Edoma 1:9 - Anegisemee'm Mina Kapuge9 Ku mike kaseo. Omiyaa siyaa ku ndo ni eki kaa Anegisemee mbo kaasetoo semuu naka. Anegisemee nadito nai kumana dimi kadake sekii tau. Ese mike mina ndo kaseo. Me Anegisemee me me, wa kaa ni dimi wiya-wiya se dimina mbeenaa kaa miya emi tau. Ni ko ni wa kaa wa tao masii yaamaseao kan Wayombai kaa dama se mina kuwa ku mee mbo donaa asinaa naka. အခန်းကိုကြည့်ပါ။ |
Edoma 1:9
34 ပူးပေါင်းရင်းမြစ်များ
Ea na gapi Yesiusi wai wa'm tupinaa se bage yatupaao gai se mina me ko me se de. Anegisemee mbo edaake se dodo me kaa ko dimina si katu kaae. Anegisemee wai mani si kaambewaake nde miya dimina ona ndo kan yaedaawoo taae se mina ku yatupaao gai. Ku mugo mina yatupaao gai kumana wai mina ebeabea da ona me se asina ko
Ku semana ndo waa ko Anegisemee Dim'mba wai Paudusi dim'mba nda se yakumamapi kumana ko “Oo, ni Yedusedem okaa yoo peeta ndeo,” se aseke. “Yedusedem okaa yoo peao kan nakayoo kam Makedoniya maa me kaa pemana Akaya maa me kaa pemake. Me kaa pemana waya muuna Yedusedem okaa yoo se pemaata,” aseke. “Kena Yedusedem okaa yoo pemana dai kaa waa ko waya muuna Edoma okaa yoo kiyoo namba peao gai sima!” aseke.
“Ku koya ni'm mike awama se kao me ndo kasiinka ndeo. Nabeagea se Yahudi bage kuwa ekii'm asigea mina me ko ‘Yesiusi kaa Omiwoo Towoo Sisi na Enda da dito se bage ku dim'mba tau se bage waa,’ se asigea. Ekii'm se aseke koya ni ko ni ese me Enda da me dito se se dodo nde miya Anegisemee yapapa siwoo naka. Enii'm eedoo bage'm yapapa simea se Anegisemee, me ni'm yapapa naka se Anegisemee mei! Kena Anegisemee'm okaa mee tupisi na mina nuwa, nabi bage'm kapuge kaa wudumamea mina waa ku nuwa, ku se ku ‘Mike mina waa ae,’ se ku ndo nigeo,” aseke.
Anegisemee wa'm Keditusi kaa ese naembaake koya ni'm okaa kinaa bage waa, Yahudi bage kuwa, ekii oba mugo Keditusi kaa “Mike ae,” se yanigaao be. Ekii'm sese ku deo yako ni'm dim bodi keke ku ese wa-nini keo. Ese dim kai-bai kan dimina dano-dano siwoo naka. Mike ebata tau. Waya kiyoo kam “Mbao awai ndo naa bada kaambi ee?” se nigi si pe se dodo me kaa ni'm nigi seo se mina me ko me se de. Yahudi bage si em yadasi na, ekii'm woo-woo se kaa em yadasi aya ku ni kaa nadotaana Keditusi mbaya tau se mee to nakiyaake nde miya bada o. Nikinaa bage waa si em yadake kindo “Bada kee em nadapi see,” se asiyaa. Me dim dake mina kaseo se ku tau. Ni Keditusi mesema nadipinimai yako ese ndumbo mina kaseo. Waya ni'm dimina da nda koo nigeke ku Anegisemee Dim'mba wa'm nadetai kui.
Kiyoo kam Anegisemee'm emaa misi kaa ese ndumbo mina kasiinka ndeo. Ni'm kasiinka mina ku mbae da mina kipii, kindo ko Anegisemee ku nadei yako em nadake bada ae se nigeo. Ku koya tau. Ni'm ese ndumbo kaseao kan sipa mina me ko me se de. Ni'm eki mbo, Kodintusi okaa yoo kiyoo me kaa kameen tau me ko me ni'm dime awama. Kase enta mugo ndoe, eki mbo memama waa, eki'm peu-pau awawoo nakea ku kadeo yako ese oyu kan dim kakoesi na mina kasiyaa. Ku mugo mina si kaseao kan ni dime kan mani kameen tau.
Kena waya wada nda Ibedisi mbeedi mbeaseao kan se mina ona ndigi. Mina ona ndigi me ko me se de. Anegisemee wa'm enii tao naanegi semami kao ku yaa mu-mu sita mugo ndoe, omiyaa siyaa ku ndo Anegisemee mbo asetoo siwoo taae. Anegisemee mbo asetoo taao kan dimina wodoneae! Dimina wodonita mugo ndoe Anegisemee Dim'mba'm kakumamoo nai mina ku otuma masewena asetoo siwoo taae. Kena asetoo se mina ona ndo mugo se ku tau. Asetaake se mina nde miya, edaake se mina nde miya ku se ku si dan ndo asetoo siwoo taae. Kena Anegisemee wa mbaya bage en'ndo otuma ku kaa nde miya si dan ndo yaasetoo siwoo taae.
