Yesiusi wai se asemana ko ekii peke. Ekii peta mugo ndoe Yesiusi wai wa mbo ndigi se mee kooda waa ku mbo Yohanesi kaa mina, mina eneke. Wa'm Yohanesi kaa mina se enina ko “Mee kooda waa woe. Eduga ko Yohanesi wai maa ndani se maa me kaa towee nai se dodo me kaa eki wa mbo pemea. Kena wa mbo pemata mugo ndoe mbao deao kan pemea naa ya? Bo pupu'm beba siyaake se yapao me deao kan pemea yee? Tau na!
Epesiusi 4:14 - Anegisemee'm Mina Kapuge14 Enii Keditusi wa kaa en'kiki se bage kaasea se dodo me kaa ko adomoo se yuwa to wa mugo dimina da me enii nduwawe dano kaasea. Adomoo se yuwa to dimina da me si maaneke se dimina da. Me ko mbeenaa bo pupu'm iye beba siyaake se dimina da mugo dodo. Me mbeenaa kuma me uwo biku-biku kan me-embe pe-embe siyaake se dimina da mugo dodo. Kase enta mugo ndoe, adomoo se dimina me “Oo, me tupipi mina me nde miya ndumbo ae. Oo, wa-nini tupipi mina me nde miya ndumbo ae,” nigeke se dimina da. Ese se-dimi we-dimi me-embe pe-embe se dimina da mugo dodo. Ku koya Keditusi kaa en'kiki se mee to mugo dimina aoo kipii kindo ko ndumbo mina waa ku ndo dito taao gai se dimina da. Mbae da mina nuwa, mee'm deba se mina nuwa, mee'm dime dim kadake mina nuwa, ku se ku dito taao be se dimina da, Keditusi kaa en'kiki mee to kindo. အခန်းကိုကြည့်ပါ။ |
Epesiusi 4:14
44 ပူးပေါင်းရင်းမြစ်များ
“Kena ese pake-takanu se gumba ku pasi kiwoo nai se dodo me kaa ko mbae da se nabi bage waa ku nde miya aoo kaasea. Ku mbae da se nabi bage waa aoo kina dai kaa waa ko ekii'm eniwoo taasea se mina ku kaa kiyoo mee waa ese oba mugo ku mike mina kaa duwa matana ku mbae da mina kuwa yaa mu-mu taasea,” aseke.
“Ekii'm se kasiimbea koya ekii'm mina ku si yeae. Ekii mee ndo mee wiya kam wado aoo se mugo kuwa enda be kaa aman-to se kumana ekii'm mina ku si yeae,” aseke. “Dee, ekii, ekii kaa to ese em'mbee tamaao eo se mina enigea se depa,” aseke. “Ekii'm asina ko ‘Endo kam wado Paudusi mbatumaan tau yoo noke kao nuwa, uwo nuwa, ku mike si naambea sima!’ se enigea, depa,” aseke. “Kena endo nde miya ekii a'm mina kadito nakea. Ekii'm kaedaambea mina ku kaa a gai kaambe ee, beambe ee ku kaa kadito kea nde. Ku kindo ko ekii'm kase-diimbea mina ku si yito taae,” aseke.
Eduga ko eki Yesiusi kaa “Mike ae,” nigaan tau yoo eki'm toke yoo ku kaa si andibuu taae. Dee, me gado me kaa kiyoo mee'm enipea mina ku kaa kiyoo ombe kawoewena mbae da se anegisemee waa yapapa simea. Mee'm egipina epipi semapea se mbae da se anegisemee waa kuwa ku minaseke sekii tau. Ku minaseke sekii tau koya eki'm dimina ombe kawoewegea yako yapapa semuu simea. Tau se.
Yesiusi kaa eniikinaa bage waa woe, Peu-pau se kao ku si awasea na ku kaa dimina kapaan tau se yopaa mbee waa ekii'm sese ekokedoke bada. Ku koya ni'm kasipa mina ku kaa si nige-neke kan adomoo se yopaa waa se takea kipii kindo ko me si maaneke. Ku taa kisi na ni'm kasipa mina ku kaa en'kiki se dimina kapaae.
