Edoma 10:8 - Anegisemee'm Mina Kapuge

⁸ Kase enta mugo ndoe, Keditusi wai ese mike maa yoo endemana bomi. Bomana mee bota-pata mbembo se yoo kam pakemana maa poo yoo yandomami. Waya kiyoo kam enii'm eniwoo naka mina me ko me se de. “Dim ndumbo nakiyaasi na wa'm awami se mina ku kaa ‘Mike ae,’ se nigaae,” se eniwoo naka. Me mina me ko me yeao kana se mina se ku tau. Waya na kiyaa “Ku kaa nigi si pe se nde miya sekii. Ku kaa mina amoe-moe se nde miya sekii. Ese mike yeao sekii se mina sima.”

Edoma 10:8 ပူးပေါင်းရင်းမြစ်များ

Edaseo Bage 10:43

“Yahawee'm mina yaa-enei se bage waa ekii'm kapuge waa nda Yesiusi kaa nanige-manemea se mina me ko me se de. ‘Wa kaa mike ae, se nigipea se bage waa, ku en'ndo otuma ekii'm woo-woo se ku wa ekaa da kaa yaawise-mbeasiimbi se bage waa,’ se nanige-manemea,” aseke.

Edaseo Bage 16:31

Akaa'm asina ko “Tau, Tuhani Yesiusi wa kaa ‘Mike ae,’ se yanigeke kipii, kindo Anegisemee'm em si kadan ndo dama katoyaambi ndeo,” se aseke. “A nuwa, a'm ee nda togea bage waa ku nuwa, me eki tao dama tosea na mina kasipa kui,” se aseke.

Edoma 10:17

Ku kindo ko ni'm kaseao kan sipa mina me ko me se de. Keditusi kaa mina yeke kipii kindo ko ku kaa kiyoo ndo “Mike ae,” se yanigaao sekii. Yiin tau yoo miyo “Mike ae,” se yanigaao kana. Se kaseao kan sipa.

Gadasiya 3:2

Endo ko bubeke mina ese ona ndo kaseao gai. Me kaa dama naambewaae! Anegisemee Dim'mba wai eki nduwawe ndemimi se dodo me kaa ko eki Anegisemee'm okaa mee tupisi na mina ditona me kaa kiyoo eki nduwawe ndemimi ee? Keditusi kaa mina yemana “Mike ae,” nigeke dimina me kaa kiyoo eki nduwawe ndemimi ee? Tau na! Me Keditusi kaa mina me kaa “Mike ae,” nigeke se dimina me kaa ndo eki nduwawe ndemimi.

Gadasiya 3:5

Ku kindo ku si aii bada kisi na ku kaa dama nigi si pe taae. Anegisemee wa'm eki tao kaawami ona me ko Anegisemee Dim'mba eki tao kanemi, me ona. Ona me ko ese abayai, mee'm awaao kana se kao waa ku nde miya eki mbo kaawawoo nai, me ona. Ku wiya kaawawoo sipi ku mbao kaa kaawaao gai ee? Eki wa'm okaa mee tupisi na mina ku dama yaa mu-mu se kumana ku kaa kiyoo abayai se kao kaawaao gai ee? Tau na, ku kaa tau! Wa'm abayai kaawawoo nai ku ko ku eki Yesiusi kaa dama mina me yemana “Mike ae,” se nigeke kumana ku kaa kiyoo ndo Anegisemee wa'm abayai se kao kasipa kuwa eki tao kaawawoo nai.

Epesiusi 5:26

Keditusi wa'm enii tao naabomi me ko me aii se naabomi se ku tau. Ona me ko enii wa'm emaa misi kaa wa tao dau se bage waa nakiyaao kan naabomi. Kase enta mugo ndoe, wa'm dama mina ku mina ku kaa kiyoo enii'm woo-woo se ku naawise-mbeasimi. Ese uwo'm maa wise-mbeaseke sese mugo dodo. Ku taao kan naabomi, me ona.

1 Timotiusi 4:6

Timotiusi woe, a ko ai Keditusi Yesiusi tao ndanda yaawawoo se mee to. Ndanda yaawawoo se mee to koya Yesiusi tao ndanda ku dama yaawawoo sise na, ni'm kasipa mina kuwa dopeana Yesiusi kaa kinaa bage waa ku mbo pi-yanige-mane taae. Ku mbo pi-yanige-mane sita mugo ndoe, ekii ndo tupeke ku tau de. A'm dimina a kaa to nde miya takuniyaabuu siwoo taae. A kaa to takuniyaase na mina waa wiya aoo. Ona me ko enii Yesiusi mbaya bage, enii'm “Mike ae,” nigeke se mina waa, me ona. Ona me ko Anegisemee kaa ndumbo mina katupimea kuwa, me ona. Ku wiya ku ndo dowoo nae kipii kindo ko ku kaa kiyoo a kaa to nde miya takuniyaabuu siwoo nae, kui. Se.

1 Petadusi 1:23

Dee, Anegisemee wai yipi se dimina one kadamami kumana mee ogumee kaa yaembaao sekii kimea. Kase enta mugo ndoe, wa'm yipi se dimina one kadamata mugo ndoe buwaao sekii se paadi ku kaa one kadamami se ku tau. Ese buwaao kana se paadi ku kaa ndo yipi se dimina one kadamami. Ku buwaao kana se paadi ku ko ku Anegisemee wa'm mina da mei! Wa'm mina da me ese si dan ndo omiwoo towoo semuu nai se mina da mei!

1 Petadusi 1:25

Ku koya Yahawee wa'm mina da me ko me ese wa-nini. Me ese si dan ndo dodo ndo se tuta siwoo semuu nai se mina da koena.” Kiyoo kam ni'm kaseao kan sipa mina me ko me se de. Me taa keowaao kana se mina da kasipa me ko me eki mbo kaeniwoo simea se mina da mei! Me ese Anegisemee'm dama mina kaeniwoo simea mina da mei! Se kaseao kan sipa.