Edoma 10:3 - Anegisemee'm Mina Kapuge

³ Kase enta mugo ndoe, Anegisemee mbo kam dim ndumbo kiyaasi na se enda da me si masimagea. Me si masimagea yako yeao be. Aii si yitona ndo eki kaa to dim ndumbo kiyaasi na enda da me ndo ebinaa se.

Edoma 10:3 ပူးပေါင်းရင်းမြစ်များ

Dukasi 10:29

Yesiusi wa'm se aseke koya mee me me wai wa'm awawoo nai sese ku mee'm emaa misi kaa ese ndumbo awawoo nai ae se ku yanigisi na wai bubeke mina waya se asina ko “Ku kindo ko ni'm yau-yau bage kuwa, ku kaa kiyoo mii nuwa, mii nuwa, naa yaembaao sekii naa ya?” aseke.

Dukasi 16:15

Ku mugo mina enigea yako Yesiusi wa'm ekii se asina ko “Eki'm sese ku mee'm emaa misi kaa ese dama sese se kadetakea. Ku kaa kiyoo ekii'm kanigina ko ‘O, ku ese dim ndumbo se bage waa ae,’ se kanigitakea,” aseke. “Ku koya Anegisemee'm emaa misi kaa eki'm dimina waa ku ese wa-nini keo. Ese dim'mba tau se dimina waa se kadetai,” aseke. “Kase enta mugo ndoe, mee'm emaa misi kaa ‘O, me disi. Me ese asiyoo dama se kao ae,’ se nigeke kao me ko me Anegisemee'm emaa misi kaa ese odeapo se kao mugo dodo,” aseke.

Edoma 1:17

Kase enta mugo ndoe, Anegisemee'm dama mina me kaa kiyoo enii'm dimina ku dimi ndumbo nakiyaasi na se mina da ku deao sekii kidai. Me mina me kaa kiyoo enii Yesiusi kaa “Mike ae,” se nigimai ndoe Anegisemee wa'm dimi ndumbo nakiyaake koena. Wa-nini kao ku'm dimi ndumbo nakiyaasi na kao emi tau. “Mike ae,” nigeke se dimina me kaa kiyoo ndo sekii, kam tau. Ni'm kasipa mina me ko me Anegisemee'm mina kapuge me nda wudumami mina mugo dodo. Me mina me ko me se de. “Anegisemee kaa ‘Mike ae,’ se nigeke mee to me Anegisemee'm dimina ndumbo yakiyaake mee to. Dimi ndumbo yakiyaai yako mee me me mike iyaao toi se mee to. Wai mike si dan ndo omiwoo towoo taasi mee to mei!” Anegisemee'm mina kapuge nda se wudumami.

Edoma 10:2

Yahudi bage ekii'm sese ku ni'm se dena ko ekii ese dimina ona ndo kan Anegisemee'm gai-gai ku ndo yaa mu-mu taao gai. Ku koya ekii'm yaa mu-mu nakea ku si nige-neke kan koweke aoo ae se detaka.

Edoma 11:7

Kum seta kaa enii'm nigaao sekii se mina ku se de. Isedeo bage ku ko ekii Anegisemee'm emaa misi kaa dim ndumbo kisi na se enda da ebinaa siwoo sipea. Ebeke ko ebeke koya dim ndumbo yakiyaapi se Isedeo bage ku mbeenaa ndo. Anegisemee wa'm pikimapi bage ku ndo. Ogu Isedeo bage ku dim mbiseoo kiyaana aii bada kigea, ae, se nigaao sekii.

Edoma 3:22

Anegisemee wa'm dimi ndumbo nakiyaasi na se enda me ko me se de. Yesiusi Keditusi kaa “Mike ae,” se nigimai ndoe Anegisemee'm emaa misi kaa dimi ndumbo nakiyaake sekii. Yahudi bage nuwa, Yahudi tau se bage nuwa, ku otuma dodo ndo.

Edoma 3:26

ku dena ko endo ko enii'm Anegisemee kaa se nigina ko “Ai, ai, Anegisemee'm sese ko wai ese ndumbo ndo awawoo se ae,” se yanigaao sekii. Ku kindo ko Yesiusi wa'm emu naatabemami ku mbao awasi na ee? Tau, ona me ko “O, Anegisemee wai ese ndumbo ndo awawoo nai se mee to ae,” se desi na, me ona. Ona me ko Anegisemee wai Yesiusi kaa “Mike ae,” se nigeke bage ku dimi ndumbo yakiyaao kan se awami, me ona. Ku wiya ku awasi na Yesiusi wa'm emu naatabemami.

Edoma 5:19

Waya ese kasiinka ndeo. Mee ona ndo Anegisemee'm mina tamami kumana me kaa kiyoo ese eaao kana se mee kooda waa ku woo-woo se aoo se bage waa kiyaake. Kisena ndo waa ko mee ona ndo wai Anegisemee'm mina si tamana dama yito se kumana ku kaa nde miya ese eaao kana se mee kooda waa ku dimi ndumbo se bage waa kiyaabuu taasi. Dodo ko dodo koya dodo tau.

2 Kodintusi 5:21

Anegisemee mesema apoesi na se mina me ko me se de. Keditusi wa ko wai woo-woo se ona kaa miya emi tau. Ku koya enii Anegisemee mesema apoesi na wai enii'm woo-woo se ku masewena Keditusi kaa yadotaami. Keditusi kaa yadotaana ko yaboyaami. Aii se yaboyaami se ku tau. Enii Keditusi mesema dipinimana Anegisemee wa'm emaa misi kaa dim ndumbo se bage waa kisi na se naa-awami.

Pidipi 3:9

ese wa mesema dipinimana ona ndo kaao kan, wa-nini kao ku mbeedi se deo. Yesiusi wa ndo ebo ae, se dimina me ndo nigitaka. Endo ko ni, ni kaa to dimi ndumbo kiyaao kan Anegisemee'm okaa mee tupisi na mina dito se se ku tau. Keditusi kaa “Mike ae,” yanigeke me ndo. Kase enta mugo ndoe, wa kaa “Mike ae,” yanigeke kipii kindo ko me kaa kiyoo ndo Anegisemee wai dim ndumbo nakiyaao sekii. Ni'm awake-awake ku kaa kiyoo tau.

2 Petadusi 1:1

Me kapuge me ko me ni, Simoni Petadusi ni ko, ni'm wudumeo kapuge. Ni ko ni Yesiusi Keditusi wa'm wa kaa wa tao ndanda yaawanaa naka se mee to. Kena ni Edaseo se mee to. Wa'm wa kaa mina yaadonaa asinaa sisi na napeyaami mee to mei! Me kapuge me ko me Yesiusi Keditusi wa kaa “Mike ae,” se yanigeke bage, eki tao kapuge. Kena me Yesiusi Keditusi me ko me mike Anegisemee mei! Wai enii'm woo-woo se ku mbeedi naambeana dama natoyaabuu nai se mee to mei! Kena Yesiusi wai ese dim ndumbo se mee to. Wa'm ndumbo se dimina da me kaa kiyoo kam Anegisemee wai “Mike ae,” se nigaao sekii se dimina da nakumake. Me “Mike ae,” se nigaao sekii se dimina da kakumake se dodo me kaa ko wa'm eki tao kakumake mbeenaa mbeedi, enii Edaseo bage tao nakumake mbeenaa ebo, se ku tau. Enii ndepo ese abayai “Mike ae,” se nigaao sekii se dimina da me ndo se nakumapi. Ku kumana enii'm sipa mugo bage waa woe, eki tao kapuge me eewee.