“Kena eki'm sese ona me ko me se de. Eki'm nigina ko ‘Anegisemee'm mina kapuge me nda omiwoo towoo sisi na se mina aoo ae,’ se nigeke. Eki'm se nigeke kumana ku omiwoo towoo sisi na se mina ebaao kan wa'm kapuge nda dimina ndidinina ndamawoo semuu nakea, se kadeo. Eki'm ndamawoo sipea mina ku ni kaa ‘Mike ae,’ nanigisi na mina waa. Ni ko ni omiwoo towoo sisi na se enda da koena.
Edoma 3:2 - Anegisemee'm Mina Kapuge2 Tau na! Yahudi bage ekii kita yamaaniyaasi na kao ku ese oba aoo. Ese em'mbee yamaaniyaasi na kao ona me ko me se de. Anegisemee wai wa'm mina ku kapuge kaa wudumisi na wa'm mina ku aii bage mbo yamataan tau. Ku Yahudi bage mbo ndo yamatami. Me ko me ese ebo se kao. အခန်းကိုကြည့်ပါ။ |
Edoma 3:2
29 ပူးပေါင်းရင်းမြစ်များ
“Dee eduga ko enii'm eedoo bage ekii maa ndani se maa me kaa kiyoo andagatamea se dodo me kaa ko Musia wa namba kiyoo ndigi. Kena Musia wai Sinai ndii patu kaa pakemana ko epo wado mee to ona wai Musia mbo yatupina ko mee toyaasi na mina waa yatupimi. Mee toyaasi na mina yatupimana ko Musia wai ku mina ku dopeana enii'm eedoo bage mbo ende-yatupimi. Waya wadobo enii nde miya dama naatoyaasi na mina ku epi kisi na Musia wa'm se naa-awami,” aseke.
Anegisemee wa'm dama mina me ko me Wayombai kaa mina da. Wayombai me me, me Yesiusi Keditusi, enii'm ese ebo toi se Tuhani mei! Dee, eduga ko Anegisemee wai ba-gamitaao kana se mina me se asina ko “Ni'm dama mina me ni'm mike pi-pamiyaata se mina da,” se asimi. Se asemana ko wa'm asipi mina ku wa'm nabi bage waa ekii'm masewena wa'm kapuge kaa se yaawudumamea. Wayombai kaa mina se yaawudumana wado waa ko Daudi wa'm taii to wado one dagea bage ku mike mee tuma kaa yuwa to one yadamea. Me mike mee tuma kaa yuwa to one yadamea koya Anegisemee Wayombai mei! Me mike Anegisemee Wayombai ae se naadeyaao kan Anegisemee wa'm ese dimina ndumbo se Dim'mba wa'm yaa mani da me kaa kiyoo Yesiusi bota da maa poo yoo yandomami.
Wa'm mina yamatana ndo waa ko Yahudi bage ebanaa ku dim wiya-wiya se aoo. Wa'm mina ku dama yaa mu-mu taan tau. Ku kaa kiyoo dama nigi si pe taae. Ekii'm dim wiya-wiya se ku kaa kiyoo kam Anegisemee wa namba dim wiya-wiya se yakiyaambea ee? Ekii'm dimina dei yako wa'm aii dodo enimi mina, ku ba-gamitake yee?
