“Mbao kaa bani-bani se ee? Tau, ndumbo mina kasiinka ndeo. Eki'm nadito nakea se kao waa ku nuwa, eki'm nayito nakea se mina waa ku nuwa, ku eduga tomea se bage waa oba mugo ekii deo waa ‘Oowoo,’ se kao waa kui. Ekii'm yeo waa ‘Oowoo,’ se mina waa kui. Ku eduga tomea bage ku nabi se bage waa ku nuwa, kena Anegisemee'm mina ndumbo ndo yaa mu-mu nakea se bage waa ku nuwa, ku se ku ni kaa ‘Oowoo,’ se nigiwoo simea koya nadiin tau. Ku koya endo se gumba pakemai ndoe eki'm ndo nadeao sekii kidai. Ku kumana eki'm nadito taao sekii ku kaa kiyoo eki bani-bani se aoo se kasipa,” aseke. Yesiusi wa'm se asimi.
Epesiusi 3:5 - Anegisemee'm Mina Kapuge5 Ku mina kuwa ku edowaa tomea bea da se bage kuwa ku ekii'm eo se mina waa. Anegisemee'm yanige-maniin tau kumana eo kimea. Eduga yanige-maniin tau koya endo ko tau. Endo ko Anegisemee wa'm wa tao daa yambeasipi se bage waa, Edaseo bage nuwa, nabi bage ku nuwa, ku mbo yanige-manei yako epi kumapea. Anegisemee Dim'mba wa ko wai Keditusi kaa mina dama yanige-manepi koena. အခန်းကိုကြည့်ပါ။ |
Epesiusi 3:5
24 ပူးပေါင်းရင်းမြစ်များ
“Ku kumana ni'm mina ku dama naayito taae,” aseke. “Ni'm eki mbo kameyaana ko Yahawee'm mina yaa-enei se bage waa ku nuwa, dim pame nomata se bage waa ku nuwa, Anegisemee'm mina tupaao epi se bage waa ku nuwa, ku mugo bage waa ku eki mbo kameyaabuu taata,” aseke. “Ku mugo bage eki mbo kameyaana ko ebanaa ku eki'm yaboyaasea. Ebanaa ku eki'm eda piya aoo se piya tukuu kaa yugumana yaboyaasea. Ebanaa ku eki enii Yahudi bage enii'm andagatake ee waa ku nda em yadaasea. Ebanaa ku okaa yoo kam okaa yoo yaebambi-pambi taasea,” se aseke.
“Eki'm dimina ku eedoo bage'm dimina mugo dodo kumana Anegisemee wai wa'm dim pame se dimina da me kaa kiyoo kam se asina ko ‘Nabi bage nuwa, Edaseo bage nuwa, ku waya wadobo Yahudi bage mbo yapeyaata ndeo,’ aseke. ‘Ku mugo bage ku Yahudi bage mbo yapeyaana ko ebanaa ku yambatumaasea. Ebanaa ku peu bodi mugo kao yaababa siyaasea,’ ” aseke.
Ku koya anikee waa ni eki mbo emi tau se dodo me kaa ko ni'm Naamee wai ni ekaa da kaa Anegisemee Dim'mba eki mbo yapeyaasi. Anegisemee Dim'mba yapeyaasi me ko me eki'm dimina da waa Kakumake Mee to se yapeyaasi. Wai eki'm dimina da waa ku nda yapeyaana ndo waa ko se-dimi we-dimi ku otuma katupiwoo taasi. Kena ni'm kasipa mina en'ndo otuma ku si andibuu sisea na ku nde miya waya kanige-mane siwoo taasi. Anegisemee Dim'mba me wa'm se kaawaasi,” se aseke.
“Ku koya anikee waa Anegisemee kaa mike mina waa ku yaa mu-mu nai se Anegisemee Dim'mba wai eki mbo ukaasi. Wai eki mbo ukimana ndo waa ko mike mina en'ndo otuma kakumamoo taasi,” aseke. “Kena anikee waa pi-pamaasea se mina waa ku nde miya aii dodo se dodo me kaa kanige-maniisi,” aseke. “Wa'm kanige-maniisi mina ku ko wa'm ndo nigita kaa mina waa se ku tau. Ku ni mbo yemi se mina waa ku ndo kanige-maniisi,” aseke.
