Edoma 2:18 - Anegisemee'm Mina Kapuge

¹⁸ “O, enii Yahudi bage, enii Anegisemee'm okaa mee tupisi na mina epi kumana wa'm gai-gai ku nde miya epi. Kena ese maaneke sese awaao kan ku enii'm pikamoo se sekii ae,” se nigitakea.

Edoma 2:18 ပူးပေါင်းရင်းမြစ်များ

Dukasi 12:47

“Masii yaamata se mee to ona me ko wai wa'm ebo se mee to wa'm gai-gai ku epi ko epi koya wa'm ukaasi yoo si diton ndo wa'm mina ku dime tamoo nai kipii kindo ko yai! Me mugo mee to mike ese ebo em yadaasi sima,” aseke.

Yohanesi 13:17

“Endo ko ni'm kaseao kan sipa mina ku eki nige-neke kumana ku si taman ndo dodo ndo awawoo nakea kipii kindo ko Anegisemee wai dama aya kadotaasi,” aseke.

Edoma 15:4

Kase enta mugo ndoe, ku mugo eduga wudumamea mina kuwa ku aii mina waa se ku tau. Ku enii kaa natupisi na se mina waa. Ku kumana Anegisemee'm mina kapuge me kaa kiyoo enii dama toke nde miya, peu toke nde miya, tau. Ku enii'm dimina dama kusipimasi na se mina waa. Ku enii'm dimina natakuniyaabuu sisi na se mina waa. Kena ku kaa kiyoo kam Anegisemee wa'm enii tao pi-naapamiyaabuu taasi ku dim pipi kan em'ndoo siwoo taambea ndo.

Edoma 2:19

Waya wada nda eki'm nigina ko “O, enii Anegisemee'm okaa mee tupisi na mina epi kumana enii ko disi. Mee agumee emaa diyoo ndo takea koya enii ko tau. Enii Yahudi bage ko enii ‘Ku awaae. Ku si awaae,’ se mina ku ase mane taao sekii kumana enii emaa diyoo se bage ku tao enda omeke bage mugo dodo ae,” se nigeke. “Mee agumee ekii tuku nda penaa se koya enii ko tau. Enii ko Anegisemee'm mina ese epi kumana enii'm sese ko ogu bage ekii nde miya ao da nda pesi na osee yaawake bage mugo dodo ae,” se nigeke.

Pidipi 1:10

Ku kaa aii se kaasetoo naka se ku tau. Eki ko eki ese asiyoo maaneke se sese ku ndo pikamoona yaa mu-mu sisea na kaasetoo naka. Dee, endo se gapi kam wado kisee Keditusi ukaasi gapi kam miyo, epopi nda kuwa, ku dama se kao ku ndo yaa mu-mu se kipii kindo ko peu se kao mbeenaa kaa miya si awaambea. Kena peu se kao ku awaan tau ae se degea yoo ogu bage waa ekii'm eki kaa kaseao kana se mina me ko me se de. “O, ekii'm peu awapea ambuu dee,” se mina mike kaseao kana kaambea.

1 Teseadonika 5:21

Ese maaneke me ko wa'm mina ku dama yitona pikamoo se bada. “Wa'm enipi mina ku mike Anegisemee Dim'mba'm yakumapi mina ee? Mee nigita kaa mina ee?” se pikamoo taae. Se pikamoona ndo waa ko ku mike Anegisemee Dim'mba'm yakumapi mina kipii kindo ko ku ese dama se mina kumana ku dama yaa mu-mu taae.

Ibedani 5:14

Eki ko eki en'kiki se bage, se waa, oi noke mugo mina ku katupiyaa. Dee, en'kiki se bage ekii'm sese ku se de. Ku mugo bage ku ko omiyaa siyaa ku ndo dama se kao awawoo taao kan “Me dama ae. Me peu ae,” se wenemoo nakea se bage waa. Kena omiyaa siyaa ku ndo se wenemoo semuu nakea kumana ekii'm wenemoo taao epi se dimina da me ese asiyoo kidai. Yibanda kiyaa, eki'm dimina da waa wa-nini. Ese adomoo se bage waa se tutakea se kadeo.

Yakobusi 4:17

Ni'm kasipa mina waa ku dama sese awawoo sisea na se mina waa. Kena ku kaa kiyoo mee ona wai dama se kao awaao epi ko epi koya dime kan wisin'take kindo ko “O, mee me me, wai woo-woo semapi ae,” se ku ndo yanigaao sekii. Kum seta kaa, ni'm dama awasi na mina kasipa kuwa ku dama dito taae. Ku si awake kindo ku kaa woo-woo taambea koena.