“Kodasim okaa yoo me nda togea bage waa ku nuwa, Betaida okaa yoo me nda togea bage waa nuwa, ni'm eki kaa ‘Ka! Ka! Widaa ndeo! Be, be as!’ se kanigeo,” aseke. “Kase enta mugo ndoe, ni'm eki mbo ese abayai mee'm awaao kana se kao ku oba kaadeyaabuu sima koya aii bada ndo. Dim mbiseoo ndo se tutakea se kadetaka. Ku kaa kiyoo kam anikee waa eki kaa em kadaasi yoo me ese wa-nini kaasi. Ku kaa ‘Be, be, aa-oo. Wai, wai, peeto!’ se kanigeo,” aseke. “Ese edugana ko Sidusi okaa yoo nuwa, Sidoni okaa yoo nuwa, ku nda tomea bage waa ku ese dim peu se bage waa. Ku ese dim peu se bage tomea koya ni'm abayai awawoo se kao ku ekii mbo yaadeyaake waa, ekii'm woo-woo se ku mani mbana-mbeasiyaa. Waya ekii'm woo-woo se kaa dim bodi kan peu se duka mata-pata semana au ku ekii moo kaa ekii kaa to pawita siyaa,” aseke.
Edaseo Bage 21:3 - Anegisemee'm Mina Kapuge3 Peta, peta, peta dembea ndoe, “Oo, asiyoo ekiyaa yato kiyoo Sipedusi epogo maa deo ae,” se nigeke koya si endaaneke. Aii mu, mu, muuna Sidiya maa kaa Sidusi okaa yoo me kaa pemake. Sidusi okaa yoo me ko me kuma dota se bage ekii'm se-kao we-kao dopea ku maa yoo domoo taambea yoo kumana kiyoo pemake. အခန်းကိုကြည့်ပါ။ |
Edaseo Bage 21:3
22 ပူးပေါင်းရင်းမြစ်များ
Kena wa'm se awawoo nai se mina ku mee'm donaa asinaa nakea. Donaa asinaa sita mugo ndoe Gadidea maa kaa kam kise Sidiya maa en'ndo otuma odeeniyaabuu sipea. Kena wa kaa mina ku yemagea yako ekii'm awana ko se-kee we-kee aoo se bage ku nuwa, bodi ababa se aoo se bage ku nuwa, mbaa epuyiba aoo se bage ku nuwa, buwa mbata siyaabuu nakea se kee aoo se bage waa ku nuwa, bado owita se bage waa ku nuwa, ku se ku Yesiusi mbo pi-yambembo se. Yesiusi mbo pi-yambembo semana ko ekii'm si maaneke ku otuma Yesiusi wa'm yaadano kiyaabuu nai.
“Ku kaa kiyoo Kodasim okaa yoo me nda togea bage waa ku nuwa, Betaida okaa yoo me nda togea bage waa ku nuwa, ni'm eki kaa ‘Ka! Ka! Widaa ndeo! Be, be as!’ se kanigeo,” aseke. “Kase enta mugo ndoe, ni'm eki mbo ese abayai mee'm awaao kana se kao ku oba kaadeyaabuu sima koya aii bada ndo. Dim mbiseoo ndo se tutakea se kadetaka,” aseke. “Ku kaa kiyoo kam anikee waa eki kaa em kadaasi yoo me ese wa-nini kaasi,” aseke. “Ku kaa ‘Be, be, aa-oo. Wai, wai, peeto!’ se kanigeo,” aseke. “Ese edugana ko Sidusi okaa yoo nuwa, Sidoni okaa yoo nuwa, ku nda tomea bage waa ku ese dim peu se bage waa. Ku ese dim peu se bage tomea koya ni'm abayai awawoo se kao ku ekii mbo yaadeyaa waa ekii'm woo-woo se ku mani mbana-mbeasiyaa. Waya ekii'm woo-woo se kaa dim bodi kan peu se duka mata-pata semana aupuu kaa animayaa,” aseke.
“Kena ku ekaa da waa ku wudumei sisi na aii okaa yoo ku kaa tau nde. Mee en'ndo otuma ekii'm eedoo bage'm tomea okaa yoo waa ogiyoo me kaa pi-wudumei taae,” se aseke. Kaiseda Agusitusi wa'm “Mee en'ndo otuma ekaa da waa wudumei taae,” se aseke me ko me Edoma bage ekii'm eduga awaan tau se kao. Me gado me kaa wado ndo se awawoo se se kao. Kena ese eduga edugana awami se dodo me kaa ko Sidiya maa wado ebo toke se gubenuda wa ekaa da ko Kideniusi.
Eduga ko Sipanusi yambatumamea se dodo me kaa ko Yesiusi kaa mina beake se bage waa ekii'm Yesiusi'm mina yaa mu-mu nakea se mbaya bage, ku kaa ese peu, ese bodi se kao yaawanaa simea. Ese peu, ese bodi yaababa siyaabuu nakea se dodo me kaa ko Yesiusi mbaya bage waa ekii oomea. Oona ko ebanaa ese bende ese Penisiya maa kaa mugo pemea. Ebanaa Sipedusi maa kaa pemea. Ebanaa An'diokiya okaa yoo me kaa pemea. Ku bende maa kaa oogea se dodo ndoe, ekii Yesiusi kaa mina ku Yahudi bage ekii mbo ndo yanige-mane si pe nakea.
