Ku kindo ko ese eduga ko paita endii da da-mbeasiin tau yoo miyo Abedaham wai Anegisemee me mina kaa “Mike ae,” se nigimami. Se nigimai ndoe Anegisemee wai dim ndumbo se mee to se yambeasimi. Kisena ndo waa ko wai Anegisemee'm emaa misi kaa dim ndumbo se mee to ae se ku uwa pana desi na Anegisemee wa'm Abedaham se asina ko “Paita endii da da-mbeaseke ebeabea da awaae,” se asimi. Ku kindo ko paita endii da da-mbeaseke ebeabea da awaan tau se bage ku nde miya Abedaham wa'm sipi mugo “Mike ae,” se nigeke kipii kindo ko ekii Abedaham wa'm taii kaa bage waa kidai. Kiyoo kam Anegisemee wai ku mugo bage se dena ko “O, ku paita endii da da-mbeasiin tau se bage koya tau. Ekii ni kaa ‘Mike ae,’ nanigimapea kumana dim ndumbo se bage waa ae,” se yadetai.
Edoma 4:10 - Anegisemee'm Mina Kapuge10 Ku kaa kiyoo dama nigi si pe taae. Dim ndumbo se mee to yambeasimi me ko me kase dodo dim ndumbo yambeasimi naa ya? Paita endii da da-mbeasiin tau yoo yee? Wa'm paita endii da da-mbeana wado se yambeasimi yee? Tau na! Wa'm paita endii da da-mbeasiin tau yoo miyo dim ndumbo se mee to se yambeasimi. အခန်းကိုကြည့်ပါ။ |
Edoma 4:10
11 ပူးပေါင်းရင်းမြစ်များ
Ku bani-bani sisi na se mina kasipa kuwa ku naa mii tao mina waa naa ya? Ku paita endii da da-mbeaseke ebeabea da awapea se bage waa enii'm ndo enii tao mina waa yee? Tau na! Ku Yahudi tau se bage waa ku tao nde miya dama aya yadotaa sisi na se mina waa. Dee, enii'm kasipa mina me ko me se de. “Eduga ko Abedaham wai Anegisemee'm mina kaa ‘Mike ae,’ se nigimai yako Anegisemee wa'm se yambeana ko ‘Wa dim ndumbo se mee to,’ se yambeasimi,” se kasipa.
Kum seta kaa Keditusi Yesiusi mesema dipinimake bage enii'm ebo se kao me paita endii da-mbeaseke ebeabea da me tau. Dake nde miya, si dake nde miya, tau. Me dama tosi na se kao tau. Enii'm ese ebo se kao me ko me se de. Keditusi kaa “Mike ae,” nigeke se dimina me ndo ese ebo. Waya “Mike ae,” nigeke se dimina me kaa kiyoo kam Anegisemee kaa yaembaake nuwa, mee kaa yaembaake me nuwa, ku nde miya ese ebo se kao waa. Kam tau.