Nikinaa bage ku ko ku aii bage waa se ku tau. Ku Isedeo bage waa, me ona. Ona me ko ku Anegisemee'm emaa misi kaa wa'm yopaa se bage waa mugo dodo, me ona. Ona me ko ekii mbo kiyoo Anegisemee wai wa'm aoo-aoo aoo se ao da nda agidimana yadeyaabuu siwoo simi, me ona. Ona me ko Anegisemee wai eki tao yamatana ko wa'm ese okaa ba-gamitaao kana se mina waa ku ekii tao se yamata simi, me ona. Ona me ko Anegisemee wa'm ekii tao manina ko wa'm okaa mee tupisi na mina manimi, me ona. Ona me ko wa kaa yapapa sisi na sese waa ku nde miya yanige-manemi, me ona. Ona me ko Anegisemee wa'm “Se kaa-awaata. Se kaa-awaata,” se mina waa ku nde ekii mbo eniwoo simi, me ona
Wa'm namatami mina me ko me se de. Anegisemee wa ko wai mee tuma da bage tao wa mesema apoesi na se enda da naawadeke. Kase enta mugo ndoe, Keditusi wa'm boke yoo me kaa kiyoo enii'm woo-woo se kaa mina ku Anegisemee'm emaa misi kaa mina bota kidai. Kena wa mesema apoesi na se mina me ko me enii'm yaa da kaa namatami. Aii se namatami se ku tau. Mee mbo donaa asinaa sisi na namatami.
Waya na kiyaa ekii'm se nadena ko “Ai, ai, Paudusi wa'm sese ko me mbeenaa Petadusi wa'm sese mugo dodo ae,” se nademea. Dee, Petadusi wa'm sese ko wai Yesiusi kaa yapeyaami mee to. Edaseo se bage yapeyaami se dodo me kaa ko Anegisemee wai wa'm dama mina me Petadusi yamatami. Me Yahudi bage mbo pi-eniwoo sisi na se yamatami. Waya mina eneao epi se yaa mani da me nde miya wa nduwawe yamugu-mugu siyaabuu nai. Kisena ndo waa ko Anegisemee wa'm ni kaa naawami dodo kima. Dee, eduga ko Anegisemee wai Edaseo se mee to nakiyaata mugo ndoe wa'm dama mina me nde miya namatami. Me mina me Yahudi tau se bage mbo pi-eniwoo sisi na se namatami. Se namatana ko Yahudi tau se bage mbo mina eneao epi se yaa mani da me nde miya ni nduwawe namugu-mugu siyaabuu nai. Ku kaa kiyoo enii ekii mesema mina dake se dodo me kaa ko “Ai, ai Paudusi wa'm sese ko mbeenaa Petadusi wa'm sese mugo dodo ae,” se nademea.
Timotiusi woe. Eduga ko Anegisemee wa'm kamatana ko wa tao ndanda ku nuwa, wa'm mina ku nuwa, ku se ku kamatami. Ku kindo ko wa'm kamatami kuwa ku dama dito taae. Ku dama edimaae. Ku dama edimaao kan mee agumee ekii ese ea, dim'mba tau se mina waa ku kaa mina amoe-moe se se dodo me kaa ko ku duwa matana si yito taae. Eé, ebanaa bage ekii'm tupaambea se mina ku wa-nini se mina waa. Ku mugo mina tupeke bage ekii'm se asina ko “Enii nigita kaa eneke mina waa ku ese ndumbo, ese maaneke se mina waa,” se aseke. Ekii'm se aseke koya mbeduwa. Ku wa-nini mina kuwa ku mbae da mina waa. Ku kindo ku nde miya si dito taae.
Ese ndumbo mina kasiinka ndeo. Eki'm Anegisemee'm mina kaa epi keke me ko me endo ndo epi kumapea se ku tau. Me eki'm ese eduga edugana kam ata yemea se mina waa. Ku yena dai kaa oba omimea kumana endo se gumba pakemai ndoe Anegisemee'm mina tupeke se bage waa keowaao daan sipea baa. Ku koya eki Anegisemee'm amba yato se mina waa ku kaa nde miya si nige-neke aoo se kadeo. Kum seta kaa, Anegisemee'm amba yato se mina ku ndo waya katupaao ndo sekii. Amba yato se mina tupeke me ko me yuwa mbee to ama uwo noke se mina mugo dodo. Kena enii'm katupaao kan sipa mina ku ko ku yito se kipii kindo ko me oi noke mugo dodo se mina waa. Ku kindo ko enii'm eki kaa se kanigina ko “Ama uwo noke se mina ku ndo naa katupaao sekii ee? Oi mugo noke se mina ku naa katupaao sekii ee?” se nigeke. Kena ku kaa nigi si pe sita mugo ndoe, “Tau. Oi mugo noke se mina katupaao iyo ae,” se kadeo.
