Ku mugo yaa, ai dama awake kipii kindo ko me ogu bage tao osee yaawake sese mugo dodo. Kum seta kaa eki'm dama awake sese ku desi na, ku mee'm egi kaa kiyoo uwa pana awawoo taae. Kase enta mugo ndoe, eki'm dama awapea ku kadegea yako ogu bage ekii eki'm Siduga maa kaa toi se Naamee to wa kaa yapapa taambea, ogu bage kuwa.” Yesiusi wa'm se tupimi.
Edoma 1:7 - Anegisemee'm Mina Kapuge7 Ku kaa kiyoo, eki ko eki Anegisemee wa'm ese kaembaake se bage waa se kadeo, me ona. Ona me ko eki Anegisemee wa'm wa tao dimi se bage kisi na mina kawoemi se bage waa se deo, me ona. Ku mugo Edoma okaa yoo togea se bage en'ndo otuma, ni'm kaawudumapa kapuge, eki tao eewee! Aba! Enii'm Naamee, Anegisemee me mesema Tuhani Yesiusi Keditusi me mesema, akaa'm aii se dama katoyaai waa bada ae se kaanigeo, me ona. Kena ona me ko, akaai ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo. အခန်းကိုကြည့်ပါ။ |
Edoma 1:7
70 ပူးပေါင်းရင်းမြစ်များ
Kena Yesiusi wa'm asina ko “Si nayaa mu-mu taae. Ni, ni'm Naamee mbo pakiin tau kumana si nayaa mu-mu taae,” aseke. “Waya na kiyaa ni'm kinaa bage mugo bage waa ku mbo pi-naasise na se mina ku se de. ‘Ni'm Naamee me eki'm Naamee. Ni'm Anegisemee me eki'm Anegisemee. Ku kindo enii'm Anegisemee Naamee me me wa mbo pakiita,’ ” aseke. “Me mina me pi-naaseae,” aseke.
Ku akaa wiya wa-nini wenimana yapeyaake se dodo me kaa ko ekii'm wudumapea kapuge me namba dopeana pegea. Me kapuge me kaa wudumapea mina ku ko ku se de. “Aba! Me kapuge me kaawudumapa bage enii ko enii Edaseo bage mesema penatuwa bage mesema enii'm kaawudumapa. Enii, eki mesema Yesiusi kaa eniikinaa bage waa. Me kapuge me ko me Yahudi tau se Yesiusi mbaya bage eki tao kapuge. An'diokiya okaa yoo togea se Yesiusi mbaya bage ku nuwa, Sidiya maa kaa togea Yesiusi mbaya bage ku nuwa, Kidikiya maa kaa togea se Yesiusi mbaya bage ku nuwa, ku kaa togea Yahudi tau se Yesiusi mbaya bage eki tao kapuge eewee. ‘Aba, aba, aba,’ se kaseo.
Tuhani wa'm se asemana ko Ananiyasi wa'm se asina ko “Tuhani, aa-oo. A'm enipe mee me me wa'm awanaa se - awanaa se mina ku oba yepa,” aseke. “Wa'm Yedusedem okaa yoo tuta se bage, a'm wa-nini wenimana daa mbeaseke se bage kuwa ku kaa wai ese bodi peu-pau yaawanaa nai se mina ku ese oba yepa,” aseke.
Anegisemee wai enii tao ese abayai natoyaasi yoo ku kaa dim pipi kan em'ndoo se se dimina me aii bada kaasi ae se ku si nigaae. Kase enta mugo ndoe, Anegisemee wai ese naembaake koena. Wa'm naembaake me yima mina tau. Wa'm nemi se Dim'mba me me, me, wai enii'm dim'mba nda se nakumamoo nai kumana “Ai, ai. Anegisemee wai ese mike naembaawoo nai ae,” se nigaao sekii. Wa'm se naembaake kumana “Aa-oo peeto. Wa'm naawaao gai ku pi-pamaan tau ae,” se nigeke dimina mbeenaa kaa miya si nigaasea.
