayaa tau kan ndumbo ndo awatakea kipii kindo ko me nde miya maaneke. Ku mugo ambii waa ku ekii'm yimee ku diaken se bage yambeaseao sekii. Emi tau kindo tau.
Kena kudoo tau se kogaa ambii ekii'm sese ona me se de. Ekii tao dama tosi na se kao ku mani maneke waa, yambayaa kiyaa. Yambayaa kina dai kaa waa ko ee ona kaa ee ona kaa, mi-wata pi-wata taambea. Se penaa sita mugo ndoe, mee agumee'm awapea mina kuwa dopeana mee agumee mbo donaa asinaa taambea. Mee agumee kaa mina donaa asinaa se me ko me ese dim'mba tau sese. Kena ku mugo kogaa ambii ekii'm sese waya ku se de. Ekii'm awaao daan sipea se ndanda ku wisin'tana mee agumee mbo pemana “Ku dee! Ku awaae! Ku dee! Ku awaae!” se yanige-mane taambea. Yai, ekii'm pi-asipea mina kuwa pi si aseao daan sipeai koya aii pi-asinaa se ndo. Ku kindo ko kudoo tau se kogaa ambii ku kapuge nda mani tau si yaawudumaae. Yambayaa kaambea koena.
Ebanaa bage ekii dim'mba tau se mina ku kaa mina a-mbemoo naa-mbemoo taao gai, me ona. Ekii'm si nige-neke se mina ku kaa nde miya mina a-mbemoo naa-mbemoo taao gai, wiya. Ku mugo mina ku kaa mina a-mbemoo naa-mbemoo nakea kipii kindo ko ku mani dano tau. Aii ama-yima semuuna ese em'mbee mina a-bade naa-bade semuu taambea se ene! Tau se? Ku kumana ku mugo mina mbeenaa kaa miya si dito taae.
Kena enao bea da se ambii waa eki mbo yatupise na mina ku se de. Anegisemee wa'm guna miyo tutai se ambii to ae se desi na se kao ku ndo awawoo taae, me ona. Kena mee agumee kaa peu mina ku dopeana mee mbo pi si yaasei taae, se tupeke me ona. Kena aniguda poo odi uwo ku oba naao gai se dimina da, me mugo dimina me guna miyo si tuwaae, se tupeke me ona. Kena enao bea da se ambii waa ku eginao bea da se ambii waa ku dama ndo awasi na se mina waa ku ndo yatupiwoo taao bada, me ona. Ku kindo enao se ambii waa ekii'm eginao se ambii ku mbo pi-tupiwoo sisi na mina ku se de. “A'm yimee nuwa, a'm yopaa waa ku nuwa, ku kaa yaembaawoo taae,” se tupeke me ona.
Ku koya a kaa to amba deta mugo ndoe, a'm dim'mba nda kiyoo a kaa to ebo tuwaao kan sipe se dimina aoo kipii, kena ogu bage ku ebo togea yako “Wai, wai. Ni ndo ebo too waa bada, ae,” se dimina aoo kipii kindo ko ku mugo dimina waa ku Anegisemee wa mbo kam dim pame kakumapi se dimina waa se ku tau. Ku mugo dimina aoo kipii kindo a kaa to si dodo taae. “O, ni dim pame aoo se mee to ae,” se mina ku si aseae! Me mbae da mina kumana ku si aseae. Waya na kiyaa, ku mugo dimina ku kaa mike mina kasiinka ndeo. Me mugo nigeke me maa kaa togea se bage waa ekii'm nigiwoo nakea se dimina waa mugo dodo. Ku Anegisemee Dim'mba wa'm kakumapi se dimina waa se ku tau. Ku mugo dimina waa ku mbaa waa ekii'm kakumamoo sipea se dimina da waa ku ndo nigitakea se kadeo.
