Edoma 7:10 - Anegisemee'm Mina Kapuge

^10-11 Ni'm woo-woo taao gai se dimina da me ese oyu kina ndo waa, me dimina me “Ku awaae. Ku si awaae,” se mina masewena nadeba simi. Mbao kaa nadeba simi ee, tau na. Ni'm nigina ko “Ku natupisi na se mina ku ko ku omiwoo towoo natoyaasi na se mina waa ae,” se nigimama koya tau. Ku ni'm woo-woo se kaa naboyaasi na se mina me ndo nameaniyaabuu simi. Dee, ni'm woo-woo taao gai se dimina me'm nadeba semai yako naboyaami.

Edoma 7:10 ပူးပေါင်းရင်းမြစ်များ

Edoma 10:5

Ese eduga ko Musia wa'm se wudumana ko “Anegisemee'm emaa misi kaa dim ndumbo kiyaasi na wa'm okaa mee tupisi na mina ku ese dama yaa mu-mu taao ndo bada. Ku ese dama, ese ndumbo ndo awawoo nai kipii kindo ko ku kaa kiyoo omiwoo towoo taasi sima.” Musia wa'm se wudumami.

Edoma 7:9

Ni'm eduga toma yoo kiyoo ko Anegisemee'm okaa mee tupisi na mina ku kaa si nige-neke ndo. Se tutai se dodo waa ko “Ku awaae. Ku si awaae,” se mina ku kaa epi kumata mugo ndoe, ni'm woo-woo taao gai se dimina da me nde miya ese oyu kidai.

2 Kodintusi 3:7

Ese eduga ko Anegisemee wai Sinai ndii patu da me kaa endaanina wa'm aoo-aoo aoo se ao da nda agidimami. Ese abayai se ao da nda agidimana ko wa'm okaa mee tupisi na mina ku oma kade-pade ku kaa egipei-pai semana wudumami. Kena Musia wa ko wai ku mina ku dopeana Isedeo bage mbo endemaata mugo ndoe, wa emaa-paa ku ese wiki-wiki simi. Ku ao da ku odi dano kaambi koya ekii mbo endemaata mugo ndoe me ao da me ndigi kumana wa'm emaa-paa dama emaa woetana dito se iyo. Kiyoo kam dama nigi si pe taae. Wa'm dopeana endemaami se mina me ko me mee boyaasi na se mina koya Anegisemee'm abayai se ao da nda aoo kiyaami se mina da.

Gadasiya 3:12

Anegisemee'm okaa mee tupisi na mina ku ko ku kaa “Mike ae,” nigimai yako omiwoo towoo taao sekii se mina se ku tau. Ku mina ku kaa omiwoo towoo taao gai kipii kindo ko “ona kaa miya si taman ndo dama yaa mu-mu se waa, me mugo mee to me ndo omiwoo towoo tuwaao sekii kiyaa.” Anegisemee'm kapuge nda mina se nanige-maneke.