“Endo togea bea da se bage waa, eki'm dimina ku ese tubaka aoo se bage waa eki'm dimina mugo dodo se kadeo,” aseke. “Ekii ni kaa dimi wiya-wiya semuu nakea se bage waa koena. Ese peu-pau ndo awawoo nakea se bage waa koena. Dee, ku mugo sese ku ese tubaka aoo se bage waa ekii'm sese mugo dodo. Ku kindo ko endo se gumba ndoe ni kaa nuwa, ni'm mina kaa nuwa, ku kaa ego kan nabeagea kipii kindo ni namba anikee waa ku mugo bage ekii kaa namba ego kan yabeata,” aseke. “Kase dodo yabeata ee enta mugo ndoe? Tau, anikee waa Mee Yombai, ni ko ni waya meeta. Waya meeta se dodo me kaa ko ni'm Naamee wa'm ese ebo toi yako aoo-aoo aoo se ao da me nda meeta. Anegisemee'm yapeyaabuu sipi se bage waa, wa'm epo wado bage kuwa ku mesema meeta. Se memagea se gumba ndoe ni kaa nuwa, ni'm mina kaa nuwa, ku ego kan nabeamea se bage waa ku kaa ni nde miya ego kan yabeata. ‘Ku ni'm bage tau. Ku ni'm eoo se bage waa,’ se ku ndo yasiita,” aseke. “Ku kindo ko eki'm wadobo tuwaasea yoo ku maanisi na endo se gumba nde miya eki'm gai-gai ku mbeedi mbeana, ni ogudi mewee, se kaseao kan sipa,” aseke. Yesiusi wa'm se asimi.
Edoma 1:16 - Anegisemee'm Mina Kapuge16 Anegisemee'm dama mina ku uwa pana enei taao kan ni ego tau sima. Ku mina kuwa ku ese Anegisemee wa'm yaa mani da me enii kaa meaniyaasi na se mina koena. Me mbao awasi na se yaa mani da ee? Tau, wa'm dama mina me kaa “Mike ae,” se nigipea se bage en'ndo otuma ekii'm woo-woo se ku kaa si em yadan ndo dama yatoyaabuu taasi. Yahudi bage ekii kita, kena Yahudi tau se bage ku ogudi ekii namba dodo kaasea. အခန်းကိုကြည့်ပါ။ |
Edoma 1:16
38 ပူးပေါင်းရင်းမြစ်များ
“Kase enta mugo ndoe, ni kaa nuwa, ni'm mina kaa nuwa, ku kaa ego kan nabeagea kipii kindo ko anikee waa ni namba ku mugo bage ku kaa ego kan yabeata,” aseke. “Kase dodo yabeata ee enta mugo ndoe? Tau, anikee waa Mee Yombai, ni ko ni waya meeta. Waya meeta se dodo me kaa ko ni'm ebo too yako aoo-aoo aoo se ao da me nda meeta. Kena ni'm Naamee nuwa, wa'm yapeyaabuu sipi bage waa, wa'm epo wado bage kuwa ku nuwa, ku se ku ekii'm ebo togea yako yai se ao da me nda nde miya meeta. Ku kindo ni ese abayai se ao da memai se dodo me kaa ko ni kaa ego kan nabeamea se bage waa ku kaa ni nde miya ego kan yabeata. ‘Ku ni'm bage tau. Ku ni'm eoo se bage waa,’ se ku ndo yasiita,” aseke.
Wa'm se aseke kumana Yahudi bage'm ebo bage waa ekii wa'm enipi mina ku kaa mina se amoe-moena ko “Yai, me kase bage mina? Dee, Yesiusi wa'm se asina ko ‘Eki naebinaa taasea koya si nadiisea,’ se asipi, me ona. Ona me ko ‘Ni'm peeta yoo me eki'm peao kana se yoo,’ se asipi, me ona. Ku kindo enii wa mbo pi-deao kana kisi na wa kayoo peao kan enipi naa ya? Yahudi bage ese oba mugo ekii nakayoo kam naa mu naa peao, naa mu naa peao semana ogiyoo Yunani bage ekii'm maa waa ku kaa pi-towee simea. Kum seta kaa Yesiusi wai ekii mbo pi-tuwaao gai yee? Kiyoo togea se Yunani bage ku nde miya pi-yatupiwoo taao gai yee? Yai, ku kase bage mina naseao kan enipi naa ya?” aseke. Yahudi bage'm ebo bage ekii ku mugo mina, mina amoe-moe simea.