Anegisemee wa'm enii kaa naa-awaao gai me ko me Yesiusi wa'm sipi mugo dodo nakiyaao gai. Se nakiyaao gai kumana ese eduga edugana ko wa'm mina kaa “Mike ae,” se nigaasea bage ku en'ndo otuma wa'm epi se bage waa. Ku kumana ku bage ku kaa wa'm se yaambeana ko “Ekii Niyombai'm sese mugo dodo yakiyaabuu taata se bage waa, ae,” se yaambeasimi. Yesiusi wai ekii'm yaamee kisi na, kena wa winaanee waa ku oba kisi na se yaambeasimi. Kena wa'm “Niyombai'm sese dodo yakiyaata, ae,” se yaambeasimi se bage kuwa ku wa'm wadobo “Ni mbaya bage kaae,” se asipi se bage waa. “Ni mbaya bage kaae,” se asemana ndo waa ko ku bage kuwa ekii tao dimi ndumbo yakiyaake. Dimi ndumbo yakiyaana ko ku bage ku tao ese wa-nini abayai se toke yoo yatoyaake. Ese Yesiusi wa'm ese abayai ebo toke sese kui. Ku kaa kiyoo enii'm ese epi se mina me ko me se de. Anegisemee kaa yaembaake se bage waa ku enii'm toke yoo ese maaneke ndo. Enii'm topea-topea en'ndo otuma dama se kao nde miya, peu se kao nde miya ku wa'm dama naamaaniyaabuu taambi se kao waa koena. Ku otuma Yesiusi wa'm sipi mugo dodo nakiyaabuu taasi kao koena. Ese wa'm mina woewemi se bage enii kaa enii tao naawaao kan simi mina kui.
Ese asindaa se kao nuwa, ese yugindaa se kao nuwa, ku nde miya iyo. Anegisemee'm anegi semami se-kao we-kao ku en'ndo otuma ku nde miya mike iyo. Enii'm Tuhani, Yesiusi Keditusi me me, wa'm naa-awami ku kaa kiyoo Anegisemee'm naembaake se dimina dano kiyaake sekii se kao ona kaa miya emi tau. Aii si dan ndo naembaawoo semuu taambi ndo. Kui!
Ni'm Yahudi tau se bage waa eki kaa kasipa mina kuwa ku Anegisemee wa'm eduga amanimami se mina waa mugo dodo. Dee, ese eduga ko Anegisemee wa'm se enina ko “Ni'm bage tau se bage waa ku kaa ‘Tau, ku ni'm bage waa,’ se asiita. Kena ni'm embaan tau se bage waa ku kaa nde miya ‘Tau, ku ni'm embaake se bage waa,’ se asiita,” se enimi. “Ku bage ku ko ekii'm eduga tomea maa me kaa kiyoo ekii'm se yena ko ‘Tau, eki ni'm bage waa tau,’ se mina yemea. Ku koya me mina yemea se yoo, ese me maa me kaa kiyoo ekii waya wadobo yiisea se mina ku se de. ‘Tau, ku bage kuwa ku ese ata emi tau iyaao toi se Anegisemee to wayombai waa ae,’ se mina yiisea,” se enimi. Anegisemee wa'm Yahudi tau se bage waa ku kaa amanimami se mina kuwa ku nabi se mee to ona, Hosea me me, wa'm wudumami se kapuge nda kiyoo ndamaao sekii se mina.
Ku mugo bage ekii Keditusi kaa mina se yanigeke koya Anegisemee wa'm “Ni'm bage kaae,” se mina nawoewepi se bage waa, enii'm nigeke wa-nini. Kase enta mugo ndoe, wa'm mina nawoewepi se bage waa, Yahudi bage nde miya, Yahudi tau se bage nde miya, enii otuma se nigina ko “Tau! Me Keditusi me kaa kiyoo, enii Anegisemee wa'm yaa mani da nuwa, wa'm dim pame se dimina me nuwa, ku wiya ku mike deao sekii kidai,” se nigeke.
