Edaseo Bage 5:2 - Anegisemee'm Mina Kapuge

² Se awamana ko ku kipe ku masewena ndo waa ko wa'm kipe naa ku wa kaa to koo manimake. Wa'm koo manimapi ku wa'm ambii namba epi. Kena ndo waa ko wa'm koo manimaan tau se kipe ku ndo dopeana Yesiusi kaa yapeyaami bage ku mbo pi-maneke. “Eewee. Ni'm kipe awipa ku otuma kaneo,” se aseke.

Edaseo Bage 5:2 ပူးပေါင်းရင်းမြစ်များ

Mandiusi 23:5

“Kena Padisi mbaya bage nuwa, Musia'm kapuge epi se bage nuwa, ekii'm si maaneke sese awake waya ona me ko me se de. Ekii'm awake-awake ku otuma mee'm emaa misi kaa ‘Awankea, awankea,’ se nigi sisi na sese waa ku ndo awawoo nakea. Ku nigi sisi na ekii'm sese ona me ko ekii Anegisemee'm mina waa ku kapuge mbembadi kaa wudumei-pai semana keo mbee nda domoo se. Keo mbee nda domaana ko yaa da kaa mugo, etu kaa mugo ku kaa epei-pai semake. Me mugo awake me Yahudi bage'm sese koya ekii'm si maaneke me ko ekii'm epei sipea se keo ku mbeedi se keo se ku tau. Ku mbeenaa wandii se keo waa ku mugo epei sipea. Ogu bage'm emaa misi kaa ‘Awanki ae,’ se yanigisi na ekii'm se awake,” aseke. “Waya wada nda ekii'm eduu se duka me endii yato otou kaa kiyoo Yahudi bage'm sese dito se kumana ku kaa one waa epetake. Ku koya ekii'm epetake se one waa ku mbeenaa eduu se one waa epetake. ‘Abayai, ekii'm Anegisemee'm mina ese dama dito se ae,’ se yanigisi na, se awake. Me ona,” aseke.

Yohanesi 12:6

Yudasi wa'm se aseke se dodo me kaa ko wai bakata bage waa ku kaa yagane kan se asipi se ku tau. Wa'm sese ko wai oma maseke mee to kumana se asipi. Kase enta mugo ndoe, Yesiusi mesema wa'm tupinaa se bage mesema ekii'm deabuku me Yudasi wa'm yaa mu-mu simi se deabuku. Kena me deabuku me nda domoo sipea se kipe waa ku wa'm oma mase ndemita siwoo nai se kipe waa. Ku kumana wa'm asipi se mina kuwa ku wa'm oma maseao gai se dimina me kaa kiyoo kam asipi.

Edaseo Bage 2:44

Ken ndo waa ko Yesiusi kaa “Mike ae,” se nigeke bage waa ekii'm se-nigeke we-nigeke, se-awake we-awake ku ese me ndo ae se nigitakea. Ese dimi ona ndo. Ku kumana ekii'm se nigina ko “Ni'm se-kao we-kao ku ni'm ndo kao waa se ku tau. Endo ko ku enii ndepo enii'm kao waa ae,” se nigeke.

Edaseo Bage 4:37

Kena Yusepi wai wa'm maa ku mee mbo kipe awita-pata se. Kipe awita-pata semana ndo waa ko wa'm maa kaa awipi se kipe waa ku dopeana Yesiusi kaa yapeyaami bage mbo pi-maneke. Wa'm se awami.

Edaseo Bage 5:1

Anegisemee mbaya bage ekii'm oto kao ku kaa kabu tau koya ea na gapi mee ona aoo. Mee ona me wa ekaa da ko Ananiyasi. Ananiyasi wa'm ambii ko Seapida. Kena akaa'm maa ebanaa ku mee mbo ogiyoo kipe awita-pata semake.

Edaseo Bage 5:3

Se asemana Petadusi wa'm se asina ko “Ananiyasi woe. Ibedisi wa'm Anegisemee Dim'mba kaa yadeba taao gai se dimina me a'm dim'mba nda kakumapi sima. Kase koena wa'm kakumapi mina ku ndo yito sipe naa ya? Dee, a'm maa kaa kipe ebanaa ku a'm a kaa to koo manimape koe,” se aseke.

Edaseo Bage 5:8

Kena Petadusi wa'm se asina ko “Aka bae'm maa kaa masipea kipe, Ananiyasi wa'm mi-nepi kuwa ku otuma nepi yee? Tau yee?” se aseke. “Ku ndo daa! Ana'm maa kaa masipa kipe ku otuma kanepi,” aseke.

Pidipi 2:3

Waya wada nda mina ona me ko me se de. Mee'm emaa misi kaa ogu bage ku mbeedi, a ndo ebo ae se desi na se kao ku mbeenaa kaa miya si awaae. Waya a'm awake ku a kaa to apaao kan awake kipii kindo ko me nde miya si awaae. Ku se ku si awana “Ogu bage ku ebo. Ni ko mbeedi ae,” se dimina da ku ndo yaa mu-mu taae, me ona.

1 Timotiusi 6:10

Kipe kaa embaake se dimina me ko me ese se-peu we-peu aoo kiyaambea se dimina da mugo dodo. Dee, ebanaa bage ekii'm awamea ku se de. Ekii kipe kaa embaake se dimina da me ndo yaa mu-mu se kumana Anegisemee kaa ndumbo mina ku kaa duwa matana kipe ku kaa kiyoo ndo nigi si pe se. Ku kaa nigi si pe sita mugo ndoe, ku mbeenaa yado'm masewena ekii kaa to nugemake mugo dodo. Ekii'm kipe kaa dimoke ku ekii kaa to ese bodi ababa siyaapea koena. Ese dimina bodi mike ebata tau. Ebanaa bage ekii'm se awamea se dema.