Ku kindo ko ese eduga ko paita endii da da-mbeasiin tau yoo miyo Abedaham wai Anegisemee me mina kaa “Mike ae,” se nigimami. Se nigimai ndoe Anegisemee wai dim ndumbo se mee to se yambeasimi. Kisena ndo waa ko wai Anegisemee'm emaa misi kaa dim ndumbo se mee to ae se ku uwa pana desi na Anegisemee wa'm Abedaham se asina ko “Paita endii da da-mbeaseke ebeabea da awaae,” se asimi. Ku kindo ko paita endii da da-mbeaseke ebeabea da awaan tau se bage ku nde miya Abedaham wa'm sipi mugo “Mike ae,” se nigeke kipii kindo ko ekii Abedaham wa'm taii kaa bage waa kidai. Kiyoo kam Anegisemee wai ku mugo bage se dena ko “O, ku paita endii da da-mbeasiin tau se bage koya tau. Ekii ni kaa ‘Mike ae,’ nanigimapea kumana dim ndumbo se bage waa ae,” se yadetai.
Kena eki ko eki “Mike ae,” se nigisea na ni'm mina ku mee tuma da kaa dim pame me kaa kiyoo kusipimana katupeke se ku tau. Kase enta mugo ndoe, eki'm “Mike ae,” se nigitakea se dimina me mee tuma da kaa dim pame se dimina me kaa kusipimake ni be koena. Ku kindo ko eki'm “Mike ae,” nigeke se dimina me Anegisemee wa'm yaa mani da me kaa ndo kusipimana tosea na ni'm katupima sese me ko me se de. Anegisemee Dim'mba wa'm yaa mani da me kaa kiyoo ndo mina kaeniwoo sima. Ni'm sese me ndo awama, kam tau. Se.
Ogu katupeke se bage waa ekii eki mbo kam oto kao masiwoo simea kumana enii ko kase? Yai, enii ko ese mike “Niwee. Niwee,” se ku kaseao sekii. Ogu katupeke bage waa mbeenaa tau se nigeo. Dee, enii'm katupiwoo simea ku kaa kiyoo “Eki'm oto kao ku niwee,” se mina ku ese ndumbo se mina waa. Ku enii'm ese mike aseao sekii se mina waa. Ku koya enii'm nigina ko “Yai, ‘Oto kao niwee,’ se aseke waa, Keditusi kaa dama mina eniwoo sita mugo ndoe, ku mina ku nayeao beagea yako aii bada kiyaayaa,” se nigeke. Ku kumana Keditusi kaa dama mina ku yeao gai kisi na enii'm aseao sekii se mina, “Oto kao niwee,” se mina kuwa, ku enii mbeenaa kaa miya kaase diin tau se mina waa. Si kaseo yako baa tapoo omeke nde miya “Bada o, awas,” se nigimana koo tomu naka ndo.
Ni ko ni Anegisemee'm dama mina eniwoo se mee to kumana “Kipe niwee!” se mina ku mike aseao sekii koya tau. Ni be. “Kipe niwee!” se mina ku aseao be kumana ni'm ndanda me kaa kiyoo kam ni tao dama tosi na kao emi tau yee? Tau na! Ni'm dama tosi na kao me ni'm bani-bani se dimina da mei! Mbao kaa bani-bani se ee, tau. Kipe niin tau nde miya aii eniwoo naka kumana ku kaa kiyoo ni ese bani-bani se aoo. Ese mike kipe oba mugo newoo siyaa mugo dodo se nigeo.
