Edoma 3:1 - Anegisemee'm Mina Kapuge

¹ Anegisemee mesema apoesi na wai mee'm dimina da me ndo dito se kumana Yahudi bage ku ko ekii'm paita endii da da-mbeaseke se ebeabea da me naa aii bada kaasi se kao ee? Kena Yahudi bage ekii'm ndo maaniyaasi na kao ku naa emi tau ee?

Edoma 3:1 ပူးပေါင်းရင်းမြစ်များ

Edoma 3:2

Tau na! Yahudi bage ekii kita yamaaniyaasi na kao ku ese oba aoo. Ese em'mbee yamaaniyaasi na kao ona me ko me se de. Anegisemee wai wa'm mina ku kapuge kaa wudumisi na wa'm mina ku aii bage mbo yamataan tau. Ku Yahudi bage mbo ndo yamatami. Me ko me ese ebo se kao.

Edoma 3:9

Ku kindo Yahudi bage ku ko ku Anegisemee wa'm emaa misi kaa mbeenaa asiyoo ee? Yahudi tau se bage ku mbeenaa miyo ee? Tau na! Ku tau de. Enii otuma dodo ndo se katupipa. Yahudi bage nuwa, Yahudi tau se bage nuwa, enii otuma enii'm woo-woo se ku guna miyo toke kumana enii otuma dodo ndo kidai.

1 Kodintusi 15:32

Waya wada nda, Epesiusi okaa yoo nakayoo, ni'm mee waa ekii mesema Keditusi kaa, mina a-mbemoo naa-mbemoo semuu naka. Etaa kan awata se ku tau. Ese yóo se emii waa mesema a-mbatume naa-mbatume siyaa mugo dodo. Ku koya mee bota-pata ku, maa poo yoo si ndomei taasea waa, ni'm awake-awake ku kaa kiyoo kam ni tao namaaniyaasi na kao mbeenaa kaa miya emi tau kiyaa. Ku otuma mike aii bada kiyaa koena. Waya wada nda ni tao namaaniyaasi na kao mbeenaa kaa miya emi tau kaasi waa, ni'm widigi kan towoo naka sese ku wisin'tana ogu bage'm yaa mu-mu nakea mina ku ni namba yaa mu-mu siyaa. Dee, ebanaa bage ekii'm nigina ko “Anikee buwaata kumana endo gapi badii nowoo se bada. Bobo uwo namba nowoo se bada,” se nigigea. Ku kindo enii mike maa poo yoo si ndomaasea waa, ku mugo mina yaa mu-mu taao sekii kiyaa.

Ibedani 13:9

Ku kumana ogu bage ekii'm ese wa-nini se-mina we-mina katupaao kan sipea ku si dito taae. Ku aii bada kaambea se enda da waa ku nda ndaa ombe kawoedona peembea se mina waa koena. Dee, ebanaa bage ekii'm dito se mina ku ko ku se de. “Anegisemee'm emaa misi kaa ku mugo noke kao naao sekii. Ku mugo noke kao noke sekii tau,” se mina dito nakea. Ku mugo tupeke mina ku kaa ekii ese dimina ona ndo kan dito nakea koya aii bada kaambea se mina waa ku ndo. Ku ekii'm toke yoo maaniyaambea se mina waa se ku tau. Ku koya enii'm dimina maaniyaambea se kao me ko me Anegisemee wa'm aii se dama natoyaabuu taao gai se mina da. Me mina me ko me eki'm dimina takunina oyu kan toyaabuu nai se mina koena. Ku kumana me mina me ndo dito taae. Wa-nini mina ku tau de!