Ku koya Timotiusi wa'm sese me ko me ese wa-nini keo. Wa'm sese ku eki mbo kadeyaan tau baa. Wa'm Yesiusi kaa dimina ku eki mbo ea oba mugo kadeyaabuu siwoo simi se dimina da. Me dimina me kaa kiyoo wai ni mesema Anegisemee'm dama mina me mee mbo donaa asinaa siwoo sima. Ese dada se ana sepuu'm waa donaa asinaa siyaa mugo dodo se se awawoo sima.
Kase enta mugo ndoe, enii ko enii paita endii da-mbeaseke se ebeabea da awaan tau se bage koya enii ko enii ese mike Anegisemee mbaya bage waa kimea. Dee, enii wa mbaya bage kisi na enii'm awaao sekii se kao ku mbeenaa kaa miya dito taan tau. Enii'm dito se me ko me Keditusi Yesiusi wa'm naawami ku ndo. Ku kaa ndo enii “Mike ae,” nigimana Keditusi ekaa da ebo yambeana “Paamee! Awanke! Awanke!” se yanigiwoo naka. Waya wada nda Anegisemee Dim'mba wa'm yaa mani da me kaa kiyoo Anegisemee kaa yapapa semuu naka. Dee, enii'm awaao sekii se kao ku enii'm mbeenaa kaa miya si dito se kao.
Enii eki mesema waya mi-ade taao gai. Aii se mi-ade taao gai se ku tau. Dee, Anegisemee kaa mina waa ebanaa ku kanige-maniin tau. Ku mina ku kaa nde miya “Mike ae,” se nigi sisea na eki mbo mi-katupiwoo taao gai. Ku se ku awaao sekii se enda da mugo naawadisi na, ku kaa kiyoo ndeemaa nde miya, apikaa nde miya, omiyaa siyaa ku ndo Anegisemee mbo asetoo siwoo naka.
Ku semana ndo waa ko Anegisemee wa'm se nasina ko “Paudusi woe! A ko ni kaa ni tao Edaseo se mee to se kambeaseo. Kena ku kaa kiyoo ni kaa ndumbo mina ku naaduwaae. Mee agumee ‘Mike ae,’ se nanigisi na ni kaa mina ku naaeniwoo taae,” se nasimi. “Ku mina ku naadopeana Yahudi tau se bage mbo pi-tupinaa siwoo taae,” se nasimi. Anegisemee wa'm se nambeasimi. Wa'm se naambeasimi se mina me ko me mbae da se mina da se ku tau. Ese ndumbo mina da me ndo kaseo.
Eduga ko ni'm eedoo bage waa ekii'm Anegisemee wa kaa wa tao ndanda yaawamea ku ese dama, ese ndumbo ndo yaawawoo simea. Kisena ndo waa ko endo se gumba ni nde miya ekii'm simea mugo dodo ndo awawoo naka. Ni peniyada ee nda nadomaapea koya ni kaa to se nigina ko “Tau! Ni Anegisemee wa tao ndanda ku yaawawoo sita mugo ndoe mbeenaa kaa miya peu-pau awaan tau, ae,” se nigeo. “Ni, ese dama, ese ndumbo ndo yaawawoo naka ae,” se nigeo. Kena me Anegisemee me me, me ni'm ndeemaa nde miya, apikaa nde miya, asetoo siwoo naka se Anegisemee to. Wa mbo asetoo siwoo naka se dodo me kaa ko ni a kaa kanigi seo yako a kaa “Anegisemee paamee!” se mina nde miya kaasetoo siwoo naka.
Pidemoni woe. Ni a kaa mina ku mee kam mee kam mina kayepa me ko “Pidemoni wa ko wai Anegisemee mbaya bage ku en'ndo otuma ese yaembaawoo nai,” se mina kayepa, me ona. Kena ona me ko “Pidemoni wa'm Tuhani Yesiusi kaa dimina, dim wiya-wiya se mbeenaa kaa miya emi tau. Aii ‘Mike ae,’ se dimina me ndo se nigi siwoo semuu nai,” se mina kayepa, me ona. A kaa mina se kayepa kumana ni a kaa Anegisemee mbo kaasetoo se se dodo me kaa ni'm se kaasetoona ko “Anegisemee woe. A'm Pidemoni'm dimina da ese maaneke se dimina yakumawoo nae, ku kaa kiyoo paamee, Anegisemee,” se mina se kaasetoo naka.
ကြော်ငြာတွေ