Kena Yesiusi wa'm waya se asina ko “Ona me ko anikee waa, Mee Yombai, ni ko ni me maa me kaa waya ukaata. Me maa me kaa waya meta mugo ndoe Ni'm Naamee wa'm ese abayai aoo-aoo aoo se ao da me nda tomu naka se dodo ndoe ukaata. Kena, ni'm epo wado bage waa ku nde miya ni mesema ukaata. Se ukimana ko peu-pau awapea bage ku kaa peu aya yadotaa taata. Dama awapea bage ku kaa dama aya yadotaa taata. Mee'm awamea-awamea mugo dodo ndo se yadotaa taata kumana ni'm gai-gai ku ndo yaa mu-mu taao ndo bada, me ona, wido,” aseke.
Edoma 2:16 - Anegisemee'm Mina Kapuge16 Ku kumana Anegisemee'm dama mina ku mee mbo eniwoo sita mugo ndoe, ni'm eniwoo naka se mina ona me ko me se de. Anikee waa Anegisemee wai mee'm koo nigeke-nigeke nuwa, mee'm koo awake-awake nuwa, ku ndamake se gapi me kaa ko Yesiusi Keditusi wa'm yandamana yapikamoo taasi. Yandamana yapikamoo sita mugo ndoe, “Mee me me dimi peu kumana em yadaasi. Mee me me dimi ndumbo kumana dama yatoyaasi,” se pikamoo taasi. Ku mina ku nde miya mee mbo eniwoo naka. အခန်းကိုကြည့်ပါ။ |
Edoma 2:16
31 ပူးပေါင်းရင်းမြစ်များ
“Kena ndo waa ko Yesiusi wa'm enii mbo se nasina ko ‘Ni kaa mina kuwa naadopeana mee mbo pi-naa-eniwoo taae,’ se nasimi,” aseke. “Yesiusi wa ko wai enii mee tuma kaa bage, enii'm awake-awake ku kaa ndamana pikamoo taasi mee to. Ku ndamana pikamoo sita mugo ndoe, peu awapi se mee to wa kaa peu aya yadotaasi. Dama awapi mee to dama aya yadotaasi. Eduga bomea bage waa ku kaa nuwa, buwaan tau bage waa ku kaa nuwa, enii'm awapea-awapea ku kaa mina dasi na mee to me Yesiusi. Anegisemee'm se yambeasipi koena,” aseke.
“Anegisemee wai mee'm woo-woo se kaa mina dasi na se gapi me mbutu manimi kumana eki'm woo-woo se ku wisin'tawee!” aseke. “Dee, mee en'ndo otuma enii'm woo-woo se kaa mina dasi na mee to me wa-nini wenimami. Mee me me, mee'm woo-woo se kaa mina dake se dodo mee kaa ko mee'm woo-woo se ndamana ese ndumbo ndo em yadaasi. Wa'm pikamoo se ku koweke mbeenaa kaa miya emi tau kaasi,” se aseke. “Ku ese mike pi-pamaasi mina waa. Ku mina ku mee en'ndo otuma ‘Mike ae,’ se nigisi na, Anegisemee wai mina dasi na mee me me maa poo yoo yandomami,” se aseke.
