Edaseo Bage 27:4 - Anegisemee'm Mina Kapuge

⁴ Pi-dewena kuma da kaa waya pakaaniina ndo waa ko maakaa uwo daii nda waya peke. Waya peta, peta mugo ndoe, enii'm peao kan sipea yoo Sipedusi epogo maa kaa miyo kiyoo bo pupu ku mbeenaa oyu kumana iyo. Nda peke sekii tau. Me nda peao kan sipea ku wisin'tana Sipedusi epogo maa wado bo pupu mbeenaa etaa kumana me nda taimidona peke.

Edaseo Bage 27:4 ပူးပေါင်းရင်းမြစ်များ

Mandiusi 14:24

Se asetoo nai se dodo me kaa ko wa'm tupinaa se bage ekii'm tomu nakea se kuma da me ii da kaa kam ese bende pemai. Me kaa pemai ndoe ekii'm peao kan sipea yoo iyo, bo pupu mem seta kaa. Waya uwo biku-biku se ku kaa kiyoo nde miya me-embe - pe-embe siyaabuu nakea ku se ene!

Madakusi 6:48

Yesiusi wai maa kaa ndigi se dodo ndoe wa'm se dena ko “O ekii'm peembea yoo kiyoo kam bo pupu metakea yako ese nigee kinu-panu kan ndo pegea ae,” se deke. Se demana ko ekii mbo pasi kaa peao kan Yesiusi wai uwo daii nda petai, ese maa moo peyaa mugo dodo. Ese au mbimbi, yam 3 mugo uwo daii nda petai. Peta, peta, petaina ko wa'm tupinaa se bage ku kea duwaao gai koya

Dukasi 8:22

Ea na gapi Yesiusi wai wa'm tupinaa se bage mesema ekii uu daii nda kuma da nda pakaanina tomu se. Kiyoo tomu ndoe Yesiusi wa'm ekii se asina ko “Uwo ndoo da ata yau kaa pee nde,” se aseke. Se asemana ko ekii peke.

Edaseo Bage 13:4

Anegisemee Dim'mba wai “Akai pewee,” se yakumapi kumana pegea. Pegea se dodo me kaa ko endidona Sedeukiya okaa yoo yigiyoo endemake. Yigiyoo endemana uwo daii nda kuma da kaa pakaaneke. Uwo daii nda kuma da kaa pakaaniina muuna ndo waa ko maakaa uwo epopi nda em'mbee epogo maa, Sipedusi maa me kaa pemake.

Edaseo Bage 15:39

Se asemai yako akaai mina a-domoo naa-domoo nakea ku ese wa-nini kidai. Ese wa-nini kumana enda awade semake. Enda awade semana Banabasi wa ko wai Yohanesi Madakusi bada yamadona uwo daii nda kuma da kaa pakaaneke. Pakaaniina ko Sipedusi maa kaa peao kan pegea.

Edaseo Bage 21:16

Peta mugo ndoe, Kaisedea okaa yoo togea se Yesiusi mbaya bage ekii namba enii mesema peta se. Enii mesema petaina enii'm omaambea ee me kaa pi-nambeaseke. Manasioni wa'm ee kaa kiyoo pi-nambeaseke. Me Manasioni me me, me Sipedusi epogo maa kaa tomi se mee to. Ese eduga edugana se dodo nde miya Yesiusi'm mina yaa mu-mu simi mee to. Se.

Edaseo Bage 21:3

Peta, peta, peta dembea ndoe, “Oo, asiyoo ekiyaa yato kiyoo Sipedusi epogo maa deo ae,” se nigeke koya si endaaneke. Aii mu, mu, muuna Sidiya maa kaa Sidusi okaa yoo me kaa pemake. Sidusi okaa yoo me ko me kuma dota se bage ekii'm se-kao we-kao dopea ku maa yoo domoo taambea yoo kumana kiyoo pemake.

Edaseo Bage 27:7

Me kuma me kaa tomu sita mugo ndoe uwo daii nda peta se. Peke ko peke koya bo pupu si namaaniyaake kumana mani peke sekii tau. Bo pupu si namaaniyaake kumana kuma dota se bage ku ese kinu-panu kan aii nigee ndo se dotaina onu oba mugo omana Kenidusi okaa yoo pasi kaa pemake. Kiyoo pemagea ndoe waya ndumbo ndo peao gai koya aii bada ndo. Bo pupu ku waya si namaaniyaake kumana iyo. Ku kindo ko enii'm peao kan sipea yoo wisin'tana ogiyoo Kedeta epogo maa bo etaa kii yato me nda peke. Kedeta epogo maa yau nda peta mugo ndoe Seaomone guiye apu mbeenaa pasi kaa dawaana peke.

Edaseo Bage 4:36

Kena mee ona aoo. Mee ona me wa ekaa da ko Yusepi. Wa'm taii to ko Ndewi taii. Wa'm one yadamea yoo ko me Sipedusi epogo maa mee kaa kiyoo one yadamea. Kena Yesiusi kaa yapeyaami bage ekii'm Yusepi ekaa manina ko Banabasi se ekaa maneke. Banabasi se ekaa da ekii ebe kaa kipii “Mee'm dimina da nda yatakuniyaake mee to,” se asiyaa mugo dodo.