An'diokiya okaa yoo me kaa pemana ko Banabasi wa'm se dena ko “Ai, ai, Anegisemee wai ekii'm dimina da waa ese dama yakumamoo sipi kumana ekii dama ndo awawoo nakea ae,” se deke. Se detai ndoe Banabasi wai ese bani-bani se aoo. Ese bani-bani se se dodo me kaa ko wa'm tupeke mina me ko “Endo kam wado eki'm dimi wiya-wiya se ku otuma mbeana Tuhani wa kaa ndo kusipimana magi tau ndo tuta taae,” se aseke. Ekii'm dimina nda dama yakoeta taao kan se aseke.
Edoma 1:12 - Anegisemee'm Mina Kapuge12 Dee, ni eki mbo kamemana dai kaa waa ko ni'm Yesiusi kaa “Mike ae,” nigeke se dimina nadegea ndoe, eki'm dimina katakuniyaabuu se. Kena ni miya dodo. Eki'm Yesiusi kaa “Mike ae,” nigeke se dimina kadena ko ni'm dimina namba natakuniyaake. Enii'm “Mike ae,” nigeke dimina ku kaa kiyoo kam a-takuniyaabuu naa-takuniyaabuu taao kan eki mbo kameao gai sima. အခန်းကိုကြည့်ပါ။ |
Edoma 1:12
17 ပူးပေါင်းရင်းမြစ်များ
Nikinaa bage waa woe. Ni eki mbo kameao gai se dimina me kaa dama masimake bada. Kase enta mugo ndoe, ni eki mbo meao gai me endo ndo meao gai se ku tau. Eduga nde miya ea oba mugo ni eki mbo meao kan sima koya meenka ae se dodo ndoe aii bada kidai. Naapu-dapu siyaapea kao ku oba aoo koena. Ku kaa eki si nige-neke ni be. Dee, ni'm tupinaa siwoo sima mina ku Yahudi tau se bage mbo ese maaneke se dema. Ku kumana ni'm tupina mina eki mbo namba maanisi na eki mbo namba kameao gai sima. Ku kaa dama masimaae.
“Nakayoo ndanda dano ae,” se nigeke kumana endo ko Sepaniyo maa me kaa peeta. Sepaniyo maa kaa peke ko peeta koya maa kaa eki mbo kita mbeenaa kidaa pi-kaome-duwaata. Ni'm medaa peke yoo maanisi na se kao nena eki'm egi nda mugo napeyaasea na ni'm se awaata. Eki mbo kidaa pi-kaome-dona ko eki mesema bani-bani se kan tomuna ndo waa ko waya Sepaniyo maa kaa peao kan waya muuna peeta.
Ku wiya ku kaa naasetoo se kipii kindo ko ku kaa kiyoo kam Anegisemee wa gai kipii kindo ko ni, eki mbo pi-kaome-duwaata. Pi-kaome-duwaata se dodo ndoe, dimina bani-bani se kan eki mbo ukimana dimina a-takuniyaabuu naa-takuniyaabuu taasea. Ku se ku awaao sekii kisi na enii ndepo si dan ndo Anegisemee mbo asetoo siwoo taae.
Eki'm enii kaa nanigeke se dimina ku kadeo yako enii'm dimina natakuniyaake kidai. Kena enii'm dimina da waa ku ndo natakuniyaake se ku tau. Dee, Titusi wa namba eki mbo aoo se dodo me kaa ko eki wa'm dimina da nde miya yatakuniyaamea. Wa'm dimina yatakuniyaana ndo waa ko wai enii mbo memami. Enii mbo memana ko wa'm eki kaa bani-bani se dimina da me deo yako enii'm bani-bani se dimina me waya wadobo ese oba kimea, eki'm se naawagea.
Kena ona me ko enii otuma enii'm ebo toke Tuhani me nde miya ese ona ndo. Wui. Kena ona me ko Anegisemee'm dama mina, enii otuma enii'm Yesiusi kaa “Mike ae,” se nigeke mina me me, me nde miya ese ona ndo. Edibi. Kena ona me ko enii otuma Yesiusi mesema dipinimapea ae se desi na ebeabea da, uwo ndoiba takumeweke ebeabea da me me, me nde miya ona ndo. Dee, enii otuma Yesiusi mesema dipinimaasi na mee to me nde miya ese ona ndo, ese Anegisemee Dim'mba me ndo. Bidimi.
Titusi woe. Ni'm eduga katupima mina waa, ku a'm “Mike ae,” se nigimame mina kuwa ku ese ni'm “Mike ae,” se nigeke mina ese dodo ndo. Ku kaa kiyoo ni'm kadena ko ai ese okaa se niyombai se mee to mugo dodo se kadeta. Kena ni'm a kaa kadotaa taao gai se mina ku se de. Anegisemee Naamee mesema enii'm woo-woo se kaa em si nadan ndo omiwoo towoo natoyaake se mee to, Yesiusi Keditusi me mesema, akaa'm aii se dama katoyaake ku waya wadobo kaa-awai waa bada ae se nigeo, me ona. Kena ona me ko, akaa'm ese widigi tau se dimina da kakumake me nde miya waya wadobo kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo.
