Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Edoma 3:5 - Anegisemee'm Mina Kapuge

5 Kiyoo kam ebanaa bage ekii'm dim'mba tau se asiimbea mina ku se de. “Enii'm woo-woo sipa ku kaa kiyoo kam Anegisemee wa'm dim ndumbo se dimina se deao sekii kumana enii'm woo-woo se ku wa kaa maanisi na kao. Kum seta kaa wa'm yima kiki kan em nadaao kan sipi ku ndumbo se kao baa,” se asiimbea. Mee tuma kaa bage ebanaa ekii ku mugo dim'mba tau se mina aseke.

အခန်းကိုကြည့်ပါ။ ကော်ပီ




Edoma 3:5
32 ပူးပေါင်းရင်းမြစ်များ  

Ni'm eki kaa kaembaake se bage waa woe, mee'm peu kaawapea me kaa kiyoo abuu si maseae. Anegisemee'm yima kiki kan em yadasi na aii wisin'taae. Dee, Anegisemee'm kapuge nda mina se wudumina ko “Tuhani wa'm asina ko ‘Mee'm woo-woo se kaa abuu maseao kan me ni'm ndo dito se kao. Ku se ku mike em yadaata sima,’ se asimi,” se mina wudumami.


Wai dama kaawawoo nai koya aii bada ndo. Ese dimina mbiseoo kan a'm woo-woo se ku mbanamaao be. Aii woo-woo semuu nae ndo. A'm woo-woo semuu nae ku kaa kiyoo kam a kaa to yima kiki aya waa bai-bai semuu nae mugo dodo. Yima kiki aya waa bai-bai siwoona anikee waa Anegisemee wai mee'm woo-woo se ku ndamana ndumbo ndo em yadake se gapi me ko a kaa em kadaasi se yima kiki ku ese wa-nini kaasi.


Anegisemee'm okaa mee tupisi na mina waa ku Yahudi bage ekii'm moo wado tupisi na mina waa, tau se. Ku koya ku mina ku dama yitona dama ndo awawoo nakea nde miya iyo. Ku Anegisemee'm emaa misi kaa dim ndumbo kiyaasi na mina se ku tau. Me enii'm woo-woo se kaa epi kiyaasi na se mina me ndo. Ku kaa kiyoo “Ni woo-woo se emi tau,” se aseao sekii se mee to ona kaa miya emi tau. Waya na kiyaa, maa en'ndo otuma mee en'ndo otuma ekii'm woo-woo se ku kaa kiyoo Anegisemee mesema mina ndigi, ku ndo nigaao sekii.


Waya ku kaa uketake mina kasiinka ndeo. Ebanaa bage ekii'm nigina ko “Enii ko enii dim dake aoo se bage waa. Kena enii'm dim dake mina ku yegea yako ogu bage ekii'm nigaao sekii se mina ku se de. ‘Dee, Anegisemee wa ndo dim dake mina emi tau. Wa ndo mike mina ku ndo eniwoo nai se mee to ae,’ se yanigaao sekii. Waya kiyoo kam ekii Anegisemee ekaa da ebo yambeana yapapa siyaa. Dee, enii'm dim dake mina me Anegisemee yapapa sisi na se kao kumana woo-woo se aoo se mee mugo em nadake ku maaneke se kao baa!” se nigeke, ekii.


Ese eduga ko Yahudi bage'm taii to ko Abedaham me me, wai mbao awana dimi ndumbo yakiyaami naa ya?


Enii mee agumee kaa yaaboke sekii tau koya Anegisemee wa ko tau. Keditusi wa ko wai enii kaa enii tao naabomi. Enii ese dim ndumbo se bage waa se dodo me kaa naabomi se ku tau. Enii'm woo-woo se ese ndigi se dodo me kaa naabomi. Anegisemee'm mee tuma kaa embaake se dimina ku uwa pana desi na wa'm se naawami.


Mee'm woo-woo se ku ebo kigea se dodo ndoe, Anegisemee wa'm aii se dama natoyaabuu nai ku nde miya ese wa-nini, ese asiyoo kiwoo nai. Ku kumana Anegisemee wa'm aii se dama natoyaake sese ku ese oba kam oba desi na enii ko enii “Woo-woo semuu taae,” se mina se aseke me bada yee?


