Tito 3:5 - Nuevo Testamento Tzeltal de Amatenango

⁵ La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

Bible in Tzeltal Bachajón

⁵ la scoltayotic, ma ha'uc yu'un te lec ca'tel jpasojtic, ha nax ta scuenta sc'uxul yo'tan, ta scuenta te poquel yu'un cha'ayinel soc ta scuenta te ach'ubtesel yu'un te Ch'ul Espíritu.

Bible in Tzeltal de Oxchuc y Tenejapa

⁵ Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Tito 3:5 ပူးပေါင်းရင်းမြစ်များ

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Lucas 1:50

Ya me skꞌuxutay spisil ta jkaj te genteetik teme ya xꞌakꞌot ta jkuenta yuꞌune.

San Lucas 1:54

La skoltay te jtejklum Israel te yaj-aꞌtele, y ma chꞌay ta yoꞌtan te ya to xkꞌuxutaye.

San Lucas 1:72

Yaloj te ya xkꞌuxutay te antibo jmeꞌjtatike, sok te ma xchꞌay ta yoꞌtan te chꞌul trate yaloje.

San Lucas 1:78

Porke te Dios kuꞌuntike, ta skuenta te slekil yoꞌtane, ya yakꞌ lokꞌuk tal kꞌalal ta chꞌulchan te machꞌa ya yakꞌ sakubuk kꞌinal ta jtojoltike.

Romanos 11:14

Yipalon ta sleel tutꞌil xlijk jbikꞌtatesbey yoꞌtanik ta atojolik te machꞌatik jtsꞌumbale, yuꞌun jich me ya staik ekꞌa te kolele.

Romanos 11:6

Teme jaꞌ ta skuenta nax te slekil yoꞌtan te Diose, ma jaꞌukix ta skuenta te tut juꞌem yuꞌunik spasele. Porke te jaꞌuk ta skuenta te ay tut juꞌem yuꞌunik spasele, ma jaꞌuk kꞌuxutaybilik yuꞌun ta slekil yoꞌtan Dios te jichuke.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

Romanos 3:20

Porke te Diose maꞌyuk machꞌa ya yalbe te jaꞌ libre ya xkꞌot yuꞌun te xchꞌuunej te tut ya yal te mantaliletike. Yuꞌun te mantaliletike jaꞌ nax ya xtuꞌun te ya yaꞌbotik jnaꞌtik te jmulawilotike.

Romanos 3:28

Jaꞌ yuꞌun ya jnaꞌtik te Diose ya yal te libre ya xkꞌot yuꞌun smul te winik teme ay xchꞌuunel yoꞌtane. Maꞌ jaꞌuk ya sujotik ta spasel te tut ya yal te mantaliletike.

Romanos 4:5

Pero teme ay machꞌa ya xchꞌuun te Diose, te libre ya yakꞌ yuꞌun smul te jmulawile, jaꞌ toj ya ilot yuꞌun Dios yuꞌun te xchꞌuunel yoꞌtane, aunke maꞌyuk tut spasoj te chapal a kꞌot yuꞌune.

Romanos 9:11

Y antes te ma to xla ayin ae, te kꞌalal maꞌyuk tut spasojik, ni lek ni ma lekuk, Dios a albot yuꞌun te xRebecae: “Te bankilale jaꞌ me ya yaj-aꞌtelin te ijtsꞌinale”, te xꞌutote. Jaꞌ pajal sok te tutꞌil jich tsꞌibabil jilel ta Sjun Diose: “Kꞌux ya kaꞌiy ta koꞌtan te Jacobe; y te jꞌEsaue ma kꞌuxuk ta koꞌtan ya kaꞌiy stukel”, xchi me. Jich chikan ta jamal te tutꞌil stukel ay ta skuenta stsael te Diose te machꞌa ya yikꞌe sok te tut snopoj ta yoꞌtane. Ma jaꞌuk ya snaꞌbe te tut spasojike.

Romanos 9:16

Jich yuꞌun, ma jaꞌuk ya yichꞌ naꞌel tut ya skꞌan te winike ni ma jaꞌuk te yaꞌtele. Jaꞌ nax ya snop stukel Dios teme ya xkꞌuxutayotike.

Romanos 9:30

¿Tut ya kaltik yuꞌun to? Te machꞌatik ma juriyouke te makꞌ sleik te machꞌa ya yakꞌ kolele, te Diose yalojix te kolemikix yuꞌun te smule ta skuenta nax xchꞌuunel yoꞌtanik.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Efesios 2:4

Pero te Diose lom bayal slekil yoꞌtan y bayal a skꞌanotik ta yoꞌtan.

Efesios 4:23

Te jaꞌexe ya skꞌan xꞌachꞌubex sok te apensarike y sok awoꞌtanik.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Colosenses 3:10

Y awichꞌojikix te achꞌ kuxlejal, te yanyan ta achꞌubel jaꞌ to teme pajal a kꞌoex sok te Diose te la spasex, yuꞌun jich ya xkꞌo anaꞌbeyik sba ta lek.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Tito 3:4

Pero te Diose, te jKoltawanej kuꞌuntike, la yakꞌ ta ilel te slekil yoꞌtan sok xkꞌuxul yoꞌtan ta stojol te genteetike.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.

Hebreos 4:16

Jaꞌ yuꞌun junuk koꞌtantik tijilajukotik bael te ba ay snaktajib te Dios kuꞌuntik te lek skꞌanojotike, yuꞌun ya me yakꞌ xkꞌuxul yoꞌtan ta jtojoltik. Ta slekil yoꞌtan ya me skoltayotik te tut ora ya jkꞌantik koltayele.

Hebreos 6:6

Teme chaꞌyalik xane, ma xjuꞌ te ya sujtik xan ta stojol Diose. Porke jaꞌik mismo ya yakꞌik xan ta jijpanel ta krus te Xnichꞌan Diose, y sok ya yakꞌik xan ta ikꞌtinel ta sitil komon.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Pedro 2:10

Te nail to te jaꞌexe ni ma jtejklumukex; pero te ora to jtejklumexix yuꞌun te Diose. Te nail to maꞌyuk machꞌa xpichꞌukex yoꞌtan; pero te ora to pichꞌexix yoꞌtan te Diose.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.