Aba! Enii'm Anegisemee Naamee mesema Tuhani Yesiusi Keditusi me mesema, akaa'm aii se dama katoyaake kuwa ku waya wadobo kaa-awatai waa bada ae se kaanigeo, me ona. Kena ona me ko akaa'm ese widigi tau se dimina da kakumake me nde miya waya wadobo kaa-awatai waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Endo ko ni'm pake-takanu mina waa ku kasiinka ndeo. Anegisemee Naamee mesema Tuhani Yesiusi Keditusi akaa'm kakumawoo nakea se dimina waa ku dama yaa mu-mu taae. Akaa'm kakumawoo nakea se dimina ona me ko eki Yesiusi kaa kinaa bage mesema widigi tau tuwaao sekii se dimina da, me ona. Ona me ko a-embaa naa-embaa taao sekii se dimina da, me ona. Ku kindo ko akaa'm kakumawoo nakea ku “Mike ae,” nigimana dama yaa mu-mu taae.
Pidipi bage waa woe, aba! Enii'm Anegisemee Naamee mesema Tuhani Yesiusi Keditusi me mesema, akaa'm aii se dama katoyaai waa bada ae se kaanigeo, me ona. Kena ona me ko, ese widigi tau se dimina da me nde miya kakumai waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Me kapuge me ko me Kodose okaa yoo togea se Yesiusi kaa eniikinaa bage waa, eki tao kaawudumeo kapuge eewee. Eki ko eki Anegisemee wa'm wa tao kawenimapi se bage waa. Eki Keditusi nda dipinimagea yako wa'm mina dimina ona ndo kan yaa mu-mu nakea se bage waa se kadeo. Me kapuge me eki tao eewee. Kodose bage waa woe, aba! Enii'm Anegisemee Naamee wai eki tao aii se dama katoyaai waa bada ae se kaanigeo, me ona. Kena ona me ko ese widigi tau se dimina da me nde miya kakumai waa bada ae se kaanigeo, wiya. Ku se ku kaa-awatai waa bada ae, se kaanigimana “Aba, aba,” se kaseo.
Kodose bage waa woe. Eki ko eki aii bage se ku tau. Eki Anegisemee wa'm wa kaa wa tao daa kambeana wa-nini kawenimapi se bage waa. Wa'm ese dimi kan kaembaake se bage waa, eki. Ku kumana dama se dimina da waa ku matake bada, ese dama se duka matake mugo dodo. Ku taao kan mee kaa gane se dimina da nuwa, mee kaa dama yaawake nuwa, a kaa to si dodo se se dimina me nuwa, ese tunaa kan mee agumee'm nigeke ku nde miya dito taao gai se dimina da me nuwa, dimina mani si maseke se dimina me nuwa, ku mugo dimina da waa ku matake bada.
Eduga ko Anegisemee wai “Ni mbaya bage kaae,” se mina kawoeke se dodo me kaa ko me pata oba kakiyaao kan mina kawoemi se ku tau. Me maa buboo ona ndo se bage waa kakiyaana widigi tau tosea na ku kaa kiyoo mina kawoemi. Me widigi tau tosi na se dimina da me Keditusi wa'm nakumamoo nai se dimina da. Ku kindo me dimina da me guna miyo tona mee mesema widigi tau tuta taae. Me ona. Ona me ko Anegisemee kaa “Paamee! Aii!” se dimina me ndo nigiwoona uwa da kaa eniwoo semuu taae. Me ona.
