Edaseo Bage 24:9 - Anegisemee'm Mina Kapuge

⁹ Se aseke se dodo me kaa ko wa mbaya se Yahudi bage kuwa ekii namba se asina ko “Mike, wa'm kasipi mina ku ese mike mina waa,” se aseke. “Paudusi wa'm peu-pau awanaa simi sese ku enii namba dito sima,” se asigea.

Edaseo Bage 24:9 ပူးပေါင်းရင်းမြစ်များ

Yohanesi 8:44

“Ni'm kaseao kan sipa mina me ko me se de. Eki'm okaa naamee me ko me Ibedisi. Me kaa kiyoo wa'm peu-pau awawoo taao kan sipi ku ko, ku eki'm awaao gai se kao waa kui,” aseke. “Dee, wa'm sese ku se de. Ona me ko wai ese eduga edugana kam ata, mee tuma kaa bage boyaabuu-payaabuu siwoo nai se mbaa misi, me ona. Ona me ko wa nduwawe kiyoo mike mina ona kaa miya emi tau se mbaa misi, me ona. Kum seta kaa, mike mina waa ku wa'm nigi si pe taao be se mina waa. Waya na kiyaa wa'm sese dimina me kaa kiyoo kam mbae da mina waa ku ndo eniwoo nai,” aseke. “Ibedisi wa ko wai ese dim dai aoo se mbaa misi. Kena wa mbo kam aoo kiyaabuu nai se mina waa ku otuma mbae da mina waa ku ndo. Ku kaa kiyoo mbae da se mina en'ndo otuma ku wa'm one dawoo sipi se yopaa waa mugo dodo,” aseke.

Edaseo Bage 24:8

Yadopeana pemana ndo waa ko Disiasi wa'm se nasina ko ‘Paudusi wa'm peu-pau awapi mina ku kaa mina daao gai kipii, ogiyoo Pedikisi mbo pi-aseae,’ se nasimi. Ku kumana endo ko Paudusi wa'm peu-pau sipi mina kasipa kuwa ku mike mina ee? Mbae da mina ee? Ku a'm ndo yandamaao sekii. A'm bubeke mina ku kaa wa kaa to ndo kanige-maniimbi,” aseke. Teotudusi wa'm se aseke.

1 Teseadonika 2:16

Ku ekii'm beake kumana enii ko enii Yahudi tau se bage mbo dama tosi na mina eneao gai se dodo me kaa ko ekii nabeake ndo. Yahudi tau se bage ekii'm woo-woo se kaa si em yadan ndo omiwoo towoo tosi na se mina ku eniinka ae se dodo ndoe, ku mugo Yahudi bage ekii “Tau de! Ku si awaae!” se nasimea. Ekii'm se naawawoo sipea kumana mbeenaa ndo woo-woo sipea se ku tau. Aii omiyaa siyaa ku ndo ekii'm woo-woo se kam wado woo-woo se ku uketoo semuu nakea. Ku kaa kiyoo Anegisemee wa'm ekii kaa yima kiki ku ese mike asiyoo kidai! Kiyoo kam ni'm nigina ko Anegisemee wa'm “Ebata! Ku Yahudi bage ku kaa mike em yadaamba ndeo!” se asiimbi mbutu da ukipi ae, se nigeo.