Ni'm kaseao kan sipa mina ku eki'm mee tuma da kaa dimina mbeenaa masimaao kana se mina waa. Ku kumana eki dama masimasea na yaa pineana masii maseke sese me kaa mina ebeabea da kaa mbeana kasipa. Me mina ebeabea da me kaa kiyoo ni'm kaseao kan sipa mina me ko me se de. Eduga ko eki si maaneke awaao kan dim peu se dimina da me mbo eki'm maa buboo ku eki kaa to “Ee,” se asimea. Waya me dim peu se dimina da me guna miyo togea yako eki'm peu-pau awake ku agi kiwoo oba kiwoo simea. Me gado me kaa ko eki dim ndumbo se dimina da me guna miyo tuwaan tau. Dim peu se dimina da me guna miyo me ndo towoo simea. Endo ko eki'm eduga peu-pau awamea kao ku kaa nigi si pe se kipii kindo ko eki ego aoo, tau se. Mbao kaa ego aoo ee enta mugo ndoe, tau. Eki'm awamea-awamea ku si maaniyaake se kao waa koena. Ku eki dama katoyaasi na kao se ku tau. Ku eki kaa to kaboyaasi na se kao koena. Kum seta kaa eki ego aoo. Ku koya endo se gumba eki'm toke yoo wa-nini, ese yaa kaekatana dama ndo tutakea mugo dodo. Dee, eki yaa da ku yaa kaekatake se dodo me kaa ko dim peu se dimina da me guna miyo tomea yoo me wisin'tana Anegisemee wa'm guna miyo wa kaa wa tao masii yaamata se bage waa kimea. Waya kiyoo kam omiwoo towoo taasea sima. Kum seta kaa wa'm emaa misi kaa dama se kao ku ndo awawoo taao kan eki kaa to “Anegisemee woe. Ni'm yaa-yaa, bado-bado, maa buboo ku otuma a tao, ‘Ee,’ ” se aseae. Se asemana dim ndumbo se dimina da me guna miyo toke kipii kindo ko si woo-woo taambea. Aii si woo-woona ndo omiyaa siyaa ku ndo Anegisemee wa'm gai-gai ku ndo awawoo semuu taambea kui.
Edoma 7:23 - Anegisemee'm Mina Kapuge23 Ku ni'm ese yeao gai se mina koya iyo. Dee, ni nduwawe dimina wiya aoo. Ona me ko ndumbo ndo awaao gai se dimina. Ona me ko woo-woo taao gai se dimina. Kena ku dimina wiya ku ni nduwawe yape a-mase naa-mase nakea mugo dodo kumana ndumbo ndo awaao kana sima. Ni'm nduwawe woo-woo se aoo se dimina nagadimapi koena. အခန်းကိုကြည့်ပါ။ |
Edoma 7:23
16 ပူးပေါင်းရင်းမြစ်များ
Anegisemee'm okaa mee tupisi na mina ku ko ku ese dama se mina waa. Ku Anegisemee Dim'mba wa'm nemi se mina waa. Ku se ku enii epi koya ni ko ni mee tuma kaa mee to. Ni mee tuma kaa mee to kumana ni'm moo wado ese ebo toke me ko me ni'm woo-woo se. Ni ko ni ni'm woo-woo se guna miyo toke kumana ku wisin'take iyo. Aii peu-pau ndo awawoo naka.
Eduga ko enii nduwawe “Mee tuma da kaa dimina” me ndo aoo. Mee tuma da kaa dimina me ndo aoo se dodo me kaa ko peu-pau awake se kao ku ndo awaao gai. Ku ndo awaao gai kumana enii'm maa buboo ku peu-pau ndo awawoo simea. Me gado me kaa ko Anegisemee'm okaa mee tupisi na mina ku aoo ko aoo koya ku mina ku ko ku peu-pau awaao waa “Oowoo,” se dimina ku mbeedi naakiyaan tau. Aii ebo naakiyaabuu siwoo se ndo. Kum seta kaa, enii kaa to ese tabeke ndo sekii se kao ku ndo awawoo simea.
Dee, Anegisemee Dim'mba me ko me enii'm mee tuma kaa dimina mesema yape aoo. Kase enta mugo ndoe, mee tuma kaa dimina da me kaa “Oowoo,” se kao ku Anegisemee Dim'mba wa'm be se kao waa. Waya kawitana Anegisemee Dim'mba wa'm “Oowoo,” se kao ku enii'm mee tuma kaa dimina da me kaa be se kao waa. Ku kaa kiyoo akaa yape bage mugo dodo se kasipa. Kena akaa yape bage mugo dodo kumana ebanaa se gumba enii dama awaao gai koya peu ndo awake. Ku kumana mee tuma kaa dimina da mbeedi mbeaseao kan Anegisemee Dim'mba wa'm kakumawoo nai se mina ku ndo dama dito taae. Me ona.
Waya mina ona me ko me se de. Enii otuma si maaneke se kao oba awawoo nakea se bage waa. Yibanda kiyaa, enii'm ebe ku ese asiyoo kam asiyoo enii kaa to enii yimbi maneao kana se kao. Kum seta kaa mee ona wai peu mina si enina wa'm ebe wa kaa to wa yimbi manimapi kipii kindo ko “O, mee me me, me ese en'kiki se mee to ae. Wai Anegisemee'm gai-gai yaawawoo nai se mee to ae,” se ku yanigaao sekii. Kena me mugo mee to wai wa'm ebe wa kaa to wa yimbi manimapi kumana “O, wa'm maa buboo otuma ku nde miya wa yimbi maneao sekii se mee to ae,” se yanigiyaa.
Nemugoi nakawaa woe, dama nigi si pe taae. Eki'm a-wisine naa-wisine se nuwa, mina a-bade naa-bade se nuwa, ku kayoo kam naa aoo kiyaabuu nakea se kao waa ee? Ku bende kaa ogu yoo kam aoo kiyaake se mina waa se ku tau. Ku eki'm dim'mba nda kiyoo kam aoo kiyaake se kao waa. Kase enta mugo ndoe, eki peu-pau se kao ku kaa dim petakea kumana me dimina me kaa kiyoo kam dama awaao gai se dimina da waa ku mesema akaa yape aoo. Kena ku kaa kiyoo aoo kiyaana ko eki'm a-wisine naa-wisine se nuwa, mina a-bade naa-bade se ku nuwa, ku se ku aoo kiyaabuu nakea.
Ku kindo ni'm ese kaembaake se nemugoi nakawaa woe. Ni'm kakoeta taao gai se mina ku se de. Eki ko eki Siduga maa kaa epoo bage waa kimea. Ku kumana nakayoo maa kaa ndigi se dodo me kaa eki'm sese ko oga-yuga penaa nakea se bage waa mugo dodo. Aii aneke bage waa mugo dodo se towoo nakea. Kum seta kaa mee tuma kaa dimina mbeenaa kaa miya si dito taae. Ku mugo dimina ku kaa kiyoo kam dim petakea se dimina da waa ku dama katoyaasi na se dimina da waa se ku tau. Ku eki kaa to si maaniyaambea se dimina da waa mugo dodo. Ku mugo dimina ku Anegisemee kaa dimina da mesema yape masiwoo nakea se dimina da waa koena.