Tito 3:8 - Nuevo Testamento Tzeltal de Amatenango

⁸ Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Bible in Tzeltal Bachajón

⁸ Ha stojil c'op ini, soc ya jc'an te tulan sc'oblal yac awa'be sna'ic, scuenta yu'un te mach'atic sch'uhunejic Dios ya me ya'telinic spasel lequil a'teliletic, te ha lec soc te ya xtuhun yu'un te ants-winiquetique.

Bible in Tzeltal de Oxchuc y Tenejapa

⁸ Mero smelelil in c'op to, soc ya jc'an te ja' ya awat'elin yalel spisil ora ta stojol te mach'atic xch'uunejic te Diose, swenta yu'un jich me ya yat'elinic spasel spisil te bila lec ta pasele. Melel ja' lec te jich ya spasique, soc ja' ya xtuun yu'un spisil ants-winiquetic.

Tito 3:8 ပူးပေါင်းရင်းမြစ်များ

San Mateo 20:4

La yaltalanbe: “Baanik ta aꞌtel te ba ay te kubailtike. Ya jtojex te tutꞌil ya apasik ganare”, xyut. Y laj bajt ta aꞌtel.

San Juan 12:44

Te Jesuse tulan a kꞌopoj, jich a yal: —Te machꞌa ya xchꞌuunone ma joꞌukon nax te ya xchꞌuunone; jaꞌ ya xchꞌuun euk te jTat te la stikonon tale.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

Hechos 12:15

La yalbeyik te achꞌixe: —Yuꞌun xjowiyat —xyutik. Pero te achꞌixe la yal te batsꞌi jiche. La yalik spisilik: —Ma stukeluk. Jaꞌ wan te chꞌul ángel te joyinbil yuꞌune —xchiik.

Romanos 4:5

Pero teme ay machꞌa ya xchꞌuun te Diose, te libre ya yakꞌ yuꞌun smul te jmulawile, jaꞌ toj ya ilot yuꞌun Dios yuꞌun te xchꞌuunel yoꞌtane, aunke maꞌyuk tut spasoj te chapal a kꞌot yuꞌune.

2 Corintios 4:13

Te Sjun Diose ya yal: “Jich jchꞌuunej, y jaꞌ yuꞌun ya kal”, xchi me. Jichotik me euk te joꞌotike, jich mismo xchꞌuunej koꞌtantik, jaꞌ yuꞌun jich ya kaltik.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

1 Timoteo 2:8

Jich yuꞌun, ya jkꞌan te ya skꞌoponik Dios ta spisil te winketik ta bayuk naxe, y te ya stoy skꞌabik ta stojol Dios te maꞌyuk tut ay ta yoꞌtanik y ma me ayuk iliꞌba ni pleto yuꞌunik.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

Tito 1:9

Ya skꞌan te yakꞌoj ta yoꞌtan te skꞌoplal te batsꞌi jich a aꞌbot snope, yuꞌun jich me ya xjuꞌ ya yaꞌbe spuersa yoꞌtan ekꞌa te yanetik sok te lekil nojpesele, y jich me ya xjuꞌ yuꞌun skomel te machꞌatik ya xkontrainwan ta kꞌope.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Tito 3:1

Akꞌtalanbeya snaꞌik te ya yakꞌik ta jkuenta te gobiernoe y sok te juꞌeletike. Yauk me xchꞌuunik mantal, y siluk me tiempo chapal ta spasel te tut leke.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Filemón 1:11

Te ay kꞌaale, te jꞌOnésimoe jaꞌ amoso te ma xtuun awuꞌune. Pero te ora to, ben lek ya xtuunix awuꞌun y sok ya xtuun kuꞌun.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.