Edoma 15:4 - Anegisemee'm Mina Kapuge

⁴ Kase enta mugo ndoe, ku mugo eduga wudumamea mina kuwa ku aii mina waa se ku tau. Ku enii kaa natupisi na se mina waa. Ku kumana Anegisemee'm mina kapuge me kaa kiyoo enii dama toke nde miya, peu toke nde miya, tau. Ku enii'm dimina dama kusipimasi na se mina waa. Ku enii'm dimina natakuniyaabuu sisi na se mina waa. Kena ku kaa kiyoo kam Anegisemee wa'm enii tao pi-naapamiyaabuu taasi ku dim pipi kan em'ndoo siwoo taambea ndo.

Edoma 15:4 ပူးပေါင်းရင်းမြစ်များ

Edoma 12:12

Ona me ko anikee waa Anegisemee wa'm a tao kaa-awaasi ku kaa kiyoo bani-bani se kan em'ndoo siwoo taae. Ona me ko bodi ababa se aoo nde miya magi tau se dimina me kaa kiyoo ndo kusipimana towoo taae. Ona me ko si dan ndo Anegisemee mbo asetoo siwoo taae.

1 Kodintusi 10:11

Ku eedoo bage ekii'm woo-woo se kaa em yadana yaboyaabuu simi se mina ku ko ku Musia wa'm kapuge kaa wudumami mina waa. Ku aii se wudumami se ku tau. Ku enii kaa natupaao kan naawudumami se mina waa. Kase enta mugo ndoe, enii ko enii ese pake-takanu se gumba pi-pamaao pasi se gumba toke se bage waa. Kena endo nde miya enii Musia wa'm wudumami mina ndamata mugo ndoe, “Ai, ai. Widaa ndeo! Ekii'm sese awake kipii kindo ko enii nde miya em nadaambi ae,” se ku ndo nigaao sekii.

1 Teseadonika 1:3

Mbao kaa “Paamee” se kaasetoo se ee? Tau. Ona me ko eki'm Anegisemee kaa “Mike ae,” se nigimana awawoo se kao kuwa, ku kaa nige-neo kumana “Paamee,” se kaasetoo naka, me ona. Kena ona me ko eki'm embaake se dimina da me kaa kiyoo yambayaa tau kan ndanda masiwoo nakea, ku kaa nde miya nige-neo kumana “Paamee,” se kaasetoo naka, me wiya. Kena ona me ko Tuhani Yesiusi Keditusi wa'm wadobo ukaasi yoo nuwa, wa'm enii tao pi-naapamiyaasi kao waa nuwa, ku kaa dim pipi kan dito nakea se kadema. Ku kaa kiyoo eki widigi aoo nde miya tukuu wemana takun towoo nakea. Ku nde miya kadetaka kumana “Paamee,” se kaasetoo naka, me wido. Eki'm sese wido ku kadeo yako Anegisemee Naamee mbo eki kaa “Paamee,” se kaasetoo naka.

1 Petadusi 1:13

Anikee waa Yesiusi Keditusi waya uwa pana agidimana ukaasi se dodo me kaa ko Anegisemee wa'm enii tao aii se dama natoyaabuu taasi. Ku mike aoo kaasea kumana ku kaa ese dimina ona ndo kan kusipimana mbikana tuta taae. Kena ku kaa ese mbikana dito sita mugo ndoe, Anegisemee'm gai-gai awaao kan eki kaa to eki yimbi maniwoona dimina wodoneae. Ku se ku awawoo taae.