Ni'm eki kaa kaembaake se bage waa woe, mee'm peu kaawapea me kaa kiyoo abuu si maseae. Anegisemee'm yima kiki kan em yadasi na aii wisin'taae. Dee, Anegisemee'm kapuge nda mina se wudumina ko “Tuhani wa'm asina ko ‘Mee'm woo-woo se kaa abuu maseao kan me ni'm ndo dito se kao. Ku se ku mike em yadaata sima,’ se asimi,” se mina wudumami.
Edoma 13:4 - Anegisemee'm Mina Kapuge4 Ebo toke se mee to me Anegisemee wa'm ndanda yaa-awatai se mee to. Ku kaa kiyoo wa'm ndanda ona me ko me eki'm toke yoo maanisi na se ndanda, me ona. Ona me ko peu-pau awapi mee to wa kaa yima kiki kan em yadasi na se ndanda, me ona. Ku ndanda ku wa'm Anegisemee tao yaa-awake kumana a ko peu-pau awape kipii kindo me kaa widaao ndo bada. Ebo toke se mee to wa'm em kadaao sekii se yaa mani da me Anegisemee'm aii se manipi baa. အခန်းကိုကြည့်ပါ။ |
Edoma 13:4
23 ပူးပေါင်းရင်းမြစ်များ
Kena Anegisemee wa'm gai-gai awasea na mina ona me ko Yesiusi kaa kinaa bage ona wa pedona ogu Yesiusi kaa kinaa bage'm ambii kaa tubaka awake me daa. Me mugo woo-woo se ku akaakinaa bage kaa si yamaaniyaambe kao kumana ku si awaae. Me akaakinaa bage kaa yadeba semana wa'm kao oma maseke mugo dodo kaambe kumana ku si awaae. Eduga ko ku kaa kiyoo enii ese oyu kan se asina ko “Ku mugo kao awake kipii kindo ko Tuhani wa'm mike em kadaasi sima,” se katupima. Ku kindo ko tubaka ku si awaae.
Kena wa'm guna miyo yapeyaabuu simi se ebo bage waa, ekii'm guna miyo nde miya dama tuwaae. Dee, wa'm yapeyaabuu simi se ebo bage waa ekii'm pi-awawoo sisi na se ndanda ona me ko me peu-pau awatakea se bage waa ku kaa em yadasi na yapeyaami, me ona. Ona me ko dama awatakea se bage waa ku kaa yapapa sisi na yapeyaami, me ona. Ku kindo ku mugo ebo bage waa, ekii'm guna miyo dama towoo taae.
ကြော်ငြာတွေ