Eduga ko enii'm woo-woo se ku enii'm moo wado ebo tomea. Mbeedi mbeaseke sekii tau. Enii'm woo-woo se ku enii dimina yaa napineana woo-woo taao gai se dimina ku ndo nakumawoo se. Se nakumawoo se koya endo ko tau. Dee, Keditusi wai eda piya aoo se piya tukuu me kaa paku wemana boke se dodo me kaa ko enii'm woo-woo se aoo se dimina da me namba wa mesema boke. Enii'm moo wado woo-woo se yaa mani da ku dano kisi na enii'm mee tuma kaa dimina me Keditusi mesema boke.
Epesiusi 4:22 - Anegisemee'm Mina Kapuge22 Dee, Yesiusi wa'm sipi mugo dodo kisi na kanige-manema mina ona me ko “A'm mee tuma da kaa dimina bea-mana si dito taae,” se mina da. Mee tuma kaa dimina me eki'm eduga dito se se dimina da. Ese si maaneke aoo se dimina me me. Me dimina me dito sita mugo ndoe, me dimina da me'm eki kaa to kadeba se aoo. Kase enta mugo ndoe, me dimina da me kaa “Oowoo,” se nigeke kao ku eki kaa to dama tosi na se kao se ku tau. Ku otuma eki kaa to si maaniyaambea se kao waa. Ku kumana “Mee tuma da kaa dimina bea-mana si dito taae,” se mina kanige-manema. အခန်းကိုကြည့်ပါ။ |
Epesiusi 4:22
27 ပူးပေါင်းရင်းမြစ်များ
Ku mugo mina ni Keditusi wa'm egi kaa kiyoo kaseao gai koya endo se gumba ni mbeenaa kagigi aoo. Mbao kaa kagigi keke ee, enta mugo ndoe, tau na. Eki ko eki mbae da se Edaseo bage waa ekii'm tupeke mina ku yito taambea ae se kanigimaa yako kagigi aoo. Kena ekii'm mina yito taambea kipii kindo ko ku kaa kiyoo kam eki'm dimina si kamaaniyaana Keditusi kaa patawena wa kaa dim wiya kaambea. Dee, ese eduga ko Ibedisi wai mee yadeba taao epi kumana mbainaa nduwawe koo ndemina Hawa mbo pi-yadeba semami. Ku mugo yaa, endo nde miya mbae da se Edaseo bage waa ekii kadeba taao gai kumana kagigi keo ndeo.
Ku kasipa mina ku kaa “Mike ae,” se nanigisea na ni'm ese eduga toma sese ku eki epi kumana ku kaa nigi si pe taae. Dee, ese eduga ko ni Yesiusi kaa “Mike ae,” nigaan tau se dodo me kaa ko ni'm sese ku se de. Ni ko ni Yahudi bage waa ekii'm sese nuwa, ekii'm “Mike ae,” nigeke mina waa ku nuwa, ku se ku ni ese oyu kan yaa mu-mu siwoo sima se kao waa. Ku enii Yahudi bage enii'm eedoo bage waa ekii'm nambeasimea sese kumana ku ni'm ese dimina ona ndo kan tamaao be. Ku kindo enii'm eedoo bage'm tata ku kaa ndo nigi si pe se, awawoo se, nigi si pe se, awawoo se, se awawoo sima. Ku kaa kiyoo Yahudi bage'm sese yaa mu-mu se me ko ni ese asiyoo. Ni bea da se Yahudi bage waa ogu ekii miyo damana ni ese asiyoo kam asiyoo kiwoo sima. Ni'm sese ese wa-nini kima se dodo me kaa ko ni Anegisemee mbaya bage, Yesiusi kaa andagatake bage kuwa, ku kaa ese yabeama. Ku kaa ese beaa yako omiyaa siyaa ku ndo ku yapisime-mbeaseao kan awa-de siwoo sima. Ese oyu kan peu bodi ababa se aya yadotaa siwoo sima. Ku se ku awawoo sima ku eki naeo baa.
Eduga ko enii'm awawoo simea ku ko ku Anegisemee'm mina tamoo se se bage waa ekii'm sese mugo dodo se awawoo simea. Ekii'm sese enii namba se awawoo se se dodo ndoe, enii'm mee tuma kaa dimina'm “Oowoo,” se kao ku ndo awawoo simea. Enii'm maa da buboo'm “Oowoo,” se kao ku nuwa, enii'm dimina'm awaao gai se kao ku nuwa, ku ndo awawoo simea. Enii'm dimina ese si maaneke kumana enii'm moo wado ebo tomi me ko me Anegisemee wa'm yima kiki. Ku yima kiki ku kaa kiyoo enii mike boke ndo sekii. Enii mee tuma da en'ndo otuma kui. Ese dodo ndo se kimea.