Enii otuma Anegisemee wa kaa “Paamee! Mataae!” se eniwoo taao ndo bada. Kase enta mugo ndoe, wai enii'm dimina otuma natakuniyaabuu taao sekii se Anegisemee to koena. Dee, Yesiusi kaa dama mina, ni'm eniwoo naka se mina kuwa ku yeke se dodo me kaa ko ku mina ku kaa kiyoo kam Anegisemee wai enii dimina da waa ku oyu natakuniyaabuu nai. Eduga edugana ko ku Keditusi kaa dama mina kuwa ku mee tuma kaa bage'm eo se mina waa. Ese eduga kam wado ku mina kuwa Anegisemee wa'm koo gamai yako eedoo bage'm yiin tau se mina waa. Eduga eo koya endo ko tau. Endo ko epi kimapea. Enii'm epi nakiyaapea ona me ko Anegisemee wa'm nanige-manei yako epi kimapea, me ona. Ona me ko nabi bage'm mina kapuge ku namba nanige-manei yako epi kimapea, me ona. Ku wiya ku kaa kiyoo kam wa'm koo gamami mina ku uwa kaa nakiyaai yako enii Keditusi kaa dama mina epi kimapea. Ese asiyoo si dan ndo omiwoo towoo nai se Anegisemee to wa'm se asina ko “Ni'm mina ku donaa asinaaina mee en'ndo otuma odeeniyaae,” se aseke. Aii se aseke se mina se ku tau. Mee tuma en'ndo otuma “Mike ae,” se nigi sisi na, me ona. Kena “Mike ae,” se nigimana Anegisemee'm gai-gai yaa-awawoo sisi na, me ona. Ku se ku awasi na Anegisemee wa'm asina ko “Ni'm mina ku naaduwaae,” se aseke. Waya ku kaa kiyoo kam wa'm dama mina ku mee en'ndo maa en'ndo otuma odeeniyaapea.
Wai dama kaawawoo nai koya aii bada ndo. Ese dimina mbiseoo kan a'm woo-woo se ku mbanamaao be. Aii woo-woo semuu nae ndo. A'm woo-woo semuu nae ku kaa kiyoo kam a kaa to yima kiki aya waa bai-bai semuu nae mugo dodo. Yima kiki aya waa bai-bai siwoona anikee waa Anegisemee wai mee'm woo-woo se ku ndamana ndumbo ndo em yadake se gapi me ko a kaa em kadaasi se yima kiki ku ese wa-nini kaasi.
Yesiusi kaa eniikinaa bage waa woe. Eduga ko eki mbo Anegisemee wa'm dama mina me kaeniwoo sima. Kaeniwoo sima se dodo me kaa kiyoo eki ku mina ku kaa “Mike ae,” se nigimea. Endo nde miya eki ku mina ku kaa dimina ona ndo kan “Mike ae,” se nigiwoo nakea. Ni'm kaenima mina ku dimina ona ndo kan yaa mu-mu se kipii kindo ko eki'm woo-woo se kaa em si kadan ndo, aii omiwoo towoo katoyaasi sima. Eé, wa-nini mina ku kaa “Mike ae,” se nigeke kipii kindo tau. Mike aii bada kaasi sima. Ku kindo ni'm eduga kaeniwoo sima mina ku kaa dama nigi sisea na ku kaa ni waya kasiinka.
Kase enta mugo ndoe, Tuhani wa ko wai waya anikee waa ukaasi. Waya ukaasi se dodo waa ko wai wa kaa wa tao ndanda yaa-awanaa se bage waa, ekii'm awamea-awamea ndamana pikamoo taasi. “Ekii'm awake ku dim bada kan awawoo simea ee? Dim peu kan awawoo simea ee?” se ku deao kan nandamana pikamoo taasi. Kena me gado me kaa kiyoo ko mee'm koo nigiwoo simea se dimina da waa ku wa'm uwa da kaa yadeyaabuu taasi, ese tuku nda aoo se kao ku desi na osee wake mugo dodo. Kam waa ko dama awawoo simea se bage waa ku otuma Anegisemee wa'm “Awan simea! Awan simea!” se mina asiisi se bage waa. Ku mina ku ese mike pi-pamaasi se mina waa kumana aii dodo se dodo me kaa ko mee'm awake-awake ku kaa “Ku dama. Ku peu,” se ku si pikamoo taae. Ku si pikamoona ndo Tuhani wa'm pikamoo taasi yoo me ndo dito taae.
Ekii'm duwa matana yeao be mina kuwa ku Anegisemee'm dama mina da me ndo. Me Anegisemee wa'm eduga “Naduwaae,” se namatapi mina da mei! Me aii bage'm enipi mina se ku tau. Me ese asiyoo dama toke se Anegisemee to wa'm mina me ndo. Me, ese abayai, ese yaa mani da aoo se Anegisemee to wa'm mina me ndo. Kum seta kaa Anegisemee'm dama mina beake kipii kindo ko okaa mee tupisi na mina yanige-maneke bada. Ku, ku mugo bage tupisi na mina koena. “Mike ae,” nigeke kipii kindo tau. Se.