Ku koya Anegisemee'm mina eniwoo nakea se bage waa ese oba mugo ekii me mugo dimina emi tau. Ku mugo bage ekii'm nigina ko “Kipe oba maseao kan Anegisemee'm mina eniwoo taao gai, ae,” se nigeke. Yibanda kiyaa enii'm sese mina eniwoo naka me ese wa-nini keo. Dee, enii mina eneke se dodo me kaa enii'm nigina ko “Enii ko enii Anegisemee wa'm mina donaa sisi na napeyaabuu nai se bage waa ae. Kena wa'm mina ku eniwoo sita mugo ndoe Anegisemee wa nadito nai ae,” se nigeke. Ku kaa nigimaa yako bea momo - bea momo se dimina da me kaa kiyoo kam mina eneao be. Enii Keditusi nda dipinimai yako ese ndumbo mina ku ndo eniwoo taao gai. Me ko me enii'm sese.
Waya na kiyaa Anegisemee nadito nai kumana wa'm mina ku ese ndumbo ndo eniwoo naka. Kena ogu bage ku ekii enii'm mina nayitona “O, Paudusi mesema wamugoi nakawaa mesema, ekii ese ndumbo mina ndo eniwoo sipea, ae,” se nanigi sisi na enii'm sese ku ko ku se de. Ona me ko si maaneke kan koo awake sese, ogu bage deke waa ego kiyaambi se sese kuwa ku mugo sese ku enii duwa matana mbeenaa kaa miya si awake, me ona. Kena ebanaa bage ku mee yadeba taao kan Anegisemee'm mina wa-nini kowiyaana eneke. Me mugo sese me enii'm ese awaao be se kao. Mee yadeba se ku enii'm ese awaao be se kao koena. Aii uwa pana ese ndumbo mike se mina ku ndo eniwoo taao gai, me ona.
Gadasiya maa kaa togea se Yesiusi mbaya bage woe. Eki'm sese kadeke se dodo me kaa ko ese dimina amina poo mbee kaa miya emi tau se bage mugo dodo se kadeo. Kase enta mugo ndoe, eduga ko ni eki'm emaa misi kaa ese uwa pana se katupina ko Yesiusi Keditusi wai eda piya aoo se piya tukuu me kaa yugumana naabomi se mina me katupima. Ni'm se katupima koya endo se gumba eki wa-nini mbae da se mina yaa mu-mu nakea ae se kadeo. Wai, wai peeto! Mii'm kadeba semai yako wa-nini mina yaa mu-mu nakea naa ya?
Kase enta mugo ndoe, enii yape bage aoo ko aoo koya enii'm yape bage ku oi emi tau. Emu emi tau. Enii'm yape bage ku ko Ibedisi nuwa, wa'm guna miyo mbaa waa ku nuwa, ku bage ku ko ku enii'm yape bage waa. Ku dimi peu se mbaa kuwa, ekii epo bea da nda togea se mbaa waa. Enii'm togea maa me kaa peu-pau se kao ku en'ndo otuma ku mbaa waa ku guna miyo kao waa. Ku kumana enii'm maa me kaa toke me ese tuku nda togea mugo dodo. Ku mbaa ku ese oyu koena. Ku mbaa ku mesema Ibedisi mesema enii yape aoo. Ku mesema yape aoo kumana ko Anegisemee wai yape masisi na kao ku naanegi semami. Wa'm enii tao naanegi semake ku ko ku enii tao enii kaa to edimisi na se kao ku nuwa, Ibedisi wa'm nadeba taao gai ku mbeedi yambeasisi na se kao ku nuwa, ku se ku Anegisemee'm enii tao naanegi semami se kao waa. Ku kindo ko wa'm naanegi semami ku si andibuu taae. Ku dim'mba nda dama yaa mu-mu taae.