Ni'm kaseao kan sipa mina ku eki'm mee tuma da kaa dimina mbeenaa masimaao kana se mina waa. Ku kumana eki dama masimasea na yaa pineana masii maseke sese me kaa mina ebeabea da kaa mbeana kasipa. Me mina ebeabea da me kaa kiyoo ni'm kaseao kan sipa mina me ko me se de. Eduga ko eki si maaneke awaao kan dim peu se dimina da me mbo eki'm maa buboo ku eki kaa to “Ee,” se asimea. Waya me dim peu se dimina da me guna miyo togea yako eki'm peu-pau awake ku agi kiwoo oba kiwoo simea. Me gado me kaa ko eki dim ndumbo se dimina da me guna miyo tuwaan tau. Dim peu se dimina da me guna miyo me ndo towoo simea. Endo ko eki'm eduga peu-pau awamea kao ku kaa nigi si pe se kipii kindo ko eki ego aoo, tau se. Mbao kaa ego aoo ee enta mugo ndoe, tau. Eki'm awamea-awamea ku si maaniyaake se kao waa koena. Ku eki dama katoyaasi na kao se ku tau. Ku eki kaa to kaboyaasi na se kao koena. Kum seta kaa eki ego aoo. Ku koya endo se gumba eki'm toke yoo wa-nini, ese yaa kaekatana dama ndo tutakea mugo dodo. Dee, eki yaa da ku yaa kaekatake se dodo me kaa ko dim peu se dimina da me guna miyo tomea yoo me wisin'tana Anegisemee wa'm guna miyo wa kaa wa tao masii yaamata se bage waa kimea. Waya kiyoo kam omiwoo towoo taasea sima. Kum seta kaa wa'm emaa misi kaa dama se kao ku ndo awawoo taao kan eki kaa to “Anegisemee woe. Ni'm yaa-yaa, bado-bado, maa buboo ku otuma a tao, ‘Ee,’ ” se aseae. Se asemana dim ndumbo se dimina da me guna miyo toke kipii kindo ko si woo-woo taambea. Aii si woo-woona ndo omiyaa siyaa ku ndo Anegisemee wa'm gai-gai ku ndo awawoo semuu taambea kui.


Ku kindo Anegisemee'm okaa mee tupisi na mina ku enii'm peu-pau awaao gai se dimina me ebo naakiyaabuu se se mina waa kumana ku peu se mina yee? Se kaseao kan sipa yee? Tau na! Ni'm kaseao kan sipa mina me ko me se de. Ku mee tupisi na mina kuwa ku ni'm woo-woo se nadeyaasi na se mina waa. Ku mina ku emi tau waa, “Woo-woo se ku ko ku kase bage kao waa naa ya?” se ku ndo nigiyaa. Ku kaa masimasi na mina me ko me se de. Ku mee tupisi na mina ku kaa kiyoo se nanige-manena ko “Mee'm kao ku si dimoae. Me daa,” se nanige-maneke. “Mee'm kao ku si dimoae,” se mina me se nanige-maniin tau waa, “Dimoke se dimina me daa ae,” se dimina me mbeenaa kaa miya si nigiyaa.


Yai, ku dama natoyaasi na mina ku kaa nigimagea ndoe, enii'm eneao sekii se mina ese ona ndo. Anegisemee wai enii mbaya anewei yako enii mbeedi nambeaseke se mee to ona kaa miya emi tau ae, se ku ndo eneao sekii!


Kiyoo kam enii'm aseao sekii se mina me ko me se de. Yahudi tau se bage ku Anegisemee'm emaa misi kaa dim ndumbo se bage waa keosi na “O, dama se sese waa ku ndo awaao waa bada ae,” se ku mbeenaa kaa miya nigaan tau. Waya na kiyaa Anegisemee kaa “Mike ae,” se nigimagea yako dim ndumbo se bage waa kidai simea.


Waya wada nda, Epesiusi okaa yoo nakayoo, ni'm mee waa ekii mesema Keditusi kaa, mina a-mbemoo naa-mbemoo semuu naka. Etaa kan awata se ku tau. Ese yóo se emii waa mesema a-mbatume naa-mbatume siyaa mugo dodo. Ku koya mee bota-pata ku, maa poo yoo si ndomei taasea waa, ni'm awake-awake ku kaa kiyoo kam ni tao namaaniyaasi na kao mbeenaa kaa miya emi tau kiyaa. Ku otuma mike aii bada kiyaa koena. Waya wada nda ni tao namaaniyaasi na kao mbeenaa kaa miya emi tau kaasi waa, ni'm widigi kan towoo naka sese ku wisin'tana ogu bage'm yaa mu-mu nakea mina ku ni namba yaa mu-mu siyaa. Dee, ebanaa bage ekii'm nigina ko “Anikee buwaata kumana endo gapi badii nowoo se bada. Bobo uwo namba nowoo se bada,” se nigigea. Ku kindo enii mike maa poo yoo si ndomaasea waa, ku mugo mina yaa mu-mu taao sekii kiyaa.


Ku kasipa mina kuwa ku mee tuma da kaa dimina da kiyoo kam nigita kaa mina waa se ku tau. Ni'm kasipa mina ku Anegisemee'm okaa mee tupisi na mina kiyoo kam natupitai se mina kui.


Enii ko enii ese mike, Anegisemee tao ndanda yaa-awawoo naka se bage waa. Ku kumana ku mee mbo uwa da kaa yadeyaabuu taao kan enii'm toke yoo me nda si maaneke aoo nde miya, tau. Aii tukuu wemana kusipimana ndo se towoo naka. Enii'm toke yoo bodi ababa se aoo nde miya, widigi aoo nde miya, ese widigi too yako mbao awai ndo naa bada kaambi ee, se nigi si pe se se dodo nde miya, magi tau ndo towoo naka.


