Edoma 7:8 - Anegisemee'm Mina Kapuge

⁸ Waya wada nda mee tupisi na mina emi tau waa, ni'm woo-woo taao gai se dimina da me yaa mani da emi tau kiyaa. Ku koya Anegisemee'm okaa mee tupisi na mina ku kaa kiyoo kam ni'm woo-woo taao gai se dimina da me ese oyu kidai. Kum seta kaa “Mee'm kao si dimoae,” se mina yemata mugo ndoe ni'm se-dimoke we-dimoke se dimina da waa ku ese asiyoo ebata tau kidai.

Edoma 7:8 ပူးပေါင်းရင်းမြစ်များ

Madakusi 7:22

mee'm se-kao we-kao ku kaa dimoke me ona, mee me peu-pau yaawake me ona, mee me yadeba se me ona, dim peke se dimina me ona, mee agumee'm dama toke yoo ku kaa ‘Ni nakiyaayaa oowoo,’ se dimina me ona, mee agumee kaa ese peu, si maaniyaake mina eneke me ona, mee'm wa kaa to dodo se se dimi me ona, dim'mba tau sese awake me ona,

Yohanesi 15:22

“Maa kaa togea bage ku ni kaa duwa namatana ni'm mina nabeapea ndo. Ni nakayoo meen tau waa, kena ni ekii mbo mina eniin tau waa, ekii'm nabeake ku si nige-neke kan awapea ae se nigiyaa. Waya me kaa kiyoo mina emi tau kiyaa. Ku koya tau. Ekii'm emaa misi kaa kiyoo mina yaeniwoo sipa kumana ‘O, si nige-neke kan woo-woo sipa ae,’ se mugo mina ku mike aseao kana se mina. Ekii'm woo-woo se kaa mina ku mike ndigi. Ku em yadaao ndo sekii,” aseke.

Edoma 5:20

Yesiusi wa'm awami me enii'm ese okaa dim ndumbo nakiyaasi na kao kumana Anegisemee'm okaa mee tupisi na mina kase? Me aii mina yee? Tau na! Ku aii se nemi se mina se ku tau. Ku mee'm woo-woo se ku ese wa-nini ae se nigi sisi na se mina waa. Kena mee'm woo-woo se ku oba kiwoo, agi kiwoo, semuu nakea koya tau. Mee'm woo-woo se agi kiwoo sita mugo ndoe, ku kaa kiyoo Anegisemee'm aii se dama natoyaake sese ku nde miya enii'm woo-woo se kaa wado ese asiyoo kam asiyoo wa-nini kiwoo nai.

Edoma 7:13

Ndumbo kaseo. Ku dama mina kuwa ku ni kaa naboyaasi na se kao se ku tau. Ku ni'm woo-woo se uwa pana nadeyaasi na se mina waa ku ndo. Waya Anegisemee'm okaa mee tupisi na mina ku kaa kiyoo kam “O, ni'm woo-woo se ku ese asiyoo kam asiyoo peu se kao ae, ese deao ediga, eneke sekii tau se kao ae,” se ku dewoo sisi na se mina waa. Ku kindo ku ese dama se mina ku ni'm woo-woo se desi na se mina. Kena me dama mina me tamapa ae se deo yako “O, ni'm woo-woo se kaa boke ndo sekii ae,” se ku ndo nigaao sekii.

Edoma 7:17

Ku kumana peu-pau awawoo sipa ku dena ko “Ai, ai. Me ni'm yipi se dimina wa'm gai kan awapa se ku tau. Ku ni'm woo-woo se aoo se mee tuma kaa dimina da me'm gai kan peu-pau awapa ae,” se nigeke sekii.

Edoma 7:9

Ni'm eduga toma yoo kiyoo ko Anegisemee'm okaa mee tupisi na mina ku kaa si nige-neke ndo. Se tutai se dodo waa ko “Ku awaae. Ku si awaae,” se mina ku kaa epi kumata mugo ndoe, ni'm woo-woo taao gai se dimina da me nde miya ese oyu kidai.

1 Kodintusi 15:56

Anegisemee'm okaa mee tupisi na mina se nambeana ko woo-woo se aoo se mee to wai wa'm woo-woo se kaa boke ndo sekii se nambeaseke. Anegisemee'm okaa mee tupisi na mina se nambeaseke kumana “O, enii'm woo-woo se ku naboyaasi na se yaa mani da aoo ae,” se nigitakea.