Hedodesi wa ko wai Sidusi bage nuwa, Sidoni bage nuwa, ku kaa ese yima kiki kimi. Wai ekii kaa ese yima kiki kumana ko ekii'm nigina ko “Yai Hedodesi wa'm ebo toke maa me ko me enii'm noke kao masiwee se yoo dodo. Ku kindo wa'm yima kiki ku si ta keke waa, anikee waa namo apuu kaambea ee? Tau ee?” se nigeke. Namo apuu omeke ku kaa widaana “Mina dake bada ae,” se nigeke. Ku se ku nigimana ku mbaya bage ekii Hedodesi mesema mina data taao kan ukeke. Kiyoo ukimana ko eduga edugana ekii Bedasetusi mesema mina dake. Me Bedasetusi me me, me Hedodesi wa'm em'mbee ee yaadito se mee to. Me mbo pemana wa kita mina dake. Wa kita mina damana Bedasetusi wa namba ekii mbaya bage keke. Ekii mbaya kina ko “Hedodesi woe, a enii mesema apoeao kan mina daa nde,” se aseke.
Anegisemee Dim'mba wai “Akai pewee,” se yakumapi kumana pegea. Pegea se dodo me kaa ko endidona Sedeukiya okaa yoo yigiyoo endemake. Yigiyoo endemana uwo daii nda kuma da kaa pakaaneke. Uwo daii nda kuma da kaa pakaaniina muuna ndo waa ko maakaa uwo epopi nda em'mbee epogo maa, Sipedusi maa me kaa pemake.
Ku akaa wiya wa-nini wenimana yapeyaake se dodo me kaa ko ekii'm wudumapea kapuge me namba dopeana pegea. Me kapuge me kaa wudumapea mina ku ko ku se de. “Aba! Me kapuge me kaawudumapa bage enii ko enii Edaseo bage mesema penatuwa bage mesema enii'm kaawudumapa. Enii, eki mesema Yesiusi kaa eniikinaa bage waa. Me kapuge me ko me Yahudi tau se Yesiusi mbaya bage eki tao kapuge. An'diokiya okaa yoo togea se Yesiusi mbaya bage ku nuwa, Sidiya maa kaa togea Yesiusi mbaya bage ku nuwa, Kidikiya maa kaa togea se Yesiusi mbaya bage ku nuwa, ku kaa togea Yahudi tau se Yesiusi mbaya bage eki tao kapuge eewee. ‘Aba, aba, aba,’ se kaseo.
Ku semana ndo waa ko Paudusi wai Kodintusi okaa yoo kam mani si peke. Kisena ndo waa ko Sidiya maa kaa peao gai kumana nakayoo togea Yesiusi mbaya bage ku batana peke. Peke se dodo me kaa ko Pedisikida mesema Akawida akaa bae namba wa mesema peke. Peta, peta, petaina Ken'kedea okaa yoo me kaa pemake. Ken'kedea okaa yoo pemana ko uu daii nda kuma da kaa pakaaniinki ae se dodo ndoe, wa'm edoyoo ku boeke. Wa'm edoyoo boeke se dodo me kaa aii se boeke se ku tau. Paudusi wa'm eduga wa kaa to tamaao eo se mina asimi. “Anegisemee woe, ni'm kasipa mina ku mike awaata ndeo,” se mina asimi kumana ku uwa pana desi na edoyoo boeke. Edoyoo boemana ndo waa ko wai Akawida bae mesema uu daii nda kuma da kaa pakaaniina peke.
Peta mugo ndoe, Kaisedea okaa yoo togea se Yesiusi mbaya bage ekii namba enii mesema peta se. Enii mesema petaina enii'm omaambea ee me kaa pi-nambeaseke. Manasioni wa'm ee kaa kiyoo pi-nambeaseke. Me Manasioni me me, me Sipedusi epogo maa kaa tomi se mee to. Ese eduga edugana se dodo nde miya Yesiusi'm mina yaa mu-mu simi mee to. Se.
Pi-dewena kuma da kaa waya pakaaniina ndo waa ko maakaa uwo daii nda waya peke. Waya peta, peta mugo ndoe, enii'm peao kan sipea yoo Sipedusi epogo maa kaa miyo kiyoo bo pupu ku mbeenaa oyu kumana iyo. Nda peke sekii tau. Me nda peao kan sipea ku wisin'tana Sipedusi epogo maa wado bo pupu mbeenaa etaa kumana me nda taimidona peke.
Kena mee ona aoo. Mee ona me wa ekaa da ko Yusepi. Wa'm taii to ko Ndewi taii. Wa'm one yadamea yoo ko me Sipedusi epogo maa mee kaa kiyoo one yadamea. Kena Yesiusi kaa yapeyaami bage ekii'm Yusepi ekaa manina ko Banabasi se ekaa maneke. Banabasi se ekaa da ekii ebe kaa kipii “Mee'm dimina da nda yatakuniyaake mee to,” se asiyaa mugo dodo.