Edaseo Bage 27:7 - Anegisemee'm Mina Kapuge

⁷ Me kuma me kaa tomu sita mugo ndoe uwo daii nda peta se. Peke ko peke koya bo pupu si namaaniyaake kumana mani peke sekii tau. Bo pupu si namaaniyaake kumana kuma dota se bage ku ese kinu-panu kan aii nigee ndo se dotaina onu oba mugo omana Kenidusi okaa yoo pasi kaa pemake. Kiyoo pemagea ndoe waya ndumbo ndo peao gai koya aii bada ndo. Bo pupu ku waya si namaaniyaake kumana iyo. Ku kindo ko enii'm peao kan sipea yoo wisin'tana ogiyoo Kedeta epogo maa bo etaa kii yato me nda peke. Kedeta epogo maa yau nda peta mugo ndoe Seaomone guiye apu mbeenaa pasi kaa dawaana peke.

Edaseo Bage 27:7 ပူးပေါင်းရင်းမြစ်များ

Edaseo Bage 2:11

Edoma bage ku ko kuwa ebanaa Yahudi bage. Ebanaa Yahudi bage tau koya ekii Yahudi bage'm sese yaa mu-mu nakea se bage waa. Kena Kedeta bage ku namba aoo. Adabi bage ku namba aoo. Enii ko enii ku bage bage oba koya Gadidea bage ku mina eneke se dodo ndoe enii otuma enii'm mina ebe kaa yegea! Ekii Anegisemee wa'm eduga abayai awami-awami se mina ku nanige-manigea se dodo me kaa enii otuma yeao sekii!” aseke.

Edaseo Bage 27:21

Ku semai ndoe enii noke kao nona dai kaa waa ko waya mani si noke. Noke kao waya mani si noke se takea se dodo waa ko Paudusi wai ekii egi kaa inewena se asina ko “Eki mee waa woe. Ni'm eduga ‘Kedeta epogo maa kaa kam si peae,’ se kasima mina kuwa ku dama nayito taao daan sipea,” aseke. “Ni'm mina nayito se waa, me kuma me si kawida-pada siyaa. Se-kao we-kao ku uwo kaa si wato-patona si woo-woo siyaa,” aseke.

Edaseo Bage 27:4

Pi-dewena kuma da kaa waya pakaaniina ndo waa ko maakaa uwo daii nda waya peke. Waya peta, peta mugo ndoe, enii'm peao kan sipea yoo Sipedusi epogo maa kaa miyo kiyoo bo pupu ku mbeenaa oyu kumana iyo. Nda peke sekii tau. Me nda peao kan sipea ku wisin'tana Sipedusi epogo maa wado bo pupu mbeenaa etaa kumana me nda taimidona peke.

Titusi 1:12

Eduga ko Kedeta epogo maa me kaa kiyoo tomi se mee to ona aoo. Ese dim pame nomata se mee to me ko. Kena mee me me, wa'm ekiikinaa bage kaa ekii kaa to asimi se mina me ko me se de, “Kedeta bage enii ko enii'm sese ku se de: Enii Kedeta bage enii ko omiyaa siyaa ku ndo dimi dawoo nakea se bage waa, me ona. Ona me ko enii ese yóo, dimi peu se emii waa ku'm sese mugo dodo se awawoo nakea se bage waa, me ona. Ona me ko ese yambayaa kan aii namo ndo nowoo nakea se bage waa, me ona. Ku wido kuwa ku Kedeta bage enii'm sese,” se asimi.

Titusi 1:5

Titusi woe, ni'm eduga Kedeta epogo maa me kaa kabatama me ko me ana'm ndanda ku otou wandetaan tau yoo, ku se ku dano kiyaase na, “Si meae,” se kasima, me ona. Ona me ko Kedeta epogo maa me kaa kiyoo okaa yoo oba aoo. Kena ku okaa yoo ku nda togea se Yesiusi kaa andagatake bage waa ku nde miya oba aoo. Ku kindo ko ku okaa yoo en'ndo otuma ku kaa kiyoo Yesiusi mbaya bage wado ebo dito se bage waa, penatuwa bage kuwa ku wa-nini wenimana mbembo sise na “Si meae,” se kasima, wiya. Ku wiya ku awawoo sise na “Ni mba nda si meae,” se kasima. Ku kindo ko penatuwa bage waa ku wa-nini wenimana ebo yambeasise na ni'm eduga katupima mina ku dodo ndo awaae.