Ona me ko penatuwa yambeaseao gai se mee to wai Yesiusi kaa “Mike ae,” se nigimana wado oba omaan tau se mee to me penatuwa bage si yambeaseae. Odi wa kaa to dodo taambi ee, tau ee, si nige-neke kumana ku kaa kiyoo mani tau si yambeaseae. Wa kaa to dodo se kipii kindo ko ku kaa kiyoo Anegisemee'm em yadaambi koena. Eduga Ibedisi me namba wa kaa to dodo se kumana Anegisemee wai em yadami. Me mugo yaa, wa kaa to dodo se mee to em yadaambi sima. Ku kindo ko Yesiusi kaa “Mike ae,” se nigimana wado mbeenaa oba om'pi kipii kindo ko penatuwa bage yambeaseao sekii.
Kena me mugo mee me me wai dama awaao kan bodi ababa sita mugo ndoe, dim peu se bage waa ku nuwa, mee deba se se bage waa ku nuwa, ku mugo bage ekii'm dim'mba tau sese ku dodo ndo se tai se ku tau. Ku mugo bage ku peu kiwoo, agi kiwoo, peu kiwoo, agi kiwoo semuu taambea se bage waa. Waya ogu bage mesema a-deba naa-deba siwoo nakea se bage waa. Se.
Ni'm oyu kan kasipa mina kuwa ku aii se kasipa mina waa se ku tau. Anikee waa mee waa ekii ndumbo mina ku yeao beasea se gumba aoo kaasi kumana se kasipa. Ekii'm dim petakea kao ku awaao sekii kisi na se mina ku ndo yeao gai kaasea. Ku kumana ekii'm yeao gai se mina ku ndo tupita taasea se bage waa ku nuwa, yipi se mina yanige-maniisea se bage waa ku nuwa, ku se ku “Mewee! Mewee! Enii mbo andagatawee! Ese yai, yipi se mina natupisea nde!” se asiisea.
Ku kumana ogu bage ekii'm ese wa-nini se-mina we-mina katupaao kan sipea ku si dito taae. Ku aii bada kaambea se enda da waa ku nda ndaa ombe kawoedona peembea se mina waa koena. Dee, ebanaa bage ekii'm dito se mina ku ko ku se de. “Anegisemee'm emaa misi kaa ku mugo noke kao naao sekii. Ku mugo noke kao noke sekii tau,” se mina dito nakea. Ku mugo tupeke mina ku kaa ekii ese dimina ona ndo kan dito nakea koya aii bada kaambea se mina waa ku ndo. Ku ekii'm toke yoo maaniyaambea se mina waa se ku tau. Ku koya enii'm dimina maaniyaambea se kao me ko me Anegisemee wa'm aii se dama natoyaabuu taao gai se mina da. Me mina me ko me eki'm dimina takunina oyu kan toyaabuu nai se mina koena. Ku kumana me mina me ndo dito taae. Wa-nini mina ku tau de!
Ku koya yaedaake se dodo me kaa dim wiya-wiya se dimina me mbeas. Dimina ona ndo kan “Dim pame aoo se dimina neae,” se yaedaae. Ku kase enta mugo ndoe, dim wiya-wiya se mee to wa'm sese me se de. Wa'm awaao kan sipi ku kaa dimina kusipimana awatai se ku tau. Aii me-embe pe-embe se dimina kan awatai. Ese bo pupu wa'm maakaa uwo kaa biku-biku siyaabuu nai se dimina mugo dodo. Ese dim'mba tau. Me mugo dimina kaa edaatai se mee to me Anegisemee wa'm mbeenaa kaa miya si maniimbi se mee to. Wa dim wiya-wiya se aoo kumana “O, dim pame se dimina da me mike si maniimbi ae,” se ku ndo nigaao sekii.