Ni ko ni Paudusi. Nakayoo ni mesema akaa wiya aoo. Ona me ko Siowanusi. Ona me ko Timotiusi. Ku enii wido ku enii nakayoo aoo. Me kapuge me ko me Teseadonika okaa yoo togea se bage eki tao kaneo kapuge. Aii bage'm kapuge se ku tau. Eki ko eki Anegisemee Naamee wa'm bage waa, Tuhani Yesiusi Keditusi wa mbaya bage kuwa, ku mugo bage eki tao kapuge, eewee. Aba! Anegisemee wa ko wai eki tao aii se dama katoyaai waa bada ae se kaanigeo, me ona. Kena ona me ko, ese widigi tau se dimina da me nde miya kakumai waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Mbao kaa “Paamee” se kaasetoo se ee? Tau. Ona me ko eki'm Anegisemee kaa “Mike ae,” se nigimana awawoo se kao kuwa, ku kaa nige-neo kumana “Paamee,” se kaasetoo naka, me ona. Kena ona me ko eki'm embaake se dimina da me kaa kiyoo yambayaa tau kan ndanda masiwoo nakea, ku kaa nde miya nige-neo kumana “Paamee,” se kaasetoo naka, me wiya. Kena ona me ko Tuhani Yesiusi Keditusi wa'm wadobo ukaasi yoo nuwa, wa'm enii tao pi-naapamiyaasi kao waa nuwa, ku kaa dim pipi kan dito nakea se kadema. Ku kaa kiyoo eki widigi aoo nde miya tukuu wemana takun towoo nakea. Ku nde miya kadetaka kumana “Paamee,” se kaasetoo naka, me wido. Eki'm sese wido ku kadeo yako Anegisemee Naamee mbo eki kaa “Paamee,” se kaasetoo naka.
Yesiusi kaa eniikinaa bage waa woe. Eduga ko enii eki mbo memana Anegisemee'm dama mina ku kanige-manema. Wa'm dama mina ku kanige-manema se dodo me kaa eki'm nigina ko “O, ku aii mina waa ndo ae,” se ku nigaan tau. “O, ku ese mike mina waa ae,” se ku ndo nigimea. Anegisemee Dim'mba wai wa'm yaa mani da kaa eki nduwawe dama kakumake kumana eki ko ese dimina ona ndo kan “O, ku ese mike mina waa ae,” se nigimamea. Eki'm se nigimamea kumana enii'm kaadena ko “O, ku Anegisemee wa'm ese embaake se bage waa ae. Ku wa'm wa-nini pikimapi se bage waa, ae,” se kadetaka. Ku se ku kadeo yako Anegisemee mbo “Paamee,” se kaasetoo naka. Kena eduga ko enii eki mbo toma se dodo me kaa ko enii'm kasima-kasima ku nuwa, kaawama-kaawama ku nuwa, ku se ku eki'm nademea.
Aba! Enii'm Anegisemee Naamaa mesema Tuhani Yesiusi Keditusi me mesema, akaa'm aii se dama katoyaake kuwa ku waya wadobo nde miya kaa-awatai waa bada ae se kaanigeo, me ona. Kena ona me ko akaa'm ese widigi tau se dimina da kakumake me nde miya waya wadobo kaa-awatai waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
Widigi tau se dimina me Tuhani wa'm ndo nameaniyaapi kao, kam tau. Ku kaa kiyoo Tuhani wai eki'm tuwaambea yoo en'ndo otuma endo nde miya, anikee waa nde miya omiyaa siyaa ku ndo widigi tau se dimina kameaniyaabuu nai waa bada ae se nigeo, me ona. Kena Tuhani wai eki mbo si kabatai waa bada ae, se nigeo, me ona. Ku se ku kaawai waa bada ae se nigimana ku kaa kaasetoo siwoo naka.
Timotiusi woe. Ni'm kapuge me a tao ee. Eduga ko ai ni'm eniwoo sima mina ku yemai ndoe Yesiusi kaa “Mike ae,” se nigime. Ku kumana ni'm kadena ko “O, a ese mike niyombai ae,” se kadeo. Endo ko Anegisemee Naamee mesema enii'm Tuhani, Yesiusi Keditusi me mesema, akaai a'm woo-woo se kaa si em kadake me nuwa, aii se gane kan dama katoyaake me nuwa, ku waya wadobo kaawatai waa bada ae se kaanigeo, me ona. Kena ona me ko, akaa'm ese widigi tau se dimina da kakumake me nde miya waya wadobo kakumai waa bada ae se kanigeo, me ona. Ku wiya ku kaawatai waa bada ae, se kanigimaa yako “Aba, aba,” se kaseo.