Se dei yako Petadusi'm ekii kooda se asina ko “Enii Yahudi bage'm sese ko eki epi. Yahudi bage'm sese ko enii Yahudi tau se bage mesema tomu se me daa. Eki'm ee nda ndemeke ku nde miya ese daa tamake kao,” aseke. “Ku enii Yahudi bage'm daa se kao koya Anegisemee wai wa-nini se mina natupimi. Wa-nini se mina se natupina ko ‘Mee agumee me ese peu, ese daa se mee to ku mina se ku si aseae,’ se natupimi,” aseke.
Enii otuma Anegisemee wa kaa “Paamee! Mataae!” se eniwoo taao ndo bada. Kase enta mugo ndoe, wai enii'm dimina otuma natakuniyaabuu taao sekii se Anegisemee to koena. Dee, Yesiusi kaa dama mina, ni'm eniwoo naka se mina kuwa ku yeke se dodo me kaa ko ku mina ku kaa kiyoo kam Anegisemee wai enii dimina da waa ku oyu natakuniyaabuu nai. Eduga edugana ko ku Keditusi kaa dama mina kuwa ku mee tuma kaa bage'm eo se mina waa. Ese eduga kam wado ku mina kuwa Anegisemee wa'm koo gamai yako eedoo bage'm yiin tau se mina waa. Eduga eo koya endo ko tau. Endo ko epi kimapea. Enii'm epi nakiyaapea ona me ko Anegisemee wa'm nanige-manei yako epi kimapea, me ona. Ona me ko nabi bage'm mina kapuge ku namba nanige-manei yako epi kimapea, me ona. Ku wiya ku kaa kiyoo kam wa'm koo gamami mina ku uwa kaa nakiyaai yako enii Keditusi kaa dama mina epi kimapea. Ese asiyoo si dan ndo omiwoo towoo nai se Anegisemee to wa'm se asina ko “Ni'm mina ku donaa asinaaina mee en'ndo otuma odeeniyaae,” se aseke. Aii se aseke se mina se ku tau. Mee tuma en'ndo otuma “Mike ae,” se nigi sisi na, me ona. Kena “Mike ae,” se nigimana Anegisemee'm gai-gai yaa-awawoo sisi na, me ona. Ku se ku awasi na Anegisemee wa'm asina ko “Ni'm mina ku naaduwaae,” se aseke. Waya ku kaa kiyoo kam wa'm dama mina ku mee en'ndo maa en'ndo otuma odeeniyaapea.
Eduga ko Anegisemee wa'm naepipi taao gai se kao kuwa ku mee'm eo se kao waa koya endo ko tau. Ku se ku wai wa'm Dim'mba wa kaa kiyoo uwa da kaa nadeyaabuu sipi koena. Dee, Anegisemee Dim'mba, wa'm si nige-neke kao ona kaa miya emi tau. Anegisemee wa'm koo-koo nigi si pe se ku nde miya deao sekii kumana ku wa'm masewena uwa da kaa nanige-maneao sekii, Anegisemee Dim'mba mei!
Ku kindo ko Yahudi bage nuwa, Yahudi tau se bage nuwa, enii ndepo mbeenaa ee mbato mugo dodo. Ese epopi nda ee si omisi na se oo tukuu me ko me Keditusi Yesiusi me me. Kena Keditusi yau-yau wepea se tukuu mugo kuwa ku Edaseo bage nuwa, nabi bage nuwa. Kena ku tukuu ku kaa wado memapea bage waa ku enii. Yesiusi mbaya bage, enii.
Kena ku abayai se mina kuwa ku se-kao we-kao en'ndo otuma anegi semami se Anegisemee to, wa'm eduga-eduga kam ata koo manemami se mina waa. Eduga koo manemami koya endo se gumba uwa da kaa kiyaasi na mee mbo napeyaami. Mee en'ndo otuma ku Anegisemee'm awaao gai se mina kuwa ku dama desi na napeyaami.
ကြော်ငြာတွေ