Epesiusi 1:12 - Anegisemee'm Mina Kapuge

¹² Ku wa'm aii se naawake se ku tau. Enii wa kaa yaapapa sisi na se naawake. Kase enta mugo ndoe, enii ko enii kita Keditusi kaa “Mike ae,” se nigeke bage kuwa, enii wa kaa asina ko “Anegisemee ai ese asiyoo. A'm sese ese wa-nini keo. Ku kaa paamee. Mataae,” se aseke. Ku mugo mina asisi na Yesiusi mesema nadipinimake.

Epesiusi 1:12 ပူးပေါင်းရင်းမြစ်များ

Yohanesi 14:1

Kena Yesiusi wa'm ekii se asina ko “Eki'm dimina da waa ku si gadoo kaae,” aseke. “Anegisemee kaa ‘Mike ae,’ nigimana kusipimaae. Ni kaa nde miya ‘Mike ae,’ nigimana kusipimaae,” aseke.

Epesiusi 1:6

Anegisemee wai Wayombai kaa ese yaembaake aoo. Kena enii Wayombai me mesema dipinimai yako dama tosi na se kao ku enii kaa nadotaake. Yagaika nadotaake se ku tau. Wa'm ese abayai aii se nagane kan dama natoyaao gai se dimina ku kaa kiyoo dama aya nadotaake. Ku kindo ko wa'm ese abayai aii se nagane kan dama natoyaake se dimi eneke sekii tau. Me dimina me kaa kiyoo “Paamee! Mataae!” se ku ndo aseao bada. Se.

Epesiusi 2:7

Anegisemee wa'm Keditusi Yesiusi kaa dama naawake me ko me ese wa-nini keo. Wa'm aii se nagane kan dama natoyaake me ese asiyoo. Eneke sekii tau. Kena wa'm abayai se dimina da naadeyaao kan enii Yesiusi mesema dime nadipinimana Siduga kaa natoyaabuu nai. Ku kaa kiyoo anikee waa nde miya, ken gapi nde miya, wado ina gapi nde miya, kisee ese si dan ndo wa'm enii kaa abayai se dimina nadeyaabuu siwoo nai kui.

Epesiusi 3:21

Ni'm kaseao kan sipa mina me ko me se de. Enii Keditusi Yesiusi nda dipinimai yako ku kaa kiyoo Yesiusi mbaya bage en'ndo otuma yapapa siwoo se bada. Endo togea se bea da ku nuwa, wadobo tuwaasea se bea da ku nuwa, aii si dan ndo omiwoo towoo se gumba ndoe, “Anegisemee paamee! Mataae!” se yaeniwoo siwoo taae. Anegisemee ekaa da ese ebo, ese asiyoo kisi na se yaeniwoo taae. Ese ndumbo ndo se kaseo, kui.

2 Teseadonika 2:13

Tuhani wa'm kaembaawoo nai se eniikinaa bage waa woe, ese eduga edugana ko Anegisemee wa'm eki tao se kambeana ko eki'm woo-woo se ku kaa si em kadan ndo aii omiwoo towoo katoyaasi na se mina se kaambeasimi. Ku kaa kiyoo enii eki kaa Anegisemee mbo “Paamee,” se mina ku ndo kaasetoo taao sekii. Dee, Anegisemee wa'm aii dodo se kaambeana ko Teseadonika bage ekii'm omiwoo towoo sisi na kao wiya aoo kaasea se kaambeasimi. Wa'm kaambeasimi ona me ko eki'm Keditusi kaa mike mina waa ku kaa “Mike ae,” nigeke se dimina da, me ona. Ona me ko Anegisemee Dim'mba wa'm eki tao dimi ndumbo se bage waa kakiyaake, me ona, wiya. Ku wiya ku kaa kiyoo eki'm woo-woo se kaa si em kadana aii omiwoo towoo katoyaao sekii se kaambeasimi. Ese eduga edugana ko Anegisemee wa'm se kaambeasimi kumana ku kaa kiyoo enii eki kaa Anegisemee mbo “Paamee” se mina ku ndo kaasetoo taao sekii.

2 Timotiusi 1:12

Wa'm se nambeasii yako Keditusi kaa dama mina ku dopeana mee mbo donaa asinaa naka. Ku donaa asinaa sita mugo ndoe, mee'm nabeagea yako peniyada ee nda nadomaana bodi naababa siyaabuu nakea. Ni ko ni peniyada ee nda bodi ababa se aoo ko aoo koya mbeenaa kaa miya ego kaan tau. Kase enta mugo ndoe, ni'm “Mike ae,” se yanigimama mee to me ni'm eo se mee to tau. Wa'm sese ni ese epi keo. Ku kaa kiyoo ni wa kaa ese dimina ona ndo kan se yanigina ko wa'm dama mina da, wa'm namatami se mina me ko me wa'm dama edimitai se mina kumana ogu bage ku'm si maaniyaake sekii tau. Mbae da mina mesema dipinimake sekii tau. Me wa'm dama edimitai se mina kumana wa'm waya ukaasi yoo me gapi me kaa miyo wa'm dama mina me maaneke se mina ndo se tai. Ku kaa nigi seo yako ego tau ndo se taka.

Yakobusi 1:18

Dee, enii tao dama tosi na se kao ona me ko me se de. Anegisemee wai enii tao se nambeana ko enii ko enii wa'm mike ndumbo mina ku kaa “Mike ae,” se nigeke kipii kindo ko me mina me kaa kiyoo yipi se dimina da one nadamaasi, se nambeasimi. Aii se, se naambeasimi se ku tau. Wa'm se-anegi we-anegi simi ku otuma mbeedi, kena enii ndo wa'm ese ebo, dimi se bage waa kisi na, ku taao kan wa'm se nambeasimi.

1 Petadusi 1:21

Kena ndo waa ko Keditusi wa'm kaawami me kaa kiyoo ko eki Anegisemee kaa “Mike ae,” se yanigeke se bage waa kimea. Dee, wa'm naatabeke me dano se dodo waa ko Anegisemee wai Keditusi maa poo yoo yandomami. Maa poo yoo yandomana ndo waa ko ese asiyoo kam asiyoo ebo yambeana ese abayai se yatoyaami. Kena Anegisemee wa'm yaawami ku degea yako eki ese dimina ona ndo kan se nigina ko “O, Anegisemee wai enii kaa nde miya ese dama natoyaabuu taasi ae,” se nigeke. Se nigimagea yako eki wa kaa dimina ona ndo kan wa'm dama katoyaasi yoo mbikana yadito siwoo nakea ndo.