Yesiusi kaa eniikinaa bage waa woe. Ogu Yesiusi mbaya bage waa ekii kaa peu mina ku mee mbo pi-aseke kipii kindo, me si maaneke. Me mugo mina si aseae. Kase enta mugo ndoe, Yesiusi mbaya bage ku kaa peu mina aseke kipii kindo ko ku mina ku kaa kiyoo Anegisemee'm okaa mee tupisi na mina me kaa nde miya peu mina asiyaa mugo dodo, me ona. Waya ona me ko mee'm sese ndamana “O, me peu, wa si maaneke aoo,” se aseke se dodo nde miya Anegisemee'm tupina mina ku kaa nde miya pikamoo siyaa mugo dodo! “O, ku mina ku si maaneke aoo kumana yito taao be,” se pikamoo siyaa mugo dodo, me ona. Yai, Anegisemee'm okaa mee tupisi na mina ku a'm guna miyo mbeana tamoo se ku badaa!
Yipi se dimina one kadamami kumana peu-pau en'ndo otuma uwo kaa wamoo taae! Ku kaa kiyoo mee agumee kaa yawisinina peu-pau yaawake ku mbeenaa kaa miya si awaae, me ona. Ona me ko mee yadeba se me nde miya mbeenaa kaa miya si awaae, me ona. Ona me ko uwa da kaa ku dama awake koya dimina yiba nda peu se dimina yaa mu-mu se kipii kindo ko me mugo sese wisin'taae, me ona. Ona me ko mee agumee'm dama toke yoo sese ku kaa kiyoo dim si peae, me ona. Ona me ko mee agumee ekaa da peu yakiyaao kan mina ku nde miya mbeenaa kaa miya si aseae, me ona. Ku bage sese ku mbeenaa kaa miya si awaae!
Ku kumana Kaini wa'm sese ku si ekokeduwaae. Dee, Kaini wa ko wai ese dim peu se Ibedisi wa mbaya se mee to. Kena kiyoo kam wai wawinaa yambatumana yaboyaami. Mbao kaa yambatumami ee? Tau, Kaini wa'm awake-awake ku peu-pau awami. Koya wa'm winaamee'm awake-awake ku ndumbo ndo awami. Wa'm ndumbo ndo awapi ku dei yako yawisinina yambatumami.
Ku semana ndo waa ko Siduga nda me kaa kiyoo mina ebo yema. Mina ebo minai se dodo ndoe, ni'm se yena ko “Siduga nda togea se bage waa woe. Endo ko Ibedisi mbeedi yambeasipi kumana bani-bani taae,” aseke. “Kase enta mugo ndoe, eduga ko Ibedisi wai Anegisemee'm egi kaa kiyoo tomu nai. Aii se tomu nai se ku tau. Omiyaa siyaa ku ndo wa'm aseao kan sipi mina ku se de. ‘Yesiusi kaa kinaa bage ekii peu-pau awatakea, ku dee. Ekii'm woo-woo nakea ku dee,’ se mugo mina eniwoo taao kan Anegisemee'm egi kaa kiyoo tomu siwoo nai. Apikaa nde miya, ndeemaa nde miya wa'm se eniwoo nai koya tau. Endo ko wai kiyoo kam yaeba-mbeana maa yoo wamaapi kumana ku kaa kiyoo Siduga nda togea bage waa eki bani-bani taae,” se aseke. “Kena Ibedisi maa yoo wamaapi me ko me kaa kiyoo enii'm deao sekii se kao wui aoo. Ona me ko ‘O, me Anegisemee'm yaa mani da ae!’ se deao sekii, me ona. Ona me ko ‘O, mee tuma kaa bage ekii'm peu-pau ku mbeedi mbeana dama yatoyaabuu nai ae!’ se ku deao sekii, wiya. Ona me ko ‘Yai, enii'm Anegisemee wai enii'm moo wado ese asiyoo ata emi tau ebo toke ae!’ se deao sekii, wido. Ona me ko ‘Anegisemee wa'm wa-nini wenimana daa yambeasipi mee to, Keditusi me me, wa namba wa'm yaa mani da kaa ese ebo toke ae!’ se deao sekii, wui. Ku wui ku uwa da kaa nadeyaabuu sipi kumana ku kaa kiyoo namba bani-bani taae,” aseke.
ကြော်ငြာတွေ