Tito 3:9 - Nuevo Testamento Tzeltal de Amatenango

⁹ Pero koma te kꞌopetik te jowil naxe, te skuentoal nax te antiboetike, sok te tsaltomba pleto kꞌopetik yuꞌun te tutꞌil ay te mantaliletik yuꞌun te jMoisese. Jaꞌ te tutik ma xtuun y te maꞌyuk sluwarile.

Bible in Tzeltal Bachajón

⁹ Pero ma me xawac' aba a te tentamba ta c'op te mayuc scuentahil, te xtiq'uet ta halel bihililetic yu'un ts'umbalil, tijtamba c'op soc shach c'op ta scuenta te Ley, como ma xtuhun soc mayuc bin ya xloc' a.

Bible in Tzeltal de Oxchuc y Tenejapa

⁹ Ijq'uitaya jilel ta bay jontol sjaq'uel c'opetic, soc te sc'oplal te antiguo me'il-tatiletique, soc ta bay jowil tsaltomba c'op ta swenta te mandalil yu'un te Moisese, te xujt' ma'yuc sc'oplale soc te ma'yuc swentail ta spisil.

Tito 3:9 ပူးပေါင်းရင်းမြစ်များ

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

1 Timoteo 4:7

Pero ma me awakꞌ ta jkuenta te kuentoetik skuenta balmilal te jowil naxe. Kꞌayesa me aba ta xchꞌuunel te Diose.

2 Timoteo 2:14

Aꞌbeya snaꞌik to te machꞌatik akuentaineje, y altalanbeya ta skuenta te Kajwaltike aꞌ sjilesik ta yalulanel te puru kꞌop aꞌbiyejetike sok te puru tsalaw ta kꞌope te maꞌyuk tut ya xlokꞌ aye. Te tut ya spasike jaꞌ nax ya yixlan te machꞌatik ya yaꞌiye.

2 Timoteo 2:16

Koma te kꞌop aꞌbiyejetik te skuenta nax balmilal te ma xtuune. Porke te machꞌatik jich ya yalike, yanyan ta chꞌayel te xchꞌuunel Dios yuꞌunike.

2 Timoteo 2:23

Ma me awakꞌ ta jkuenta te kꞌopetik te maꞌyuk sluwaril sok te jowil naxe. Anaꞌojix te jaꞌ nax ya slikes kꞌope aye.

Tito 1:14

Jich me makꞌ ya yakꞌik ta jkuenta a te kuentoetik te jich nax nopbil yuꞌun te juriyoetike, ni te tut ya yalik ta mantal te machꞌatik yakꞌoj ta spat te tut batsꞌi jiche.

Santiago 4:1

¿Ba ya xtal te pletoe y te ya awut abaike? ¿Meꞌn ma jaꞌuk te tutik ma lekuk ya skꞌan awoꞌtanike te sil tiempo yipal ya sujexe?