Me kapuge me ko me ni, Simoni Petadusi ni ko, ni'm wudumeo kapuge. Ni ko ni Yesiusi Keditusi wa'm wa kaa wa tao ndanda yaawanaa naka se mee to. Kena ni Edaseo se mee to. Wa'm wa kaa mina yaadonaa asinaa sisi na napeyaami mee to mei! Me kapuge me ko me Yesiusi Keditusi wa kaa “Mike ae,” se yanigeke bage, eki tao kapuge. Kena me Yesiusi Keditusi me ko me mike Anegisemee mei! Wai enii'm woo-woo se ku mbeedi naambeana dama natoyaabuu nai se mee to mei! Kena Yesiusi wai ese dim ndumbo se mee to. Wa'm ndumbo se dimina da me kaa kiyoo kam Anegisemee wai “Mike ae,” se nigaao sekii se dimina da nakumake. Me “Mike ae,” se nigaao sekii se dimina da kakumake se dodo me kaa ko wa'm eki tao kakumake mbeenaa mbeedi, enii Edaseo bage tao nakumake mbeenaa ebo, se ku tau. Enii ndepo ese abayai “Mike ae,” se nigaao sekii se dimina da me ndo se nakumapi. Ku kumana enii'm sipa mugo bage waa woe, eki tao kapuge me eewee.
Ni ko ni ese bani-bani se aoo. Kase enta mugo ndoe, ni a kaa mina se yena ko a'm yopaa se bage ebanaa ku ko ekii Anegisemee'm mike ndumbo mina ku dama yaa mu-mu nakea ae, se mina se yema. Mike ndumbo mina yaa mu-mu se me ko me Anegisemee wa'm “Se awaae,” se nambeasimi mina mugo dodo awake. Ku kumana ekii'm awawoo sipea ku kaa mina yemata mugo ndoe ni ese bani-bani sipa.
Ni'm embaake se nemugoi nakawaa woe. Anegisemee wa'm em si nadana omiwoo towoo natoyaabuu nai se mina me ko me ni kaa to ndo dama natoyaasi na mina se ku tau. Me eki mesema enii ndepo dama natoyaasi na se mina da. Ku kumana ku kaa mina ni ese dim pipi kan kaawudumaao gai koya, tau. Ni'm yena ko eki mbo kiyoo si maaneke se kao aoo ae se mina yepa kumana ku kaa ku kita kaawudumaanka ndeo. Eki mbo si maaneke aoo se mina kayepa me ko me se de. Mbae da mina tupita se bage waa ku ese kadeba se aoo se kayepa. Dee, ku mugo bage ekii Anegisemee mbaya tau se bage koya ekii eki mbaya koo anewegea yako kadeba siwoo nakea ae se mina kayepa. Waya ekii'm mbae da mina katupitakea ku se de. Ona me ko “Tau, woo-woo se nde miya bada o. Anegisemee wa'm aii se dama natoyaao gai se dimina me ese asiyoo wa-nini kumana enii'm woo-woo se ku kaa em si nadan ndo aii wisin'taambi ndo. Ku kumana woo-woo semuu taambea nde miya bada o,” se katupitakea, me ona. Kena ekii'm dim dake mina ona me ko “Yesiusi Keditusi wai enii'm siu-siu da tau. Wai enii'm moo wado ebo toke se Tuhani tau. Wai aii miga mee to me ndo,” se tupitakea, me ona. Ekii'm mbae da se mina katupitakea kumana ku kaa kaawudumaao gai se mina me ko me se de. Ku mugo bage ku kaa amanimami mina ona aoo. Me amanimami mina me ko me ese eduga edugana wudumami se kapuge me nda kiyoo ndamaao sekii. Me mina me ko me se de. “Ku mugo bage ku Anegisemee wa'm mike em yadaasi se bage waa se mbeasimi,” se wudumami. Mbae mina tupitakea se bage waa ku mike em yadaasi kumana kiyoo kam ni'm kaseao kan sipa mina me ko me se de. Enii'm eduga “Mike ae,” se nigimea mina ku ko Anegisemee wa'm eduga wa mbaya bage tao namatami se mina waa. Ku anikee waa waya wa-nini mina namataasi se ku tau. Wa'm eduga namatami se mina ku ndo kui se tuta taasi. Kum seta kaa ku ndumbo mina kuwa ku mbae da mina mesema si dipinimasi na mbae da mina enta semuu se bage waa eki'm egi kaa kiyoo tukuu wemana mbeedi yambembo siwoo taae. Se kaseao kan sipa.
ကြော်ငြာတွေ