Edoma 5:9 - Anegisemee'm Mina Kapuge

⁹ Yesiusi wa'm emu naa-ogayaana naabomi kumana Anegisemee wa'm naadena ko “Ku dimi ndumbo se bage waa,” se naadetai. Wai Yesiusi kaa se naadeke kumana Anegisemee'm mee'm woo-woo se kaa em nadaao kan sipi yima kiki ku dano kidai. Ku kindo ko wadobo em si nadana ndo aii dama ndo omiwoo towoo taasea sima.

Edoma 5:9 ပူးပေါင်းရင်းမြစ်များ

Yohanesi 5:24

Kena Yesiusi wa'm waya se asina ko “Mee en'ndo otuma eki kaa ndumbo mina kasiinka ndeo. Mee ona wai ni'm mina dama nayitona maa kaa naendiyaami Mee to wa kaa ‘Mike ae,’ yanigeke kipii kindo ko me mugo mee to me si dan ndo omiwoo towoo semuu taasi se mee to mei! Kase enta mugo ndoe, me mugo mee to me eduga dim bota se mee to tomi koya ‘Mike ae,’ nigimata mugo ndoe, wa'm woo-woo se ku kaa em yadaasi yoo ku mike yaadano kiyaami. Yaadano kiyaai yako okaa iyaao yatoyaake kidai.

Edoma 1:18

Anegisemee'm mee'm woo-woo se ku kaa em yadaao kan se yima kiki ku deao sekii. Wa'm yima kiki ku desi na ku wa'm Siduga kam uwa da kaa nadeyaabuu se koena. Mbao kaa yima kiki ee? Tau, Anegisemee'm gai-gai tamoo se, me ona. Peu-pau awake, me ona. Ku mugo kao ku kaa en'ndo otuma Anegisemee wai yima kiki aoo. Ku se ku awawoo nakea se bage waa ku Anegisemee kaa ese mike ndumbo mina ku dapimaao kan woo-woo semuu nakea koya aii bada ndo.

Edoma 5:1

Ni'm kasipa mina ku mike mina waa. Enii Yesiusi kaa “Mike ae,” se nigimai ndoe Anegisemee wa'm nasina ko “O, me dimi ndumbo se mee to se kambeaseo,” se naseke. Se nasemana ko Tuhani Yesiusi Keditusi wa'm naawami ku kaa dimi ndumbo se mee to se naambeasipi kumana Anegisemee mesema apoemapi kidai.

Edoma 5:10

Eduga ko enii Anegisemee mesema yape bage se tomea. Ese yape mugo bage se tomea se gumba ndoe, Wayombai enii kaa naaboyaami. Naaboyaana ko wa'm bopi me kaa kiyoo Anegisemee mesema mina bota. Ese naa-apoeyaapi kidai. Naa-apoeyaapi kumana ko wadobo em si nadaasi sima. Yesiusi maa poo yoo ndomana waya mike iyaao tai kumana wa'm toke yoo me kaa kiyoo kam enii namba omiwoo towoo taasea sima.

Edoma 8:1

Eduga ko enii'm woo-woo se nuwa, enii'm woo-woo se kaa boke ndo sekii se mina me nuwa, ku se ku enii'm moo wado ebo tomea. Ku enii'm ndo mbeedi mbeaseke sekii tau se kao waa. Ku koya endo ko Yesiusi Keditusi mesema dipinimapea bage ku dim ndumbo se bage waa kidai. Ku kaa kiyoo kam enii'm woo-woo se kaa em nadasi na mina ku mbeenaa kaa miya emi tau kidai. Kase enta mugo ndoe, enii Yesiusi Keditusi mesema dipinimagea yako Anegisemee Dim'mba wai enii'm woo-woo se nuwa, waya ku kaa boke ndo sekii se mina nuwa, ku se ku mbeedi naambeana yipi se toke yoo natoyaabuu nai.

Epesiusi 2:13

Eduga ko eki Yahudi tau se bage ko eki Anegisemee kaa eo se bage waa. Ese ogiyoo bende kaa togea se bage waa mugo dodo. Endo ko tau. Keditusi wa ko wa'm emu ogayaana boke kumana ku kaa kiyoo eki Anegisemee mbo pasi kaa mi-kambeasipi se bage waa kidai. Keditusi Yesiusi mesema dipinimai yako maan'dai.