Timotiusi woe. A'm dimina da me si katu kise na Yesiusi Keditusi wa kaa mina ku si andibuu taae. Dee, Yesiusi Keditusi wa ko wai ese ata emi tau ebo tomi se Daudi wa taii kaa one damea se mee to. Wai Anegisemee wa'm maa poo yoo yandomami se mee to. Ku enii tao dama tosi na mina ku ko, ku ni'm eniwoo naka se mina waa. Ku se ku si andibuu taae.
Timotiusi woe, endo ko ese ebo tamaao daa ae se nigise na mina ku kasiinka ndeo. Mbao kaa tamaao daa ee? Tau. Anegisemee mesema, Keditusi Yesiusi mesema, akaa'm nadito nakea se gumba kasiinka se mina waa kumana ku kaa kiyoo tamaao daa ae se ku ndo nigaae. Me Yesiusi me me, me mbeedi se mee to tau. Wa ko wai anikee waa mee wado ese ata emi tau ebo tuwaao kan waya ukewiisi se mee to. Kena me gado me kaa kiyoo ko wai mee'm awake-awake ku pikamoo semana em yadai-pai taasi se mee to. Ku kindo ni'm Anegisemee mesema Keditusi Yesiusi akaa'm egi kaa kasiinka mina ku ese ebo tamaao daa se mina ae se ku ndo nigaae.
Ku wido ku Anegisemee'm emaa misi kaa ese dama, ese ndumbo se kao awawoo sipa kumana endo nde miya Siduga maa me kaa kiyoo Anegisemee wa'm ni tao naabai-baina ko dama tosi na aya naabai-bai siwoo nai. Dee, Tuhani Yesiusi wa'm sese ku se de. Wai mee'm awamea-awamea ku pikamoo se mee to. Kena wa'm pikamoo se sese me ese ndumbo ndo pikamoo taasi. Koweke kaa miya emi tau. Ku kumana anikee waa wai mee tuma bage'm awamea-awamea ku pikamoo sita mugo ndoe, wai ni tao ndumbo ndo naawaao kan wa'm naabai-bai semapi kao ku masewena ndumbo ndo nadotaa taasi. Waya wada nda ni ndo dama aya nadotaa taasi se ku tau. Ogu bage ku kaa nde miya dama aya yadotaa taasi. Wa'm waya ukaasi yoo dim pipi kan dito siwoo sipea bage waa ku mugo bage ku kaa ku tao nde miya dama aya yadotaa taasi.
Wa'm ea ona ndo boke me ko me mbeenaa enii mee tuma kaa bage enii'm sese mugo dodo. Kase enta mugo ndoe, Anegisemee wa'm se nambeana ko ea ona ndo ndo bosea se nambeasimi. Kena ea ona ndo bomana ndo waa ko enii'm awamea-awamea mina ku kaa Anegisemee mesema mina daasea. Enii'm awamea-awamea ku maaneke ee? Tau ee? Ku pikamoo taao kan mina data semuuna ndo waa ko wa'm enii kaa nadotaake mina ku mina moo naatukitaasi.
Ku kindo ko ni'm mina ku kaa kiyoo kam enii'm Tuhani wa kaa yanigaao sekii se mina me ko me se de. Ona me ko Anegisemee'm mina yaa mu-mu nakea se bage waa ekii'm widigi aoo se tuta se yoo ku yaadano kiyaana dama yatoyaabuu taao sekii se mee to me Tuhani. Me wa'm ese awaao epi se kao koena, me ona. Kena ona me ko peu-pau yaa mu-mu nakea se bage waa ku anikee waa Anegisemee mesema mina aoo kaasea. Me gapi me kaa pakemai ndoe, Anegisemee wai ekii kaa mina moo tukitana ese okaa em yadaasi sima. Ku taao kan me gapi pakemaan tau kam miyo Tuhani wai ku mugo bage dito taao epi kumana ooke sekii tau. Ku mike em yadaasi sima, me ona.
ကြော်ငြာတွေ