Kena mina ebeabea da ona me ko ese em'mbee uwo daii nda kuma da me'm sese dama nigi si pe taae. Me mugo kuma da me duwaao kan ese oyu se bo pupu me kaa kiyoo duwaao sekii. Se dopeana peta mugo ndoe, me kuma me nde miya, bo pupu me nde miya akaa ndepi ese ebo, ese oyu se kao. Ku koya tau. Ku se ku mbeedi mbeana ndumbo ndo dosi na se kao me kuma apu yato kiyoo aoo. Me ese mbeedi se piya kade da mugo dodo se kao. Me piya kade mbee to me kaa kiyoo uwo daii nda kuma da donaa se mee to wai me kuma me ndumbo ndo donaa se sekii. Kena wa'm peao kan sipi yoo me nda geniyaana me nda peao ndo sekii. Wa-nini yoo peke sekii tau. Me ona.
Kase enta mugo ndoe, ekii mee mbo mina tupitakea se dodo me kaa abayai ae se yesi na se mina en'takea koya dim'mba tau se mina ku ndo en'takea, ese mike aii bada kaasea se mina waa kui. Waya na kiyaa, ekii'm eneao kan sipea mina ku mee kaa yaoya-oya taao gai. Ku kaa kiyoo kam ekii mina ebo mbeana se enina ko “Enii'm tupeke mina ku yaa mu-mu se kipii kindo ko a'm awaao gai ku en'ndo otuma awaao sekii kaambe. A'm moo wado kayaamaambi se mina ona kaa miya emi tau kaambi. Ku kaa kiyoo a'm mee tuma kaa dimina da me kaa dim peta se kao en'ndo otuma ku awaao sekii kaambe. Tubaka awake nde miya bada o. Awas! Enii'm tupeke mina yaa mu-mu se kindo,” se en'takea. Waya mbae da mina en'takea se bage waa ekii'm se enina ko “Enii'm mina nayito se kipii kindo ko eki'm moo wado kayaamana tai se mina ona kaa miya emi tau kaambi. Aii dimina wooda ndo se tuta taambea,” se en'takea koya mbeduwa. Ku bage ku nde miya dimina wooda ndo tutakea se bage waa se ku tau. Kase enta mugo ndoe, ekii'm moo wado ebo toke me ko me eki kaa to si maaniyaambi se dimina da mei! Me dimina me me, me ekii'm mbeedi mbeaseao kana se dimina da koena. Ku kaa kiyoo kam ni'm kaseao gai se mina me ko me se de. Mee ona wai wa'm moo wado mbeedi mbeaseao kana se sese aoo kipii kindo ko wai me sese me guna miyo tona wa-nini kao awaao kana se mee to se towoo nai. Dimina wooda ndo se toke se ku tau. Ku kumana ekii'm tupitakea mina ku mee waa si maaniyaabuu nakea se mina waa. Dee, ekii'm tupitakea bage waa ku ko ku endo ndo “Mike ae,” se nigeke se bage waa. Kase enta mugo ndoe, ekii'm tupitakea bage ku mbeenaa eduga ko ogu mike tau se mina yaa mu-mu nakea se bage mesema dipinimana peu-pau awawoo simea se bage waa. Kena ku mugo sese ku wisin'tana mike mina emba matana wado onu oba omaan tau. Endo ndo oopea se bage waa mugo dodo. Ku koya peu-pau sese ku guna miyo waya pi-toyaasi na mbae da mina tupita se bage kuwa ekii dime kan ombe yawoeta semuu nakea se detaka.
Yesiusi mesema yape se bage waa kasipa ku ko eduga ko ekii enii mesema andagata siwoo simea se bage waa. Ku koya waya wadobo enii mbo kam nagimitana pemea se bage waa. Nagimitana peta mugo ndoe ekii'm dimina ku uwa da kaa nadeyaabuu sipea. Se nadeyaagea yako “Ai, ai, ku enii mbaya bage tau se bage waa ae,” se ku yanigaao sekii kidai. Kase enta mugo ndoe, ku enii mbaya bage se waa, ekii'm nagimitagea mugo kuwa si nagimitayaa ae, se nigeke.