Epesiusi 2:3

Eduga ko enii'm awawoo simea ku ko ku Anegisemee'm mina tamoo se se bage waa ekii'm sese mugo dodo se awawoo simea. Ekii'm sese enii namba se awawoo se se dodo ndoe, enii'm mee tuma kaa dimina'm “Oowoo,” se kao ku ndo awawoo simea. Enii'm maa da buboo'm “Oowoo,” se kao ku nuwa, enii'm dimina'm awaao gai se kao ku nuwa, ku ndo awawoo simea. Enii'm dimina ese si maaneke kumana enii'm moo wado ebo tomi me ko me Anegisemee wa'm yima kiki. Ku yima kiki ku kaa kiyoo enii mike boke ndo sekii. Enii mee tuma da en'ndo otuma kui. Ese dodo ndo se kimea.

1 Teseadonika 1:10

Kena ndo waa ko endo nde miya ku Teseadonika bage kuwa ekii Anegisemee Yombai wa'm waya wadobo Siduga kam ukaasi yoo dim pipi kan dito nakea. Maa poo yoo yandomami se Yesiusi me me. Enii'm woo-woo se ku kaa em nadaao kan yima kiki ku naadano kiyaami se Yesiusi me me. Me Yesiusi me me, me Teseadonika bage ekii ese mbikana dama dito nakea se mee to,” se asigea. Eki'm sese mina waa yemea bage waa eki'm se nasigea. Teseadonika bage waa woe. Eki'm sese kasipa kuwa ku mee en'ndo otuma, maa en'ndo otuma mina amoe-moe nakea se mina waa. Ni'm kita asiin tau yoo, ogu bage ekii'm kita eki kaa nasipea se mina waa kui. Se.

Ibedani 9:14

Ku kaa kiyoo kam enii'm kaseao kan keo mina me ko me se de. Kam'mbini mugo kao emu ku mee'm maa buboo ku ndo dau kiyaao sekii kipii kindo ko “O, Keditusi wa'm emu me ese asiyoo kam asiyoo maaneke se emu ae,” se ku ndo nigaao sekii. Kase enta mugo ndoe, wa'm emu ku enii'm maa buboo ku ndo dau kiyaake se ku tau. Ogindaa enii'm dimina da nda woo-woo se ku nde miya wise-mbeaseke sekii. Ku aii se wise-mbeaseke se ku tau. Ku kaa kiyoo kam aii bada kaasea sese ku duwa matana Anegisemee'm gai-gai ku ndo yaawawoo sisi na, me ona, Kena iyaao tai se Anegisemee wa kaa yapapa sisi na, me ona. Ku wiya ku awawoo sisi na wa'm emu ku enii'm dimina da waa ku wisemana dau nakiyaabuu taasi sima. Dee, Keditusi wa ko wai woo-woo se mbeenaa kaa miya emi tau. Ku kindo wai mee'm woo-woo se kaa tabeao kan wa kaa to Anegisemee tao “Ee,” se asimi. Ese si maaneke mbeenaa kaa miya emi tau se dom'mba egina “A tao ee,” se asiyaa mugo dodo. Se ata mugo ndoe, Yesiusi wai Anegisemee Dim'mba wa'm yaa mani da me kaa kiyoo wa kaa to “A tao ee,” se asimi. Me Anegisemee Dim'mba me me me ese si dan ndo omiwoo towoo nai se Dim'mba mei!

Ibedani 9:22

Ndumbo kaseo, ekii Anegisemee'm okaa mee tupisi na mina yaa mu-mu simea se dodo me kaa ko me mina me kaa kiyoo kam se-kao we-kao en'ndo otuma ku Anegisemee'm emaa misi kaa dau se kao waa kisi na emu iyewita siwoo simea. Ku kindo ekii'm emu iyewita taan tau se kao ku ese mbeenaa ku aoo kumana waa ko emi tau kiyaa. Kase enta mugo ndoe, emu ogayaake kipii kindo ko Anegisemee wai mee'm woo-woo se kaa mina ku wise-mbeaseke sekii. Emu ogayaan tau waa, mee'm woo-woo se kaa mina ndigi ae, se ku ndo nigiyaa. Se.