Ku mina ku yegea se dodo me kaa ko Yahudi tau se bage waa ekii ko ese bani-bani se aoo. Ese bani-bani se aoo kumana Tuhani'm mina ku kaa “Paamee! Mataae!” se aseke. Kena Yahudi tau se bage ku namba Anegisemee'm omiwoo towoo sisi na yambeasipi se bage kumana ekii otuma Anegisemee kaa “Mike ae,” se nigeke.
Epesiusi 1:11 - Anegisemee'm Mina Kapuge11 Anegisemee wa'm sese ko wa'm awaao gai ku otuma mike wa'm nigipi dodo ndo se pi-pamiyaabuu se kao waa. Me mugo Anegisemee me me, wa'm eduga mike awaao gai se kao ona me enii Yahudi bage kaa nambeasimi mina da. Enii wa kaa wa tao wa'm daa mbeasipi se bage waa kisi na enii Yesiusi mesema nadipinimake. အခန်းကိုကြည့်ပါ။ |
Epesiusi 1:11
40 ပူးပေါင်းရင်းမြစ်များ
“Kena ndo waa ko mee me me, me Anegisemee'm dime kan kanemi se mee to. Aii se kaneke ku tau. Eki'm yambatumaambea ku wa'm aii dodo epi kumana ku se ku yaawasea na dime kan kanemi. Kanena ndo waa ko Anegisemee'm mina beake bage mesema eki ndepo Yesiusi yaa wedona eda aoo se piya tukuu me kaa mbeana yaa-yaa, bado-bado ku piya tukuu kaa paku woemamea. Paku ku wemana ko piya tukuu mesema weataake, Yesiusi yaboyaasi nde. Kena bota.
Kena wa'm waya se asina ko “Endo ko ni peke kumana Anegisemee yaa da kaa kambeaseo. Anegisemee nuwa, wa'm mee tuma kaa aii se gane kan dama toyaasi na mina ku nuwa, ku eki'm dimina da nda katakuniyaabuu taao sekii. Ku katakuniyaana ndo waa ko anikee waa nde miya Anegisemee'm wa-nini wenimana daa mbeasipi bage waa mesema omiwoo towoo katoyaake sekii. Ku kumana ku kaawasi na Anegisemee yaa da kaa nuwa, wa'm mina kaa nuwa, ku kaa kambeaseo,” se aseke.
Ku kindo ko enii Anegisemee'm yopaa waa kumana wa'm daa naambembo se kao kuwa ku anikee waa masiisea. Ku enii Keditusi mesema masiisea. Kase enta mugo ndoe, endo se gumba enii wa'm sipi mugo ekokedona bodi ababa se kipii kindo ko ku kaa kiyoo kam anikee waa Yesiusi wa'm ese asiyoo abayai toke yoo kiyoo enii namba wa mesema ese asiyoo abayai se natoyaabuu taasi sima.
Anegisemee wa'm enii kaa naa-awaao gai me ko me Yesiusi wa'm sipi mugo dodo nakiyaao gai. Se nakiyaao gai kumana ese eduga edugana ko wa'm mina kaa “Mike ae,” se nigaasea bage ku en'ndo otuma wa'm epi se bage waa. Ku kumana ku bage ku kaa wa'm se yaambeana ko “Ekii Niyombai'm sese mugo dodo yakiyaabuu taata se bage waa, ae,” se yaambeasimi. Yesiusi wai ekii'm yaamee kisi na, kena wa winaanee waa ku oba kisi na se yaambeasimi. Kena wa'm “Niyombai'm sese dodo yakiyaata, ae,” se yaambeasimi se bage kuwa ku wa'm wadobo “Ni mbaya bage kaae,” se asipi se bage waa. “Ni mbaya bage kaae,” se asemana ndo waa ko ku bage kuwa ekii tao dimi ndumbo yakiyaake. Dimi ndumbo yakiyaana ko ku bage ku tao ese wa-nini abayai se toke yoo yatoyaake. Ese Yesiusi wa'm ese abayai ebo toke sese kui. Ku kaa kiyoo enii'm ese epi se mina me ko me se de. Anegisemee kaa yaembaake se bage waa ku enii'm toke yoo ese maaneke ndo. Enii'm topea-topea en'ndo otuma dama se kao nde miya, peu se kao nde miya ku wa'm dama naamaaniyaabuu taambi se kao waa koena. Ku otuma Yesiusi wa'm sipi mugo dodo nakiyaabuu taasi kao koena. Ese wa'm mina woewemi se bage enii kaa enii tao naawaao kan simi mina kui.
