1 Kodintusi 11:7 - Anegisemee'm Mina Kapuge

⁷ Waya wada nda ambii waa ekii mee'm egi kaa kiyoo Anegisemee mbo asetaake se dodo ndoe moo kaa bobaa kao make kipii kindo ko me ekii'm yimee ekaa da ebo kiyaasi na sese kumana me maaneke. Ku koya mbayuwaa'm sese wa-nini. Moo kaa bobaa kao si make bada. Kase enta mugo ndoe, mbayuwaa ku Anegisemee wa'm sipi mugo yaanegi semami se bage waa kumana. Waya kiyoo kam Anegisemee'm ebo toke sese deao sekii se bage waa. Ku kumana Anegisemee mbo asetaake se dodo ndoe, moo kaa bobaa kao si make kipii kindo ko me Anegisemee ekaa da ebo kisi na se sese kumana me maaneke, mbayuwaa ekii'm se awake kindo.

1 Kodintusi 11:7 ပူးပေါင်းရင်းမြစ်များ

1 Kodintusi 11:3

Ku kaa kaapake koya waya wadobo kanige-maneao gai se mina me ko me se de. Ambii ku ko ekii'm moo se bage waa ku ekii'm yimee waa. Kena mbayuwaa en'ndo otuma ekii'm moo to me Keditusi. Kena Keditusi wa'm moo wado moo to ko me Anegisemee. Ku se ku dama nigi simaae.

Yakobusi 3:9

Waya wada nda ebanaa gado enii'm ebe ku enii'm ebo toke se Tuhani wa kaa yapapa se, enii'm Naamee me me. Yibanda kiyaa, ebanaa gado enii'm ebe ku mee kaa yawisineke, Anegisemee wa'm sipi mugo dodo anegi semami se bage ku kaa yawisineke kidai.

2 Kodintusi 8:23

Kena Titusi wa ko wai ni mesema dipinimai yako ndanda yaa mu-mu nai se mee to. Ku kaa kiyoo wai ni mesema eki tao maanisi na se ndanda kaa-awawoo naka. Kena Titusi mesema pegea se Yesiusi kaa eniikinaa bage akaa wiya kasipa kuwa akaai nakayoo Yesiusi kaa andagatagea bage ekii'm yapeyaamea se bage akaa wiya. Aii se yapeyaamea se ku tau. Ekii'm eki mbo kaseao gai se mina ku dopeana pi-kanige-manesi na yapeyaamea. Kena akaa'm sese ku dena ko mike Keditusi ekaa da ebo mbeana yapapa taao ndo bada ae se nigisi na sese waa se deo.