Edoma 10:6 - Anegisemee'm Mina Kapuge

^6-7 Ku koya endo kipii wa-nini. Endo ko Anegisemee'm emaa misi kaa dim ndumbo nakiyaasi na kao me ko me Keditusi kaa mina ku kaa ndo “Mike ae,” se nigeke se dimina da mei! Ku koya ebanaa bage ekii'm nigina ko “Keditusi wa kayoo? Wai Siduga maa kiyoo aoo kipii kindo wa mbo pakemana bada yamadona endisi na se mee to me mii?” Waya ebanaa bage ekii'm nigina ko “Keditusi wai bomi kipii kindo ko mee bota-pata mbembo se yoo endemana bada yamadona pakesi na se mee to me mii?” se nigeke. Ebanaa bage ekii'm se nigeke koya me mugo mina ambewaao kan Keditusi kaa mina “Mike ae,” se nigimana dim ndumbo nakiyaapi se bage waa enii'm mee mbo aseao gai se mina me ko me se de. “Me mugo nigeke se dimina me mbeas!” se aseao gai.

Edoma 10:6 ပူးပေါင်းရင်းမြစ်များ

Yohanesi 6:33

“Anegisemee wa'm edoondi me ko me Siduga kam endaaniina mee en'ndo otuma mee toyaasi na se mee to,” aseke.

Yohanesi 6:38

Kase enta mugo ndoe, ni'm Siduga kaa kam nakayoo maa kaa memama me ko me ni'm gai-gai ku awaao kan memama se ku tau. Waya na kiyaa ni nameyaami Mee to wa'm gai-gai yaawaao kan memama,” aseke.

Yohanesi 6:58

“Eduga ko eki'm eedoo bage waa, ekii mana edoondi noke ko nowoo simea koya buwai-pai semamea. Ku koya ni'm sese ko ni wa-nini se edoondi namo mugo dodo. Ni ko Siduga maa kaa kam endaaneke se edoondi namo mugo dodo. Kum seta kaa, me mugo edoondi nanopea se bage waa ku boke sekii tau. Ku si dan ndo omiwoo towoo semuu taasea ndo, se kaseao kan sipa,” aseke.

Edoma 3:22

Anegisemee wa'm dimi ndumbo nakiyaasi na se enda me ko me se de. Yesiusi Keditusi kaa “Mike ae,” se nigimai ndoe Anegisemee'm emaa misi kaa dimi ndumbo nakiyaake sekii. Yahudi bage nuwa, Yahudi tau se bage nuwa, ku otuma dodo ndo.

Edoma 3:25

Yesiusi wai enii kaa naaboyaake mee to. Anegisemee wa'm se yambeasipi koena. Mbao awasi na yaboyaake ee? Tau, Anegisemee wa'm mee'm woo-woo se kaa yima kiki ku dano kisi na Yesiusi'm emu yaogayaami. Waya enii'm “Mike ae,” se nigeke se dimina me kaa kiyoo wa'm naatabeke ku enii kaa meaneke kidai. Enii'm woo-woo se ku naawise-mbeaseke kidai. Yesiusi wa'm emu ku naatabemapi ae se dena ko “O Anegisemee wai ndumbo ndo awake ae,” se nigi sisi na se kao. Dee, ese eduga edugana ko mee'm woo-woo simea ku kaa Anegisemee wa'm mani em yadaan tau. Wa kidaa wisin'take ndo. Mee'm woo-woo se ku kidaa wisin'take kumana “Anegisemee wai kupoo awami ee? Ndumbo awami ee?” se nigiyaa koya tau. Yesiusi me mee'm woo-woo se kaa naaboyaake se dodo me kaa

Edoma 4:13

Ese eduga ko Anegisemee wa'm Abedaham mbo ba-gamitaao kana se mina ona me se asina ko “A nuwa, a'm wado one daasea se bage waa ku nuwa, ku eki tao kanena ko maa en'ndo otuma, mee en'ndo otuma kaniita,” se asimi. Se aseke se dodo me kaa ko wai mbao kaa dena se asimi naa ya? Abedaham wai Anegisemee'm okaa mee tupisi na mina ku dama yaa mu-mu nai ae se dei yako se asimi yee? Tau na! Abedaham wai Anegisemee'm mina kaa “Mike ae,” se nigimana dim ndumbo se mee to ae se demi. Se dei yako Anegisemee wai “Mee en'ndo maa en'ndo otuma kaniita,” se asimi.

Pidipi 3:9

ese wa mesema dipinimana ona ndo kaao kan, wa-nini kao ku mbeedi se deo. Yesiusi wa ndo ebo ae, se dimina me ndo nigitaka. Endo ko ni, ni kaa to dimi ndumbo kiyaao kan Anegisemee'm okaa mee tupisi na mina dito se se ku tau. Keditusi kaa “Mike ae,” yanigeke me ndo. Kase enta mugo ndoe, wa kaa “Mike ae,” yanigeke kipii kindo ko me kaa kiyoo ndo Anegisemee wai dim ndumbo nakiyaao sekii. Ni'm awake-awake ku kaa kiyoo tau.

Ibedani 1:3

Kena ona me ko Anegisemee wa'm abayai aoo-aoo aoo se ao da ku uwa pana desi na se mee to me nde miya Wayombai mei, me ona. Kena ona me ko Anegisemee wa'm sese ku nde miya uwa pana yaadeyaasi na mee to me nde miya Wayombai mei! Akaa'm sese ese dodo koena, me ona. Kena ona me ko Anegisemee Yombai, wa'm mina me ko me ese yai yaa mani da aoo se mina. Kena wa'm ese yai se yaa mani da aoo se mina da me kaa kiyoo wai maa nuwa, epo nuwa, ku en'ndo otuma tuta siyaabuu siwoo nai. Wa'm mina kaa ku se ku yatoyaabuu siwoo nai kumana taa keoyaake sekii tau. Aii dodo ndo se yatoyaabuu siwoo nai. Kena ndo waa ko wa'm awami ona me ko wai enii'm woo-woo se ku naawise-mbeaseao kan enii kaa enii tao naatabemami. Naatabemana ko Siduga maa me kaa pakemami. Siduga maa me kaa pakemana ko ese asiyoo kam asiyoo abayai se Anegisemee, wa'm meyaa yato me kaa ebo animana towoo semuu nai.

Ibedani 11:7

Kena Anegisemee kaa “Mike ae,” nigimi se eedoo bage ona me ekaa ko Nuu. Dee, eduga ko Anegisemee wa'm Nuu se asina ko “Mee tuma kaa bage en'ndo otuma yaboyaabuu sisi na ese em'mbee uwo aoo kaasi,” se asimi. Me mugo uwo me mee'm diin tau se uwo koya Nuu wai dim wiya-wiya se emi tau. Wai “Mike ae,” se nigimai yako ese widaake kan Anegisemee'm enipi mina ku dama yayito simi. Dama yayito sita mugo ndoe ekii sepao si bosi na uwo daii nda kuma da ona epipi semami. Se epipi semai ndoe Anegisemee wa'm se yanigina ko “Me Nuu me me, wai ni kaa ‘Mike ae,’ se nanigeke kumana wai ese dim ndumbo se mee to ae se deo. Ku koya ogu bage en'ndo otuma ekii'm dimina wa-nini kumana em yadaao ndo sekii ae,” se nigimi.