Endo ko eki'm tata ku Yesiusi wa'm sipi mugo dodo kisea na mee agumee a kaa peu-pau kaawake se dodo waa ko mee me me wa kaa beake se dimina ku si yaa mu-mu taae. Aii wisin'take ndo bada. Me ona. Kena mee agumee kaa si yagodeae. A'm yima kiki ku mbeas. Me wiya. Kena mina abade se mina ku nde miya si aseae. Me wido. Kena mee agumee kaa yawisinisi na mina ku aii bage mbo ku pe si aseae. Me wui. Kena mee kaa be kan si yamaaniyaao gai se dimina waa otuma ku mbeas. Ku mugo peu-pau se ku otuma wisin'tawee. Me edibi. Ku edibi ku otuma wisin'take ndo bada.
Yahudi bage ekii'm sese ko ekii paita endii da-mbeaseke ebeabea da awake. Kena eki namba Keditusi mbaya bage kimea se dodo me kaa ko eki kaa da-mbeaseke ebeabea da kaawami koya mee'm yaa da'm paita endii da-mbeaseke ebeabea da se ku tau. Me Keditusi wa'm ndo mee tuma kaa dimina kada-mbeasimi mugo dodo.
Anegisemee wa'm aii se gane kan dama natoyaake ku kaa kiyoo enii nde miya mee en'ndo otuma ekii kaa tunaa kan dama ndo yaawawoo taao bada. Kase enta mugo ndoe, eduga ko enii nde miya ese dim'mba tau se bage waa tomea. Ese mina tamoo se bage waa tomea. Ese mbae da mina ku kaa ndo “Mike ae,” nigeke se bage waa toma. Me gado me kaa enii'm dimina da nda dimi peke se dimina nuwa, enii'm maa buboo dimoke se dimina nuwa, ku mugo dimina ku enii'm moo wado ebo tomea se dimina waa. Ku wisin'take sekii tau. Ku mike mbeedi mbeaseao kana se dimina waa kimea. Ku mugo dimina ese oyu kimea kumana omiyaa siyaa ku ndo peu-pau ku ndo awawoo simea. Kena mee agumee dama toke se dembea ndoe bani-bani taan tau. Wa'm dama toke yoo ku kaa “Ni be. Ni ndo dama too waa oowoo,” se nigimea. Kena a-wisine naa-wisine sima, ku nde miya mike ebata tau. Eduga ko enii'm tomea-tomea sese kui.
Ku kasipa se bage kuwa, ekii'm sese ku ndamata mugo ndoe, “O, Anegisemee kaa ‘Mike ae,’ nigimamea se bage waa ekii'm sese ‘Se ae, se ae,’ ” se ku deao sekii. Kena ku mugo bage ku ese mbeenaa ndo tau. Ese mee kooda waa aoo. Ku bage kooda waa kuwa ekii'm sese ku ekokedoke bada. Dee, enii'm toke yoo kiyoo Anegisemee wa'm se nambeana ko wa'm gai-gai awasi na se enda da naambeasimi. Me bage enda da naambeasimi kumana me nda dama penaa taao kan, kanam-kanam penaa se nde miya, dim si katu kaae. Dim si katu kina aii ndidinina ndo penaa siwoo taae. Kena enii'm penaa taao kan sipa enda ku kaa si namaaniyaambi sese aoo kipii kindo ko ku mugo sese waa ku wisin'tawee. Woo-woo se ku nde miya enii kaa nagadimiyaambea kumana ku nde miya wisin'tawee.
Waya wada nda endo gapi me ko me enii'm Anegisemee'm mina yeao sekii se gapi. Anikee buwaata ee? Si buwaata ee? Ku si nige-neke koena. Ku kumana si woo-woo sisea na omiyaa siyaa ku ndo a-koe naa-koe siwoo semuu taae. Kase enta mugo ndoe, enii'm woo-woo se ku enii kaa to nadeba taao sekii se kao waa. Waya ku kaa kiyoo kam enii'm dimina nde miya ese mbiseoo nakiyaabuu taao sekii kaambi kao waa. Ku kindo ku taa kisi na a-koe naa-koe siwoo semuu taae.
Yibanda kiyaa Anegisemee'm emaa misi kaa ndumbo ndo awasea na eki'm ese eaa se woo-woo se ku nuwa, eki'm peu-pau awawoo nakea ku nuwa, ku duwato damana uwo kaa wamaae. Ku uwo kaa wamana Anegisemee wa'm eki'm dim'mba nda domoo sipi mina ku guna miyo ndo tuta taae. Ku guna miyo ndo tuta sita mugo ndoe dama yito taae. Me mina me ko me a'm woo-woo se kaa em si kadan ndo dama katoyaasi se mina waa koena.