Ku kaa kiyoo kam Anegisemee wa'm kamatana ko me Yesiusi mbaya bage mbo mina eneao epi se yaa mani da kamatami kipii kindo ko Anegisemee'm mina ku mee mbo tupita sita mugo ndoe Anegisemee'm kakumamoo sipi mina ku ndo eniwoo taae. Kena a'm awaao epi se kao me ogu bage tao maanisi na se ndanda yaawaao epi se yaa mani da aoo kipii kindo ko Anegisemee'm kakumawoo nai se yaa mani da me kaa kiyoo ndo kusipimana dama ndo yaawawoo taae. Wa'm kanepi se yaa mani da me kaa ndo kusipimana yaawawoo nae kipii kindo ko ogu bage ku kadegea yako “O, mee me me, wai Yesiusi Keditusi mesema dipinimapi kumana wa'm awake-awake ku en'ndo otuma maaneke ndo ae,” se kanigaambea. Se kanigimagea yako me kaa kiyoo kam ogu bage ekii Anegisemee ekaa da me ebo yambeana “Paamee! Mataae,” se asiimbea. Yai, Anegisemee wa'm yaa mani da me ko me kiyoo ndigi kema ndigi tau se yaa mani da. Wa'm ese ebo abayai se toke yoo me nde miya ese asiyoo. Kum seta kaa enii ese si dan ndo “Paamee! Mataae!” se mina ku ndo asiwoo semuu taao ndo sekii. Ese ndumbo kaseo, kui!
Me epo wado mee to wa'm se nasemai ndoe, ni wa bado pasi kaa maa nda mbato sima. Wa kaa yapapa taao kan se awama. Ni'm wa kaa yapapa taao kan sipa dimina da ku nadei yako “Yai! Ku tau de!” se nasimi. “Anegisemee wa kaa ndo yapapa taao bada,” nasimi. “Dee, a nuwa, ogu Yesiusi kaa mina oyu kan yaa mu-mu nakea se ekikinaa bage waa ku nuwa, ni nuwa, enii otuma dodo ndo. Enii otuma wa kaa wa tao ndanda yaawawoo nakea se bage waa. Ku kumana Anegisemee wa kaa ndo yapapa taae!” se nasimi. “Waya wada nda Yesiusi kaa mina yaaeniwoo taao epi se yaa mani da me Anegisemee Dim'mba wa'm ndo nakumawoo nai se yaa mani da. Ku ni'm ndo nigita kaa mina waa kasipa se ku tau. Ku kindo ko Anegisemee wa kaa ndo yapapa taae,” nasimi. Me epo wado mee me me, wa'm se nasimi.
Ku se ku naadeyaana ko me epo wado mee to me me, wa'm waya se nasina ko “Ni'm kaadeyaabuu sipa mina ku otuma ese ndumbo se mina waa. Ku otuma ‘Mike ae,’ nigaao sekii se mina waa. Kase enta mugo ndoe, nameyaapi mee me ko me Tuhani, nabi bage'm dimina waa nda yakumawoo simi se Anegisemee me me, wa'm nameyaapi. Aii se nameyaapi se ku tau. Nameyaai se dodo me kaa wa'm se nasina ko ‘Ni'm awaao gai ku ba-gamitake sekii tau. Ku ese mike pi-pamiyaao pasi se mina waa. Ku kumana ni'm pi-pamiyaabuu taamba mina ku naadopeana ni'm gai-gai naawawoo nakea se bage waa ekii mbo pi-yanige-mane siwoo taae,’ se nasii yako mi-kaseo ndeo,” se nasimi. Epo wado mee to wa'm se nasimi.
ကြော်ငြာတွေ