“Ekii'm se nasigea se gumba me kaa kiyoo, Ese Ata Emi Tau Ebo Toke se Mee to, ni ko, ni'm ambewaata mina me ko me se de. ‘Tau. Ese ndumbo mina kasiinka ndeo. Ese mbeedi kam mbeedi ni kaa nikinaa bage ona aoo se dodo me kaa ko kena eki'm wa kaa wa tao dama yaawamea kindo ku deo yako ni'm kadena ko “O, eki'm yaawapea me ni kaa naawapea kui, ae,” se kadeo. Ku kaa kiyoo eki ni kaa ese dama naawawoo simea, se kasipa,’ se asiita.
Edoma 16:2 - Anegisemee'm Mina Kapuge2 Wai, eki mesema Tuhani nda dipinimapi se ambii kumana “Aba, aba. Nakayoo naomaae,” se mina ku ndo aseao ndo bada. Me mugo sese awake me ese Anegisemee wa'm bage waa enii'm awaao disi sese kumana ku ndo yaawaae. Dee, me ambii me ko wai ogu bage ese oba mugo ekii tao dama ndo yaawawoo sipi se ambii to. Wai ni kaa ni tao nde miya dama naawawoo sipi. Kum seta kaa yaogayo patasea na eki nde miya wa kaa dama ndo yaawaae. Wa'm dama tosi na se kao ku otuma wa tao aii se maniwoo taae. အခန်းကိုကြည့်ပါ။ |
Edoma 16:2
25 ပူးပေါင်းရင်းမြစ်များ
Tuhani wa'm se asemana ko Ananiyasi wa'm se asina ko “Tuhani, aa-oo. A'm enipe mee me me wa'm awanaa se - awanaa se mina ku oba yepa,” aseke. “Wa'm Yedusedem okaa yoo tuta se bage, a'm wa-nini wenimana daa mbeaseke se bage kuwa ku kaa wai ese bodi peu-pau yaawanaa nai se mina ku ese oba yepa,” aseke.
Ananiyasi wa'm se aseke koya Tuhani wa'm se asina ko, “Tau a ogiyoo peae,” aseke. “Mee me ko me ni'm ni kaa wa-nini mbeasipa se mee to, ni'm mina naadosi na,” aseke. “Ni'm mina naadonaa asinaa taasi se dodo me kaa ko Yahudi tau se bage waa ku nuwa, Yahudi tau se bage ekii'm ese ata emi tau ebo bage waa ku nuwa, Isedeo bage waa ku nuwa, ekii mbo ni'm mina naasinaa penaa taambi,” aseke.
Kena mbeenaa ogiyoo Yope okaa yoo kiyoo Yesiusi kaa mina yitona yaa mu-mu nai se ambii to ona aoo. Wa ekaa da ko Tabita. Me Yunani ebe kaa kipii Dodokasi se aseke. Kena me Tabita me me omiyaa siyaa ku ndo ese dama se kao awawoo nai se ambii to. Bakata bage mbo nde miya kabu tau. Dama ndo maniwoo nai se ambii to.
Ku mina ku dopeana Petadusi mbo pi-asemana ndo waa ko wai akaa mesema Yope okaa yoo pemake. Pemana asindaa dukune nda, Dodokasi bota da mbeasipea yoo, kiyoo bada madona pakeke. Paketa mugo ndoe, kogaa ambii waa ekii otuma yee semuu nakea se dei. Yee semuu ndoe ku ambii ku Petadusi yau-yau inewena se asina ko “Petadusi ku dee. Ku duka-duka, manaa se kao ku nuwa, ku dee. Ku otuma Dodokasi bota da wa'm buwaan tau yoo naa-epipi semami kao waa. Ku dee,” se asemana yadeyaagea.
Ku kindo Anegisemee ekaa da ebo yambeana yapapa sisi na Keditusi mbaya bage ku si yabeaae. Dee, eduga ko Keditusi wai kabeaan tau. Aii kagai kan “Tau, ni mba nda mewee!” se ku ndo kasimi. Ku kindo eki nde miya Keditusi wa'm kaawami ku dodo ndo masewena ogu Keditusi kaa kinaa bage dodo ndo aseae. “Tau. Mewee o. Enii mbaya anewe o,” se ku ndo aseae. Anegisemee ekaa da ebo yambeana yapapa sisi na se awawoo taae.
Waya ni, Paudusi, ni Gayusi wa'm ee nda omiwee naka. Kena nakayoo Yesiusi mbaya bage ku ko ekii andagatake se dodo me kaa me Gayusi wa'm ee me nda nakayoo andagata semuu nakea. Me Gayusi me me, wa nde miya “Aba, aba,” se kasii. Kena nakayoo okaa yoo, pemedinta bage ekii'm kipe ku yaadito se mee to ona aoo. Mee me me, wa ekaa da ko Edasetusi. Wa nde miya “Aba, aba,” se kasii. Kena Yesiusi kaa eniikinaamee to, Kawadatusi wa nde miya “Aba, aba,” se kasii.