Ni'm embaake se nemugoi nakawaa woe. Mbae da se nabi bage waa ese oba mugo ku maa en'ndo otuma odeeniyaapea ae, se deke. Ku kaa kiyoo kam mee ona wai “Anegisemee Dim'mba wa'm nakumapi mina ku kasiinka ndeo,” se kasii nde miya ku kaa mani “Mike ae,” se si nigaae. Wa'm mina ku Anegisemee Dim'mba wa'm yakumapi mina ee, wa-nini mbae da se mina ee, se ku deao kan wa'm asipi mina ku kita dama ndamaae.
Eki mbaya koo anewepea bage waa, ekii'm sese ku kasiinka ndeo. Ekii'm sese ko mbeenaa uwo ndoiba nda si deke se em'mbee oma wa'm sese mugo dodo. Uwo daii nda wado deao disi koya uwo ndoiba nda deao kana se yoo kiyoo si maaneke aoo. Ku kumana uwo daii nda kuma da doke se dodo me kaa me oma me ogindaa si degea yako nasimiyaana kawida-pada siyaa. Ku mugo yaa, eki mbaya koo anewepea bage waa ekii'm sese ku mugo dodo. Kase enta mugo ndoe, eki Yesiusi mbaya bage ko eki a-embaa naa-embaa se kan badii nom'tana Yesiusi boke ebeabea da me noke se dodo me kaa ko ku kasipa se bage kuwa ekii nde miya eki mesema noke. Eki mesema noke kumana ekii'm sese ku uwa da kaa deao disi koya tau. Ekii'm dimina yiba nigitakea ku ese wa-nini keo. Ekii ogu bage'm dama tosi na se kao dito taao be. Ekii kaa to dama tosi na se kao ku kaa ndo dito nakea. Waya wada nda ekii ese si maaneke awawoo nakea koya ku kaa ego se dimina mbeenaa kaa miya emi tau. Aii Anegisemee kaa widaa tau kan eki mesema dipinimana badii n'takea, ndo. Ku mugo bage ekii'm sese ku uwa da kaa deao disi koya aii bada kaambea sese waa. Ku kumana ekii'm sese ona me ko, awe ebo aoo se gumba edii ween tau se sinu waa mugo dodo. Ku mugo sinu degea yako “Edii weembi ae,” se nigeke koya aii bada. Ku sinu ku bo'm dopeana pei yako aii bada kidai, me ona. Ona me ko ekii'm sese ko me mbaii se piya amba kapoepi mugo dodo. Poo ikeke se kadowai nde miya mbaii kan poo ikaan tau. Kena amba kapoena wado nde miya aii bada kidai. Aii dibeopi koena. Ese mbae da mina tupitakea se bage ekii'm aii bada kaasi sese mei! Me ona, wiya.
Kena ekii yape masiinkea ae se dodo ndoe, dim peu se emii to mbeedi yambeana yapamitake. Mbae da mina en'tai se nabi mee to me nde miya yapamitake. Ku wiya ku yapamitana bidea uwo ndoo da me nda yawamaake. Me bidea uwo ndoo da me ko me ese dibita eponu aoo. Akaai ese iyaao takea se dodo me kaa yawamaake se dema. Mbae da mina en'tai se nabi me me, me eduga ko mee'm emaa misi kaa abayai se ebeabea da waa awawoo simi se nabi to. Aii se awawoo simi se ku tau. Dim peu se emii, wa ekaa da ebo mbeana yapapa sisi na se awawoo simi. Ku se ku awai yako wa'm yadeba simi se bage waa ku ko ku dim peu se emii to wa kaa ebeabea da aoo se bage waa ku nuwa, kena wa'm sipi mugo egipemapea kao me kaa yapapa semuu nakea se bage waa ku nuwa, ku se ku yadeba semami. Mbae da mina en'tai se nabi me me.
ကြော်ငြာတွေ