Anegisemee wa'm gai-gai yaawaao gai kipii kindo ko a'm eneke mina ku dama yimbi man'ta taae. Dee, mee ona wai “Ni ko ni Anegisemee'm gai-gai awawoo naka se mee to ndeo,” se aseke koya wa'm eneke mina wa kaa to wa yimbi maniin tau kipii kindo ko mbeduwa. Me mugo enipi se mee to me wa kaa to deba semapi mee to mugo dodo se deo. Waya ku kaa kiyoo wa'm Anegisemee tao yaawawoo nai ku otuma aii bada se kao waa, wa'm mina yimbi maniin tau koena, me ona.
Kase enta mugo ndoe, ese edugana ko eki'm eedoo bage ekii'm sese ku aii bada kaasea sese waa ku ndo awawoo simea. Kena ekii'm aii bada kaasea sese ku ekii'm yuwa kam yuwa yameaniwoona ndo waa ko eki kaa nde miya meaneke kidai. Ku dim'mba tau sese ku ko ku eki'm dimina da kagadimiyaake sese mugo dodo koya eki'm dimina ku yaa kapatatana ese dama katoyaao kan Anegisemee wa'm eki'm si maaneke ku kaa kaagapimami. Wa'm kaagapimami ku eki eo baa. Dee, Anegisemee wa'm kaagapimami me ko wai pedaki oma nuwa, eamasi oma nuwa, ku mugo kao masewena kaagapimami se ku tau. Ku mugo kao ku mbeedi se kao waa. Ku dibeowaasea se kao waa.
Eduga ko ekii ogu Keditusi mbaya tau se bage waa ekii mesema dipinimana peu-pau awawoo simea. Ku koya ku mugo awawoo simea sese ku endo ko ebata! Eki'm toke yoo ku waya wadobo si ono-ono taae. Dee, eduga ko eki dim peta se kao ku dim petaina tubaka awawoo simea, me ona. Ona me ko bobo uwo nowoo semuuna edidi kiwoo simea, me ona. Ona me ko ese peu se badii waa ku nde miya nowoo simea. Ku nomea se dodo me kaa bobo uwo nona edidi kimea. Edidi kimana tubaka awawoo simea ku se ene! Me ona. Kena ona me ko mbae da se anegisemee waa ku kaa yapapa siwoo simea. Me bage awawoo sese me Anegisemee'm emaa misi kaa ese niga sese. Me ona.
Ku aii se yadano kiyaabuu taasi se ku tau. Ku ekii'm ogu bage kaa peu-pau yaawawoo sipea ku kaa kiyoo abuu paao kan bodi ababa siyaabuu taasi. Dee, ekii'm sese ko ekii'm dim petakea se kao awaao kan ndee se gumba me kaa kiyoo ndo awake se ku tau. Apikaa nde miya uwa da kaa peu-pau awawoo nakea. Ese bani-bani se kan se awawoo nakea. Kena ekii, eki mesema dipinimana badii n'takea se dodo me kaa nde miya ekii'm peu-pau kaa dim petakea se kao ku bani-bani se kan awawoo nakea ndo. Ku kindo ekii eki mesema anewena ku mugo kao awake kipii kindo ko me dama se kao tau. Ku eki kaa to ego kiyaake sese waa. Ku eki ekaa da waa eki kaa to peu kiyaake sese waa. Ese si maaneke sese ku ndo.
Ku koya dim ndumbo se bage waa ku wa-nini kaasea. Kase enta mugo ndoe, Dosi wa ko wai dim ndumbo se mee to. Kena wai dim peu se Sedomi bage waa ku mesema tomi se dodo me kaa ko wa'm dimina ese dano-dano se aoo. Mbao kaa dim dano-dano se ee enta mugo ndoe, tau. Omiyaa siyaa ku ndo wa mesema tomea se bage waa ku Anegisemee'm mina kaa duwa matana peu-pau awawoo simea. Kena ekii'm awake-awake nuwa, ekii'm eneke-eneke nuwa, ku se ku ditoi yako dim dano-dano kimi. Dee, ku bage kuwa ekii Anegisemee'm mina ese beagea yako apea se kao ku ndo awawoo simea kumana ku dei yako Dosi wa ko wa'm dimina da ese kai-bai aoo. Dosi wai me mugo dimina ndumbo se dimina da aoo kumana me kaa kiyoo yaboyaan tau. Anegisemee wai Sedomi bage ku yadano kiyaabuu sita mugo ndoe, Dosi yaosipitana dama yatoyaami.
ကြော်ငြာတွေ