Kum seta kaa Anegisemee'm okaa mee tupisi na mina ku peu se mina waa se ku tau. Yibanda kiyaa, ku ese Anegisemee wa'm sipi mugo dodo se mina waa. Ku ese woo-woo se mbeenaa kaa miya emi tau se mina waa kui. Ku kumana “Ku awaae. Ku si awaae,” se mina kuwa, ku ese asiyoo woo-woo se mbeenaa kaa miya emi tau se mina waa. Ku ese dama, ese ndumbo se mina waa.
Edoma 7:16 - Anegisemee'm Mina Kapuge16 Kena ni'm awaao be se kao ku awata mugo ndoe, ni'm nigina ko “Ai, ai. Anegisemee'm okaa mee tupisi na mina ku ese dama, ese ndumbo mina ae,” se nigeke. Ku mina ku ni'm be se kao ku kaa “Me daa,” se natupeke koena. အခန်းကိုကြည့်ပါ။ |
Edoma 7:16
5 ပူးပေါင်းရင်းမြစ်များ
Anegisemee'm okaa mee tupisi na mina ku ko ku ese dama se mina waa. Ku Anegisemee Dim'mba wa'm nemi se mina waa. Ku se ku enii epi koya ni ko ni mee tuma kaa mee to. Ni mee tuma kaa mee to kumana ni'm moo wado ese ebo toke me ko me ni'm woo-woo se. Ni ko ni ni'm woo-woo se guna miyo toke kumana ku wisin'take iyo. Aii peu-pau ndo awawoo naka.
Ku mugo bage ekii Anegisemee'm okaa mee tupisi na mina si masimake koya enii ko tau. Dee, enii'm nigina ko “Anegisemee wa ko wai wa'm tupina mina okaa nemi se dodo me kaa dimi ndumbo se bage tupisi na nemi se ku tau. Dimi kupoo se bage tupisi na nemi ae,” se nigeke. Ku enii masimagea yako “O ku ese dimi kupoo se bage tupeke kipii kindo ko maaneke kaambi ae,” se nigeke. Ku kaa kiyoo ku mina ku wa'm mina wado pakeke se bage ku mbo yatupisi na nemi se mina waa. Ku wa'm mina tamoo se se bage ku yatupisi na nemi se mina waa. Ku Anegisemee kaa yapapa taao be se bage ku yatupisi na nemi se mina waa. Ku woo-woo se aoo se bage ku yatupisi na nemi se mina waa. Ku Anegisemee kaa nigi taao be se bage ku yatupisi na nemi se mina waa. Ku Anegisemee kaa yawisinina peu mina yaasei se se bage ku yatupisi na nemi mina waa. Ku naamee oko mbatumake se bage nuwa, mee agumee dime yambatumake se bage nuwa, ku yatupisi na nemi mina waa.
ကြော်ငြာတွေ