Ku koya ni'm yena ko eki mbo kiyoo mee ona wai woo-woo sipi ae se degea yako eki ese dim bodi kimea. Me mugo dim bodi se dimina me ko me Anegisemee'm emaa misi kaa ese maaneke se dimina. Waya mee me me, wa'm woo-woo se kaa dim bodi kigea yako aoo kiyaake kao ku kaa dama nigi si pe taae. Dee, ona me ko eki'm dim bodi me kaa kiyoo kam eki ese dimina ona ndo kan Anegisemee'm gai-gai ku ndo awaao gai kimea, me ona. Waya wada nda ona me ko eki'm naseao waa “Oowoo,” se mina me ko me se de. “Me mugo woo-woo se enii awaan tau. Mee agumee wa'm ndo awami,” se naseao gai kimea, me ona. Ona me ko mee agumee wa'm woo-woo se me degea yako eki'm nigina “Ka, ka! Me ni be. Me kase bage mee to?” se yanigimea, me ona. Ona me ko “Yai! Widaa ndeo!” se nigimea, me ona. Ona me ko eki'm dama awake sese ku kadesi na eki ni mesema ade nakea waa “Oowoo,” se nanigimea, me ona. Ona me ko mee me me wai wa'm woo-woo se ku wisin'tasi na eki'm awaao sekii ku yambayaa tau kan dimina ona ndo kan awa-de siwoo simea, me ona. Ona me ko eki, woo-woo sipi mee to wa kaa em yadake aya yadotaamea, me ona. Ku se ku eki'm dim bodi kan aoo kiyaamea kao waa. Waya ku se ku kadeo yako ni'm kanigina ko “Ai, ai. Mee me me, wa'm woo-woo se ku wa nigita kaa ndo woo-woo simi ae. Kiyoo kam ogu Kodintusi bage mesema mina emi tau, ae,” se kaanigeo.


Waya na kiyaa ni'm duwa matapa se okaa mee tupisi na mina ku ko ku waya emba matana dito se waa, ku mina ku kaa kiyoo ndo ni'm woo-woo se ku uwa pana deyaabuu siyaa. Ku kindo ku mina ku waya si yaa mu-mu taata.


Yesiusi kaa eniikinaa bage waa woe. Ni'm kaseao kan sipa mina ku dama masimasea na ni mee tuma da kaa bage'm sese ku kaa mina ebeabea da kasiinka ndeo. Ni'm mina ebeabea da me ko me se de. Mee akaa wiya aoo. Mee akaa wiya ku mina dake. Mina damana ndo waa ko mina moo tukitake. Mina moo tukitake se dodo me kaa akaa'm moo tukitake mina ku ba-gamitaao kana kisi na ku kapuge nda wudumagea. Kapuge nda wudumana ko akaa ndepi yaa dine matagea. Yaa dine matana dai kaa waa ko akaa'm moo tukitake mina ku wa-nini kiyaake sekii tau. Waya wa-nini mina ku me nda waya wudumaao iyo. Mina ebanaa ekide-mbeaseke nde miya iyo. Aii ba-gamitaao kana se mina ku ndo se tai. Ku mugo yaa, Anegisemee wa'm enii kaa enii tao asimi mina ku mike ba-gamitaao kana se mina waa, se kaseao kan sipa.


Ni'm se deta mugo ndoe euu mina en'takea se yema. Ekii'm en'takea se euu mina me ko me epomee akaa wiya aoo. Anegisemee'm ndanda yaawanaa se mee to, Musia me mesema Dom'mba Yuwa akaa'm epipi semapea se euu mina me me, me patatana en'takea se yema. Ekii'm en'takea se euu mina me ko me se de. “O Tuhani woe, a ko ai Ese Oyu kam Oyu se Anegisemee to. Kena a'm awake-awake en'ndo otuma ku ese asiyoo kam asiyoo abayai awawoo nae se kao waa. O Ese Me kaa Ata emi tau ebo toke se Mee to woe, maa en'ndo mee en'ndo otuma ku a guna miyo kao waa. Kena a'm sese ku ko ku otuma kupoo mbeenaa kaa miya emi tau awawoo nae sese. Ese mike, ndumbo ndo awawoo semuu nae se mee to.


Kena ndo waa ko ni waya mina ona se yena ko “Siduga nda togea se bage waa woe! Bani-bani taae. Babeo okaa yoo mike em yadamapi kumana bani-bani taae. Kena Anegisemee wa'm bage waa nuwa, Edaseo bage waa nuwa, nabi bage waa nuwa, ku se ku nde miya bani-bani taae. Kase enta mugo ndoe, Babeo okaa yoo togea bage ku peu-pau kaawawoo simea koya tau. Ekii'm peu-pau kaawawoo simea ku kaa kiyoo Anegisemee wai abuu ku kaamasimai yako em kaadamapi. Ku kaa kiyoo bani-bani taae,” se mina yema.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