Edaseo Bage 10:3 - Anegisemee'm Mina Kapuge

³ Kena, ea na gapi ko yam 3 mugo Konediusi wai iya-iya da kaa se dena ko Anegisemee'm epo wado mee to ona deke. Deke se dodo ko epo wado mee to wai Konediusi mbo pasi kaa meke. Pasi kaa memana se asina ko “Konediusi woe,” aseke.

Edaseo Bage 10:3 ပူးပေါင်းရင်းမြစ်များ

Mandiusi 27:46

Yam 3 wadimai se dodo me kaa ko Yesiusi wai ese mina ebo se woena ko “Edoi, Edoi, ndema seabakitani?” se mina woeke. Me mina me enii'm ebe kaa mina aseke kipii kindo ko “Ni'm Anegisemee woe, ni'm Anegisemee woe, a kase koena nagimitape naa ya?” se asiyaa mugo dodo.

Dukasi 1:11

Tapato ku Yahawee mbo se asetaagea se dodo me kaa ko esimba nda Anegisemee'm epo wado bage ona me ko wai Sekadiya mbo agidimai. Agidimai se dodo me kaa ko ese eponu aoo se nuwee bidea yitaasi na yoo, me kaa kam meyaa yato me kaa agidimai.

Dukasi 2:13

Se asemana ko ea na dembea ndoe me epo wado mee me mbo agidimana ko waya epo wado bage kooda waa ku nde miya agidimagea. Ese kooda waa agidimagea ndoe ku Anegisemee kaa yapapa taao kan ekii'm se enina ko

Edaseo Bage 10:17

Asiyoo epo wado watana ko Petadusi'm nigina ko “Ni'm iya-iya da kaa depa me ko me kase bage kao ee?” se nigi si pe se. Wa'm se nigi si pe se se dodo me kaa ko ogiyoo Konediusi wa'm yapeyaami bage ekii'm “Simoni wa'm ee me kayoo?” se ku epi kipea se dodo me kaa ko wa'm ee me kaa memagea. Wa'm ee me kaa memana ko yau-yau eda gine kaa tomu ndoe

Edaseo Bage 10:19

Se aseke se dodo me kaa ko ogiyoo Petadusi wa ko wa'm iya-iya da kaa depi mina ku kaa nigi si pe se. Ku kaa nigi si pe sita mugo ndoe Anegisemee Dim'mba wa'm Petadusi se asina ko “Simoni woe. Ekii wido bage ku a kaebinaa taao kan ukipea,” aseke.

Edaseo Bage 10:30

Se asemana Konediusi wa'm asina ko “Onu wui om'pa kuwa ni'm ee nda Yahawee asetaama. Mbeenaa endo mugo dodo. Yam 3 mugo, ni Yahawee asetaama. Yahawee asetaata mugo ndoe kuhai-kuhai ni egi kaa kiyoo mee ona aoo kidai. Wa'm manaa se kao ku ese wiki-wiki nai se dema.

Edaseo Bage 10:9

Se asemana ko ekii wido peke. Mu, mu, mu maa kaa omake. Omai tukuma mu, mu, mu mbeenaa daamee epopi se dodo me kaa Yope okaa yoo pasi kaa pemagea. Pasi kaa pemapea koya ekii wido ku Petadusi mesema ade taan tau yoo mbeenaa ogiyoo Petadusi wa ko wai ee wado tadi kaa pakaaneke, Anegisemee mbo asetaao kan.

Edaseo Bage 11:13

Wa'm ee nda pi-ndemina ko mee me me wa'm se nasina ko ‘Epo wado mee to ni'm ee kaa memana se nasina ko “Mee waa ogiyoo Yope okaa yoo yapeyaae, Simoni Petadusi bada kaamawesi nde.

Edaseo Bage 27:23

“Ni'm yapapa naka se Anegisemee me ni'm epomee. Kena ndee se dodo me kaa ko me Anegisemee me me wa'm epo wado mee to ona ni mbo pasi kaa kiyoo inewena tai se depa,” aseke.

Edaseo Bage 3:1

Yahudi bage ekii'm sese ko omiyaa siyaa yam 3 mugo Yahawee asetaake se awawoo simea. Ku kumana ko ea na gapi, yam 3 se dodo me kaa ko Petadusi mesema Yohanesi akaai Yahawee'm ee kaa peke.

Edaseo Bage 5:19

Me nda pi-mbeasipea koya odi waa, ndeemaa se dodo me kaa ko Anegisemee'm epo wado bage ona ukii. Ukimana ko ekii'm peniyada ee gine ku wadita-pata se. Wadita patana bada madona yoo kaa yapeaniyaake.

Edaseo Bage 9:10

Kena Damesiki okaa yoo me kaa mee ona aoo. Mee ona me ekaa da ko Ananiyasi. Wai Yesiusi'm mina kaa “Mike ae,” se nigimana dama yaa mu-mu nai se mee to. Kena Ananiyasi wa mbo Tuhani wai iya-iya da kaa ukii. Iya-iya da kaa ukii se dodo me kaa ko Tuhani wa'm asina ko “Ananiyasi woe!” aseke. “Woe! Tuhani, ni nakayoo aoo,” aseke.

Edaseo Bage 9:4

Ao da ku aoo kidai ndoe maa nda mbato. Maa nda mbato ndoe mina se yena ko “Seaudusi woe. Seaudusi woe. A kase koena ni kaa ese peu-pau naawawoo nae?” aseke.

Ibedani 1:14

Waya na kiyaa, epo wado bage en'ndo otuma ku Anegisemee wa'm wa kaa wa tao ndanda yaawanaa se se bage waa. Ku maa buboo emi tau. Aii dim'mba ndo se bage waa. Kena Anegisemee wai wa'm epo wado bage yapeyaabuu sita mugo ndoe, ekii mee tuma kaa bage tao dama tosi na se kao pi-yaawawoo nakea se dim'mba waa. Ku koya mee en'ndo otuma ekii kaa ekii tao yapeyaake se ku tau. Ekii'm dama pi-yaawawoo nakea bage waa ku woo-woo se kaa em si yadan ndo omiwoo towoo taasea se bage waa. Ku mugo bage waa ku kaa ku tao dama tosi na se kao pi-yaawawoo nakea. Se. Dee, Anegisemee Yombai wai ese asiyoo. Epo wado bage ku ese miyo. Se kaseao kan sipa.

Ibedani 1:4

Se awata mugo ndoe Anegisemee wai Wayombai wa ekaa da ebo yambeana ese asiyoo wa-nini se yatoyaami. Epo wado bage waa ekii ekaa da waa ku Anegisemee'm ebo yambeasiin tau. Ekii'm toke yoo ku nde miya mbeedi. Anegisemee Yombai wa ndo ese ebo kam ebo yakiyaami.