Daba kina ko wa nduwawe kiyoo gudao yuwa aoo kimea. Kena ku gudao yuwa ku one daan tau yoo Anegisemee wa'm Edibaka se asina ko “Yaamee me ko wai winaamee wa'm wa tao masii yaamata se mee to kaasi,” se amanimami. Ku mugo mina se yambeasimi se dodo me kaa ko akaai dama se kao ku nde miya awaan tau. Peu se kao ku nde miya awaan tau. Ese mike aii dodo se dodo me kaa ko Anegisemee wa'm pikimami me kaa ndo se yambeasimi. Kiyoo kam enii'm deao sekii se mina ku se de. Anegisemee wai mee mbo mina yawoeweke se dodo me kaa ko wa'm mina yawoewepi mee me me, wa'm awake-awake ndamana me kaa kiyoo mina yawoeweke se ku tau. Wa'm awaao gai ku maanisi na ku kaa ndo nigimai yako mee mbo mina yawoewepi, se deao sekii.
Anegisemee Dim'mba me kita nepi kumana wadobo daa naambembo se kao ku si niisi se ku tau. Mike niisi sima! Anegisemee mbaya bage ku yapatatana asiyoo nadotaasi koya tau. Maa kaa ndigi se dodo me kaa miyo Anegisemee Dim'mba enii nduwawe okaa toi kumana “O, wa'm niisi kao ku mike ba-gamitake sekii tau ae,” se nigiwoo nakea. Ku mina ku kaa kiyoo Anegisemee yapapa sisi na se mina waa. Ku wa'm sese ku kaa nuwa, wa ekaa da me kaa nuwa, ku kaa “Awanke! Mataae!” se yaapapa sisi na se mina waa.
Kena eki Anegisemee Naamee wa'm sese epi kumagea yako ni'm wadobo kaasetoo se mina me se de. “Anegisemee woe. A'm abayai natoyaabuu nae se kao kuwa, ku Epesiusi bage dama masimasi na ekii'm dimina ku dama yawadaniyaabuu taae,” se mugo mina kaasetoo naka. Dee, enii ko enii Anegisemee wa'm “Ni mbaya bage kaae,” se nasipi se bage waa, me ona. Enii wa kaa “Mike ae,” se yanigeke se bage waa, me ona. Enii wa'm wa tao daa nawenimapi se bage waa, me ona. Enii ku mugo bage kumana eki'm masimasea na mina waa wido aoo. Ona me ko enii aii bada kaasi se bage waa se ku tau. Enii ese dimina ona ndo kan se nigina ko “Enii, Keditusi mesema Siduga maa kaa ebo natoyaabuu taasi se bage waa ae,” se nigi siwoo nakea. Me ona. Ona me ko ese yai se natoyaai se dodo ndoe, wa'm daa naambembo se kao ku nde miya niisi. Wa'm niisi kao ku mbeenaa ndo se ku tau. Ese asiyoo mike eneao kana mugo ku kisiu niisi. Me ona.
Ona me ko “Yesiusi Keditusi wa'm awami ku kaa kiyoo ekii ni'm okaa mee se yombai waa yakiyaata.” Me ona. Anegisemee wa'm aii dodo naambeasimi mina waa kui. Aii se naambeaseke se ku tau. Wa'm ese naembaake kumana se naambeasimi mina waa. Ku se ku ese dimina etaa kan naawaao gai se kao waa. Yai, Anegisemee wa'm Keditusi kaa dama natoyaabuu nai ku ese asiyoo kumana “Paamee. Mataae!” se aseao bada.
Dee, eduga ko Anegisemee wa'm awaao gai ku enii si nige-neke koya endo ko tau. Endo ko wa'm awaao gai ku uwa kaa kiyaapi koena. Wa'm dimina etaa kan awaao gai me ko Siduga nda se-kao we-kao ku nuwa, maa kaa se-kao we-kao ku nuwa, ku en'ndo otuma dipinimana Keditusi wa'm guna miyo mbeaseao gai. Ku se ku awaao kan ese eduga edugana Anegisemee wa'm nigina ko “Anikee waa, ni'm mbutu manimama se yoo me kaa pakemai se gumba ndoe ni'm awaao kan sipa ku Keditusi nda pi-pamiyaata, ae,” se nigeke.
Waya wada nda ana'm eki tao kaasetoo se mina ona me ko me eki'm dimina ku Anegisemee Naamee wa kaa “Paamee,” se dimina ku ndo nigi siwoo sisea na kaasetoo naka, me ona. Mbao kaa paamee se nigaao sekii ee? Tau. Ese ao da aoo se Siduga maa me kaa kiyoo Anegisemee wa'm wa mbaya bage ekii'm ndo masisi na se kao ku yaabai-bai semapi. Kena wa'm yaabai-bai semapi kao ku eki nde miya pi-masisea na Anegisemee wai wa mbaya bage waa se kakiyaami. Ku kaa kiyoo Anegisemee mbo “Paamee,” se asetoo siwoo taao ndo sekii.
Eki'm Tuhani tao yaawawoo sipea ndanda kuwa ku wa'm anikee waa kaediisi se ndanda waa koena. Kase bage kao kaediisi ee, tau na. Wa'm wa mbaya bage tao daa yambembo se kao kuwa ku eki tao kaniisi sima. Ku kumana ku kaa si andibuu semana Tuhani wa tao ndanda dama yaawawoo taae. Eki mee tao masii yaamata se koya tau. Eki'm ese ebo dito se mee me ko me Keditusi, wa tao masii yaamasiwoo nakea. Me kaa si andibuu taae.
