Edoma 9:7 - Anegisemee'm Mina Kapuge

⁷ Dee, eduga ko Anegisemee wa'm emaa misi kaa se dena ko Abedaham wa'm wado one dake se bage waa ku otuma wa'm okaa taii kaa yopaa waa se ku tau se demi. Se dei yako Anegisemee wa'm Abedaham mbo se amanimana ko “A'm okaa taii waa ku ayombai Isiaki wa'm taii kaa one yadaasea se bage waa ku ndo. A'm ogu yopaa waa ekii'm wado one dake se bage waa se ku tau,” se amanimami.

Edoma 9:7 ပူးပေါင်းရင်းမြစ်များ

Mandiusi 3:9

“Kena, eki'm nigina ko ‘Enii'm taii to ko Abedaham kumana Anegisemee wai em si nadaambi ae,’ se nigeke. Eki'm se nigeke koya ku tau de! Kase enta mugo ndoe, eki'm nigina ko ‘Abedaham taii to me ese ebo. Anegisemee nadano kiyaake wa be ae,’ se nigeke koya, tau, Anegisemee wa gai kipii kindo ko ku oma ku nde miya masewena Abedaham wa'm yopaa waa mugo yaepipi semayaa,” aseke. “Kum seta kaa eki'm taii waa ku kaa si dodo taae. Anegisemee wai eki taii nde miya em kadaao sekii koena,” aseke.

Dukasi 16:30

“Se asemana sinowi se mee bota da wa'm asina ko ‘Aa-oo, Abedaham, maa woe, ku iyo. Kapuge ku ndo dito se kipii kindo ko “Mike ae,” si nigaambea nde,’ aseke. ‘Ku mike aii bada kaambea koya eduga bomi se mee me maa poo yoo ndomana ni'm kinaa bage mbo ukeke kipii kindo ko ekii'm woo-woo se ku mbanamaambea sima,’ aseke.

Dukasi 3:8

“Ku kumana a'm woo-woo se ku mike mbana-mbeasipea kipii kindo ko ku uwa da kaa desi na dama ndumbo se kao ku ndo awawoo taae,” aseke. “Kena, eki'm nigina ko ‘Enii'm taii to ko Abedaham kumana Anegisemee wai em si nadaambi ae,’ se nigeke. Eki'm se nigeke koya ku tau de! Kase enta mugo ndoe, eki'm nigina ko ‘Abedaham tai to me ese ebo ae,’ se nigeke koya, tau, Anegisemee wa gai kipii kindo ko ku oma ku nde miya masewena Abedaham wa'm yopaa waa mugo yaepipi semayaa,” aseke. “Ku kindo eki'm taii waa ku kaa si dodo taae. Anegisemee wai eki taii nde miya em kadaao sekii koena,” aseke.

Yohanesi 8:33

Se asemana ekii'm asina ko “Enii'm taii ko me Abedaham taii. Enii Abedaham taii kumana yaa napineana mee'm guna miyo tona masii yaamata se me ko me enii'm mbeenaa kaa miya awa-diin tau se kao,” aseke. “Ku kumana a'm ‘Yaa kapatataamba,’ se nasipe mina me kase bage mina? A mbao kaa nigimana se nasipe naa ya?” se aseke.

Gadasiya 4:23

Waya wada nda yaa pineana masii mata se se ambii me me, wa'm mbayuwaa yuwa one dami me ko me mee tuma kaa bage'm sese awana mbayuwaa yuwa one yadamami. Koya yaa pineasiin tau se ambii to wa'm sese wa-nini. Wa'm mbayuwaa yuwa one dami me ko me Anegisemee wa'm aii dodo mina yaamamimami mina ku kaa kiyoo kam mbayuwaa yuwa one yadamami.

Gadasiya 4:28

Keditusi kaa eniikinaa bage waa woe. Eki ko eki ese Isiaki wa'm sese mugo dodo se bage waa. Kase enta mugo ndoe, Isiaki one yadamami se dodo me kaa ko me Anegisemee'm aii dodo amanimami se mina me kaa kiyoo ndo one yadamami. Kisena ndo waa ko endo se gumba eki nde miya kui. Eki nde miya Anegisemee'm aii dodo amanimami se mina me kaa kiyoo kam yipi se dimina one kadamami se bage waa koena. Ese Isiaki wa'm one yadami sese mugo dodo.

Pidipi 3:3

Kase enta mugo ndoe, enii ko enii paita endii da-mbeaseke se ebeabea da awaan tau se bage koya enii ko enii ese mike Anegisemee mbaya bage waa kimea. Dee, enii wa mbaya bage kisi na enii'm awaao sekii se kao ku mbeenaa kaa miya dito taan tau. Enii'm dito se me ko me Keditusi Yesiusi wa'm naawami ku ndo. Ku kaa ndo enii “Mike ae,” nigimana Keditusi ekaa da ebo yambeana “Paamee! Awanke! Awanke!” se yanigiwoo naka. Waya wada nda Anegisemee Dim'mba wa'm yaa mani da me kaa kiyoo Anegisemee kaa yapapa semuu naka. Dee, enii'm awaao sekii se kao ku enii'm mbeenaa kaa miya si dito se kao.