Yesiusi kaa eniikinaa bage waa woe. Eki ko eki Keditusi kaa dama tosi na mina me kaa “Mike ae,” se nigigea yako Siduga maa okaa tuwaasea se bage waa kimea. Eki me bage Siduga maa epoo bage kimea kumana endo nde miya Siduga maa epoo bage waa, eki'm awaao disi sese waa ku ndo awawoo taae. Ni'm kaseao kan sipa mina ku se de. Eki mbo kiyoo mbeedi kambeaseao gai se bage waa ku oba aoo. Ku mugo bage eki Keditusi kaa dama tosi na se mina ku dapimaao gai se bage waa. Ku koya ni eki mbo memana ade taamba nde miya, si meemba nde miya, ni'm eki kaa kayeao gai kitaa se mina wido aoo. Ona me ko “Pidipi okaa yoo togea se Yesiusi mbaya bage mbeedi kambeaseao gai se bage waa aoo nde miya eki mbeenaa kaa miya widaa tau kan se takea,” se kayeo waa “Oowoo,” me ona. Ona me ko eki'm “Mike ae,” nigigea mina waa ku kaa magi tau. Aii dimina ona ndo kan kusipimana “Mike ae,” se nigiwoo nakea ae, se mina se kayeo waa “Oowoo,” me ona, wiya. Kena ona me ko eki ese mbaya ona ndo kina Anegisemee'm dama mina edimiwoo nakea ae, se mina se kayeo waa “Oowoo,” me ona, wido. Ku wido kuwa, ku ni'm eki kaa se kayeo waa “Oowoo,” se mina waa. Ku Siduga maa epoo bage waa eki'm awaao disi sese kumana ku ndo awawoo taae. Kabeapea bage ku kaa widaa tau kipii kindo ko ku kadegea yako kabeapea bage waa ekii'm se kanigina ko “Ai, ai. Anegisemee wa ko wai nadano kiyaabuu taambi ae. Wa mike naboyaasi koya ku Yesiusi wa mbaya bage ku tau. Ku Anegisemee'm dama ndo yatoyaabuu taasi se bage waa ae,” se kaanigaambea. Mbugu tau se dimina kadegea yako ekii'm se kaanigaambea.
Epapoditusi wa'm sese me ko me se de. Eki'm ni kaa naawaao kan sipea eki bende kaa kam naawaao kana koya ku wa'm ndo eki kumo-kumo kaakumatai yako eki'm naawayaa ku mi-naawawoo sipi. Kena wa'm ni tao naawawoo sipi ku nuwa, Keditusi tao ndanda yaawawoo sipi ku nuwa, ku wiya ku awawoo sita mugo ndoe, ese mike mbeenaa aoo kumana waa ko boyaa! Ku kaa kiyoo buwaao pasi kimi kumana wai eki mbo memai se gumba ndoe, ese bani-bani se kan “Tuhani kaa eniikinaamee to, aba, aba,” se yaseae! Waya wada nda wa'm Keditusi tao awawoo sipi ku kaa kiyoo ebo yambeaseao ndo bada. Kena wa'm sipi mugo dodo awawoo nakea se bage waa ku nde miya ebo yambeaseao ndo bada. Se awagea waa bada ae se kaanigeo.
Ni mesema peniyada ee nda toi se mee to Adisitadakusi me me, wai eki kaa “Aba, aba,” se mina kaseao gai se nasipi. Kena Madakusi wa namba “Aba, aba,” se mina kasipi ndeo. Me Madakusi me me, me Banabasi akaakinaa wiya. Kena eduga ko ni Madakusi kaa mina se kasina ko “Madakusi wai eki mbo memake kipii kindo ko ‘Aba, aba. Enii'm ee nda mi-naomaae!’ se mina aseae,” se kasima.
Kena enao bea da se ambii waa eki mbo yatupise na mina ku se de. Anegisemee wa'm guna miyo tutai se ambii to ae se desi na se kao ku ndo awawoo taae, me ona. Kena mee agumee kaa peu mina ku dopeana mee mbo pi si yaasei taae, se tupeke me ona. Kena aniguda poo odi uwo ku oba naao gai se dimina da, me mugo dimina me guna miyo si tuwaae, se tupeke me ona. Kena enao bea da se ambii waa ku eginao bea da se ambii waa ku dama ndo awasi na se mina waa ku ndo yatupiwoo taao bada, me ona. Ku kindo enao se ambii waa ekii'm eginao se ambii ku mbo pi-tupiwoo sisi na mina ku se de. “A'm yimee nuwa, a'm yopaa waa ku nuwa, ku kaa yaembaawoo taae,” se tupeke me ona.
Pidemoni woe, ni ko ni medaa a mbo mi-kaomeweo waa ko a kase nasiyaa ee? Tau. “Aba, aba. Ni'm ee nda mi-naomaae. Noke kao mi-noo,” se nasiyaa. Ku mugo yaa, a'm ni kaa ni tao dama naawayaa ku masewena Onesimusi wa kaa nde miya dodo ndo yaawaae. Dee, a, ni mesema Keditusi tao ndanda yaa mu-mu nae se mee to kumana ku kaa nigimae yako Onesimusi wa kaa namba “Aba, aba. Ni'm ee nda mi-naomaae. Noke kao mi-noo,” se aseae.
ကြော်ငြာတွေ