Dee, Keditusi kaa “Mike ae,” nigaan tau se bage ku ko ku emaa diyoo aoo se bage waa mugo dodo. Mbao kaa emaa diyoo aoo ee enta mugo ndoe, tau. Mee tuma da bage ekii'm yapapa nakea se mbae da se anegisemee to, maa en'ndo otuma ku wado ebo toi se Ibedisi wa ko, wai eki'm dimina da nda emaa diyoo aoo se dimina yakumamoo nai kumana enii dama se mina ku deao kana se yakiyaabuu nai. Dee, Keditusi wa ko wai Anegisemee wa'm sipi mugo ku uwa da kaa deyaabuu sisi na se mee to. Kena wa kaa dama mina me ese asiyoo kam asiyoo abayai se mina da. Ku kumana maa kaa togea bage ekii me mina me dama deke waa, ekii'm dimina yawadaniyaabuu siyaa. Ku kindo me mina me si desi na Ibedisi wai ekii'm dim'mba nda emaa diyoo se dimina yakumamoo nai.
Dee, eki'm ogu bage tao maniwoo sipea ku kadegea yako mee'm nigaasea se mina ku se de. “Abayai, Kodintusi bage ku ese kabuu tau kan enii tao nuwa, ogu bage tao nuwa, se-kao we-kao newoo sipea ae. Ku kindo Kodintusi bage ekii'm Keditusi kaa dama mina ‘Mike ae,’ nigimea se dimina da me ebe'm ndo asipea se mina se ku tau. Wa'm gai-gai ku nde miya si taman ndo uwa da kaa yaa mu-mu nakea ae,” se kanigaasea. Eki'm sese se kadegea yako se kanigaasea kumana kiyoo kam Anegisemee ekaa da ebo yambeana yapapa taasea, me ona.
Enii Anegisemee'm mina katupeke se dodo me kaa ko eki'm nigitakea ku se de. “O, ku mina kuwa ku mee'm ndo nigita kaa mina waa natupeke se ku tau. Ku ese mike Anegisemee wa'm mina ndo ae,” se nigimamea. Eki'm se nigimamea kumana ku kaa kiyoo enii ese si dan ndo Anegisemee mbo “Paamee,” se asetoo siwoo naka. Eki'm nigimamea ku ese ndumbo. Kase enta mugo ndoe, enii'm katupima mina ku ese mike Anegisemee wa'm mina waa kam tau. Ku mina ku kaa “Mike ae,” se nigimamea kumana endo nde miya ku mina kuwa, ku eki nduwawe ndigi. Ku eki'm dimina da waa katupiwoo nai se mina waa koena. Ku kaa kiyoo “Yai, Anegisemee paamee, paamee,” se nigiwoo naka. Se.
Ekii'm duwa matana yeao be mina kuwa ku Anegisemee'm dama mina da me ndo. Me Anegisemee wa'm eduga “Naduwaae,” se namatapi mina da mei! Me aii bage'm enipi mina se ku tau. Me ese asiyoo dama toke se Anegisemee to wa'm mina me ndo. Me, ese abayai, ese yaa mani da aoo se Anegisemee to wa'm mina me ndo. Kum seta kaa Anegisemee'm dama mina beake kipii kindo ko okaa mee tupisi na mina yanige-maneke bada. Ku, ku mugo bage tupisi na mina koena. “Mike ae,” nigeke kipii kindo tau. Se.
Wa'm se nambeasii yako Keditusi kaa dama mina ku dopeana mee mbo donaa asinaa naka. Ku donaa asinaa sita mugo ndoe, mee'm nabeagea yako peniyada ee nda nadomaana bodi naababa siyaabuu nakea. Ni ko ni peniyada ee nda bodi ababa se aoo ko aoo koya mbeenaa kaa miya ego kaan tau. Kase enta mugo ndoe, ni'm “Mike ae,” se yanigimama mee to me ni'm eo se mee to tau. Wa'm sese ni ese epi keo. Ku kaa kiyoo ni wa kaa ese dimina ona ndo kan se yanigina ko wa'm dama mina da, wa'm namatami se mina me ko me wa'm dama edimitai se mina kumana ogu bage ku'm si maaniyaake sekii tau. Mbae da mina mesema dipinimake sekii tau. Me wa'm dama edimitai se mina kumana wa'm waya ukaasi yoo me gapi me kaa miyo wa'm dama mina me maaneke se mina ndo se tai. Ku kaa nigi seo yako ego tau ndo se taka.