Me Yesiusi me me wai wa kaa to ekamana enii tao naabomi. Wa'm enii tao naabomi ona me ko me enii'm peu-pau ku otuma mbeedi nambeana yaa napatatake mugo dodo. Kena wa'm enii tao naabomi ona me ko me enii'm woo-woo se naawise-mbeaseao kan naabomi. Mbao awasi na naawise-mbeasimi ee? Tau. Ona me ko, enii wa kaa wa tao dau se bage waa nakiyaao kan enii'm woo-woo se ku naawise-mbeasimi, me ona. Ona me ko enii dimina ona ndo kan dama se kao ku ndo awaao gai se bage waa kisi na enii'm woo-woo se ku naawise-mbeasimi, me ona. Ku mugo bage ku wa kaa wa tao se bage waa nakiyaao kan Yesiusi wai enii tao naabomi. Yai, Anegisemee wa'm aii se dama natoyaao gai se dimina da me ese mike deao sekii, sima!
Kena Anegisemee wai aii se nagane kan dama natoyaake se dodo me kaa ko enii wa'm emaa misi kaa dimi ndumbo se bage waa nakiyaake. Wa'm dimi ndumbo se bage waa nakiyaake ku aii se dimi ndumbo nakiyaake se ku tau. Enii ko enii wa'm daa naambembo se kao ku masisi na se dimi ndumbo se bage waa nakiyaami. Daa naambembo se kao maseao sekii se bage waa se nakiyaami kumana dim wiya-wiya se ona kaa miya emi tau. Enii ese dimina ona ndo kan se nigina ko “O, enii tao si dan ndo omiwoo towoo natoyaasi yoo me kaina gumba naa pi-naapamiyaasi naa ya?” se ku ndo nigiwoo nakea.
Ku mugo yaa, Anegisemee wa'm enii kaa enii tao naawaao gai ku ese mike wa-nini kiyaao kana se mina waa. Wa'm “Se kaawaata,” se mina, ku wa'm mike pi-naapamiyaabuu taasi mina waa ku ndo. Kum seta kaa enii waya “Ese, ese mike niisi ae,” se yanigisi na, Anegisemee wai wa'm naa-owatami mina me mesema, wa'm ese tamaao eo se mina me mesema dipinimana enimi.
Ni'm ese kaembaake se eniikinaa bage waa woe. Ni'm mina ku dama nayito taae. Anegisemee wa'm sese mee pikamoo se me ko me enii'm sese pikamoo se tau. Wa'm dito se kao wa-nini koena. Dee, ese eduga edugana ko Anegisemee wai ese ba-gamitaao kana se mina me se asina ko “Ni kaa naembaake se bage waa ku en'ndo otuma ku ni'm guna miyo ese dama yatoyaabuu taata se bage waa,” se asimi. Waya kiyoo kam Anegisemee wa'm se mbeana ko “Mee'm emaa misi kaa bakata se bage waa ku ni kaa ‘Mike ae,’ se nigeke kipii kindo ko me ni'm emaa misi kaa ese sinowi se bage waa mugo dodo se detaka. Ku ni'm ese dimi se bage waa se detaka. Ku ni'm guna miyo yambeana dama tosi na aya yadotaa taata se bage waa,” se aseke. Anegisemee wa'm aii dodo se mbeasimi.
Dee, Siduga maa me kaa kiyoo Anegisemee wa'm enii tao daa naambembo nai kao ku koo naamanei-pai semami. Ku wa'm mike niisi se kao waa. Kase enta mugo ndoe, wa'm koo naamanei-pai semami kao kuwa ku taa kiyaao kana se kao waa. Ku peu kiyaao kana se kao waa. Ku yanu kiyaao kana se kao waa. Ku ese abayai ndo se tai se kao waa. Ku mugo kao ku ndo mike niisi kumana ku mbikana dito nakea. Yai, Anegisemee paamee!
Ona me ko mee ona wai peu se kao kaawake me kaa kiyoo abuu maseao kan peu se kao yaawake ku tau de. Ku si awaae, me ona. Ona me ko mee ona kawisineke mina kaseke kipii kindo ko si yawisinaae. Si yawisinina ndo wa kaa dama tosi na se mina ku ndo yadotaa siwoo taae, me ona. Kase enta mugo ndoe, Anegisemee wa'm mina kawoemi se dodo me kaa ko eki ogu bage ku kaa dama aya yadotaa siwoo sisea na mina kawoemi. Waya wada nda ogu bage ku kaa dama yaawake kipii kindo ko Anegisemee wai eki kaa namba dama aya kadotaa taambi sima. Ku kumana ogu bage ku kaa dama ndo yaawawoo taae.
ကြော်ငြာတွေ