Wa'm se aseke koya Yesiusi wai Petadusi'm enipi mina ku yeao beai yako, Petadusi ogato damana ko wa'm tupinaa se bage ku emba matana dito se. Ku dito sita mugo ndoe, wa'm Petadusi waya se asina ko “Yai! A'm nigeke me Anegisemee wa'm dimina dowoo nae se dimina se ku tau. Me mee tuma da kaa dimina ku ndo dowoo nae ae se kadeo,” aseke. “Ku kumana ni a kaa ogato kadamana ‘Ibedisi, ai ni mbo kam pee!’ se kaseo,” aseke.
Edoma 8:5 - Anegisemee'm Mina Kapuge5 Dee, mbaya wiya aoo. Ona me ko ku mee tuma kaa dimina me guna miyo togea se bage waa. Ku mugo bage ekii peu-pau awaao kan se dimina ku ndo nigi si pe nakea se bage waa. Ona me ko ku Anegisemee Dim'mba wa guna miyo togea se bage waa. Ku mugo bage ekii Anegisemee Dim'mba'm gai-gai awaao kan se dimina ku kaa ndo nigi si pe nakea se bage waa. အခန်းကိုကြည့်ပါ။ |
Edoma 8:5
14 ပူးပေါင်းရင်းမြစ်များ
Mee'm nduwawe kiyoo Keditusi wa'm Dim'mba emi tau kipii kindo ko mee me me, me Keditusi wa'm bage tau. Ku mike mina koya eki nduwawe Anegisemee Dim'mba toke kumana ku kaa kiyoo eki mee tuma kaa dimina me guna miyo toke se ku tau. Eki Anegisemee Dim'mba wa guna miyo toke se bage waa ku ndo, se kadeo.
Ku kindo ko maa kaa togea bage waa enii'm sese ko me ese maa nuwaa kam anegi semami mee to, Adam me me wa'm inda-banda mugo dodo se dowoo semuu nakea. Enii'm maa buboo ku ese wa'm maa buboo mugo dodo se tutakea. Ku mugo yaa, Siduga maa kaa tuwaasea se bage waa enii'm sese ko me ese Siduga maa kaa kam maa yoo ukimi se Keditusi wa'm inda-banda mugo dodo se kaasea. Enii'm maa buboo ku ese Siduga maa me kaa tai se mee to wa'm sipi mugo dodo se towoo taasea.
Anegisemee Dim'mba wa'm nakumapi mina ku eniwoo sita mugo ndoe, Anegisemee Dim'mba emi tau se bage waa ekii beake ndo. Ekii nduwawe Anegisemee Dim'mba emi tau kumana ku kaa kiyoo mina yeke ko yeke koya aii si nige-neke ndo. Ekii'm nigina ko “Ka! Mbeduwa! Ku ese yuwe-yuwe sinaina en'takea se mina mugo dodo ae,” se nigitakea.
Dee, Anegisemee Dim'mba me ko me enii'm mee tuma kaa dimina mesema yape aoo. Kase enta mugo ndoe, mee tuma kaa dimina da me kaa “Oowoo,” se kao ku Anegisemee Dim'mba wa'm be se kao waa. Waya kawitana Anegisemee Dim'mba wa'm “Oowoo,” se kao ku enii'm mee tuma kaa dimina da me kaa be se kao waa. Ku kaa kiyoo akaa yape bage mugo dodo se kasipa. Kena akaa yape bage mugo dodo kumana ebanaa se gumba enii dama awaao gai koya peu ndo awake. Ku kumana mee tuma kaa dimina da mbeedi mbeaseao kan Anegisemee Dim'mba wa'm kakumawoo nai se mina ku ndo dama dito taae. Me ona.
Peu-pau yaa mu-mu nakea se bage ku wa'm mike em yadake se bage waa koya ese em'mbee em yadasi na se aya yadotaasi bage waa ku mbae da mina tupita se se bage waa. Dee, ku mugo bage ekii'm dim petakea se dimina da dito nakea kumana se-peu we-peu awawoo nakea, me ona. Ona me ko Anegisemee wai ekii'm moo wado ebo toke ku beagea yako yawisiniwoo nakea, me ona. Ku mugo bage ku Anegisemee wa'm mike em yadaasi se bage waa. Mbae da mina tupita se bage waa ekii'm sese ku se de. Ona me ko mbugu se dimina mbeenaa kaa miya emi tau. Ekii'm awaao gai ku mbugu tau kan awawoo nakea ndo, me ona. Ona me ko ekii kaa to dodo se nde miya aoo, me ona. Ona me ko ekii epo wado bage ku kaa yawisinina ekii ekaa da waa ku kaa peu yakiyaake mina eniwoo nakea, me ona. Ku epo wado bage kuwa ku ese asiyoo abayai se bage waa koya ku ekaa da kaa peu yakiyaao kan mina enei nakea kindo ko ekii widaa tau.
ကြော်ငြာတွေ