Ku se ku duwa namatapea koya Onesipodusi wa ko tau. Dee, eduga ko wai Edoma okaa yoo me kaa ukimana ko “Paudusi wa kayoo?” se nigimai yako naebinaa siwoo simi. Naebinaa, naebinaaina ko “O, Paudusi wai peniyada ee nda yaa pineana yadomaamea ae,” se nadei ndoe wai ni kaa ego tau. Wa ni kaa ego tau kan ni mbo memai yako ni'm dimina da aii natakuniyaabuu siwoo simi ndo. Ea oba mugo natakuniyaai yako ni'm dimina etaa nakiyaami! Onesipodusi wa ko. Ese eduga nde miya ni ogiyoo Epesiusi okaa yoo ndigi se dodo me kaa wai ni tao dama tosi na se kao ku oba naawawoo simi. Me mina me nde miya a yeme sima! Onesipodusi wa'm ni tao dama naawawoo simi kumana ku kaa kiyoo ni'm Anegisemee mbo se yaasetoona ko “Anegisemee woe. Onesipodusi mesema wa'm ee nda togea bage waa mesema ekii tao aii se gane kan dama aya yadotaai waa bada ae, se nigeo,” me ona. Ona me ko “Anegisemee woe. Anikee waa nde miya, Tuhani wa'm waya ukaasi gapi me kaa kiyoo, me Onesipodusi wa tao aii se yagane kan dama yatoyaasi waa bada ae,” se nigeo, me ona. Ku wiya ku Onesipodusi wai ni tao dama naawawoo simi kumana ni'm wa kaa wa tao se yanigeo.
Enii nduwawe me bage Dim'mba nadomaami kumana enii'm Tuhani kaa mina ku kaa si ego kaae. Ku kaa si ego kin ndo mee mbo uwa pana pi-yaeniwoo taae. Kena ni ko ni peniyada ee nda toke ko toke koya ni kaa nde miya si naego kaae. Ni kaa si naego kina ni'm sipa mugo dodo awawoo taae. Ni'm sipa me ko me se de. Ni ko ni Anegisemee'm dama mina ku mee mbo donaa asinaa taao kan bodi ababa se kan donaa asinaa naka. Ku kindo ko ni'm awapa ku dodo ndo masewena a namba dodo ndo awawoo taae. Anegisemee'm yaa mani da kaa bodi ababa se aoo nde miya, tau. Wa'm dama mina ku mee mbo si dan ndo donaa asinaa siwoo taae.
Kase enta mugo ndoe, anikee waa enii'm awamea-awamea en'ndo otuma ku kaa Anegisemee mesema mina daasea. Ku kaa mina data mugo ndoe yadeba se nde miya sekii tau. Wa'm aoo kiyaabuu simi se-kao we-kao en'ndo otuma ku wa'm dito taao sekii se kao waa koena. Wa'm deao kana se kao ona kaa miya emi tau. Wa'm si desi na dapimaao sekii se kao ona kaa miya emi tau. Ku otuma wa'm uwa pana dito nai se kao waa. Ku kumana enii'm awamea-awamea en'ndo otuma ku kaa mina daasea. Waya wada nda enii'm awamea-awamea ku nandamana pikamoo taasi se dodo me kaa wa'm mina da me kaa kiyoo kam se napikamoo taasi. Wa'm mina me ko me ese binduneke se mina da. Me ese uuda aoo se mina da. Ese uuda aoo se yape yado da, naa uuda aoo, naa uuda aoo, eo wiya aoo se yape yado da me me, me mbeenaa uuda tau. Anegisemee'm mina me ese uuda aoo. Dee, yape yado da me emii oi dake se dodo me kaa mitoo gamu okitaao sekii. Waya dudu maseao kan mitoo kapitaao sekii. Ku koya me mbeenaa mbeedi. Anegisemee'm mina me mee'm dim'mba nda nanugaao sekii. Me nda nanugina dimina da naa, se-nigemoo we-nigemoo naa se ku naokitaao sekii. Waya ku kaa kiyoo mee'm dim'mba nda se-dimina we-dimina en'ndo otuma ku nuwa, mee'm awaao kan sipea en'ndo otuma ku nuwa, ku otuma uwa da kaa uwa pana yadeyaabuu taao sekii. Anegisemee'm mina me ko. Me mina me kaa kiyoo Anegisemee mesema mina daasea kumana ese dimina ona ndo kan wa'm mina yaa mu-mu taae, se kaseao kan sipa.