Yaa pineana masii mata se Yesiusi mbaya bage ku ko ekii'm yaa pineasipea bage ku nde miya Yesiusi kaa “Mike ae,” nigeke bage kipii kindo ko ekii ndepo Yesiusi kaa kinaa bage mugo dodo. Ku kaa kiyoo “O, anai Yesiusi kaa kinaa bage kumana wa'm guna wado pakeao sekii ae. Wa kaa yawisineke sekii ae,” se dimina me mbeas! Akakinaa beao se mina ku kaa kiyoo yambayaa se dimina da me mbeas! Waya wadobo ese oyu kan masii yaamasiwoo taae. Masii maseke dito se bage ekii'm toke yoo dama maanisi na yaembaake kan dama ndo masii yaamasiwoo taae. Yaa pineana masii mata se bage waa, ekii'm se awake bada. Ni'm kaseo mina waa ku Yesiusi mbaya bage mbo pi-yatupiwoo taae. Ku mina ku si tamasi na dimina yakoewoo taae.
Me kapuge me ko me Timotiusi a tao kaneo kapuge. Timotiusi woe, aba! Ni'm kadena ko ai ni'm ese kaembaake se niyombai mugo dodo se kadeo. Kena Anegisemee Naamee mesema enii'm Tuhani, Yesiusi Keditusi me mesema, akaai a'm woo-woo se ku kaa em si kadan ndo aii se kagane kan dama katoyaai waa bada ae se nigeo, me ona. Kena ona me ko, widigi tau se dimina da me nde miya kakumai waa bada ae se nigeo, me ona. Ku se ku akaa'm kaawagea waa bada ae, se nigimana “Aba, aba,” se kaseo.
Titusi woe. Ni'm eduga katupima mina waa, ku a'm “Mike ae,” se nigimame mina kuwa ku ese ni'm “Mike ae,” se nigeke mina ese dodo ndo. Ku kaa kiyoo ni'm kadena ko ai ese okaa se niyombai se mee to mugo dodo se kadeta. Kena ni'm a kaa kadotaa taao gai se mina ku se de. Anegisemee Naamee mesema enii'm woo-woo se kaa em si nadan ndo omiwoo towoo natoyaake se mee to, Yesiusi Keditusi me mesema, akaa'm aii se dama katoyaake ku waya wadobo kaa-awai waa bada ae se nigeo, me ona. Kena ona me ko, akaa'm ese widigi tau se dimina da kakumake me nde miya waya wadobo kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo.
Aba. Me kapuge me ko me ni, Yakobusi, ni'm kaawudumeo se kapuge. Ni ko ni Anegisemee mesema Tuhani Yesiusi Keditusi mesema, akaa kaa akaa tao ndanda yaawawoo naka se mee to. Endo se gumba Yesiusi kaa “Mike ae,” se nigeke se Yahudi bage ku ko ku sisi mbimbi semagea yako maa en'ndo maa ku kaa kiyoo pi-towoo nakea se bage waa. Ku kindo ku mugo bage eki tao kapuge eewee. “Aba, aba,” se kaseo.
Abayai, ku kaa dama nigi si pe taae. Anegisemee Naamee wa'm naembaake ku ese asiyoo kam asiyoo naembaawoo nai, tau se! Kase enta mugo ndoe, wa'm ese naembaai yako “Ku ni'm yopaa waa,” se nambeasipi koena. Kena wa'm nambeasipi ku aii mina se ku tau. Ku ese mike mina. Wa'm okaa se yopaa waa ku enii, sima! Keditusi kaa “Mike ae,” se nigaan tau se bage ku ko ku Anegisemee kaa mike eo se bage waa. Ku kaa kiyoo kam ku mugo bage ku nadeke ko nadeke koya “O, ku Anegisemee wa'm yopaa se bage waa ae,” se ku nadeao kana. Aii si nige-neke ndo.
Aba. Eki ko eki Anegisemee wa'm mike ndumbo mina nuwa, a-embaa naa-embaa nakea se dimina nuwa, ku se ku yaa mu-mu se bada. Ku yaa mu-mu nakea se dodo me kaa kiyoo ko Anegisemee Naamee mesema Wayombai, Yesiusi Keditusi me mesema, akaa'm kaa-awawoo taambea se mina wiya aoo. Ona me ko eki'm woo-woo se kaa em si kadan ndo aii se gane kan dama katoyaabuu taasea, me ona. Kena ona me ko, akaai eki tao widigi tau se dimina ku nde miya kakumawoo taambea me ona, wiya. Ku se ku kaa-awatai waa bada ae, se kaanigimana “Aba, aba,” se kaseo.
Kena ni'm iya-iya da kaa dema se mee me me wa'm se nasina ko “Epesiusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae,” se naseke. “Wa tao naawudumaambe mina ku se de. Ni ko ni'm meyaa yato yaa da kaa kiyoo okude dada ku yaa mu-mu nai se mee to. Osee mbembo se se eamasi kipaii dada aoo ku ko ku nda epopi nda penaa nai mee to me ni. Kena ni'm kaseao kan sipa mina ku se de.
Kena wa'm wadobo se nasina ko “Pedigamusi okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni yape yado da yaa mu-mu naka se mee to. Ni'm yape yado da me ese uuda aoo se yado da. Embato miya uuda aoo, duwato miya uuda aoo, eo wiya se yape yado da mei! Kena ni'm kaseao kan sipa mina ku de.
Kena wa'm waya wadobo se nasina ko “Tiatida okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni Anegisemee Yombai. Ni'm emaa misi ku bidea gida waa mugo dodo. Ni'm bado ku namba wiki-wiki se aoo. Ese tem'baga besi oma mugo bidea kaa yitana wiki-wiki nai se mugo dodo. Kena ni'm kaseao kan sipa mina ku ko ku se de.
Kena wa'm wadobo se nasina ko “Semidina okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ko ni ese eduga edugana kam miyo towoo sima mee to. Kisena pake-takanu se gumba kam wado towoo taata mee to me nde miya ni. Eduga ko boke ko boma koya maa poo yoo ndomana iyaao towoo naka se mee to me nde miya ni. Kena ni'm kaseao kan sipa mina ku de.
Kena wa'm wadobo se nasina ko “Daodikiya okaa yoo togea se Yesiusi mbaya bage ekii kaa ekii tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Ni ekaa da ko ‘Kui.’ Kase enta mugo ndoe, Anegisemee wa'm pi-pamiyaao gai ku otuma ni kaa pi-pamiyaana kui kidai. Ku kumana ni ekaa da ko ‘Kui’ kasipa. Kena Anegisemee wa'm uwa da kaa aoo kiyaapi mina kuwa ku masewena dimina ona ndo kan ndumbo ndo eniwoo nai se mee to, me ko me ni. Kena Anegisemee wa'm eduga anegi taao kan simi se-kao we-kao, ku en'ndo otuma aoo kiyaabuu sima mee to me nde miya ni. Kena ni'm kaseao kan sipa mina ku se de.
Kena wa'm wadobo se nasina ko “Pidadeopiya okaa yoo togea se Yesiusi mbaya bage ekii kaa eki tao se epo wado mee to ona aoo. Wa tao kapuge naawudumaae. Wa tao naawudumaambe mina ku se de. Si maaneke ona kaa miya emi tau se Anegisemee to me ni. Ese mike Keditusi me ko me nde miya ni. Ese ata emi tau ebo tomi se Daudi wa'm gine ndagide me ni mbo ndigi. Kena ni wa'm sipi mugo ese ebo toke kumana ni'm waditapa me mee agumee'm manimaao iyo. Kena ni'm manimapa me namba mee agumee'm nawaditaao iyo. Ese eduga tomi se Daudi wa'm ebo tomi se gine ndagide me ni mbo ndigi koena. Kena ni'm kaseao kan sipa mina ku se de.
ကြော်ငြာတွေ