Tito 3:3 - Nuevo Testamento Tzeltal de Amatenango

³ Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Bible in Tzeltal Bachajón

³ Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Bible in Tzeltal de Oxchuc y Tenejapa

³ Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Tito 3:3 ပူးပေါင်းရင်းမြစ်များ

San Mateo 21:29

La sjakꞌ te xnichꞌane: “Ma jkꞌan”, xchi. Pero ta patil la yakꞌ yajtal yoꞌtan yuꞌun te tuti yalbe te state, y jicha ba aꞌtejuk.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

San Juan 8:34

Te Jesuse la yaltalanbe: —Jamal ya kalbeyex: Spisil te machꞌa ya xmulawe, jaꞌ mosoimbil yuꞌun te mulile.

Romanos 11:30

Te nameye, jaꞌex te ma la achꞌuunik te Diose. Pero te ora to te juriyoetike ma xchꞌuunejikukix te Diose. Jich kꞌuxex ta yoꞌtan Dios te jaꞌexe.

Romanos 6:12

Jaꞌ yuꞌun, mame awakꞌ te jaꞌexe te sigue ya yuꞌuninbeyex mulil te atiꞌbalulik te ya xlaje, y te sigue ya sujotik ta xchꞌuunel te tut ya skꞌan yoꞌtan te jtiꞌbalultike.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Colosenses 1:21

Te jaꞌexe jyanlumex ta nail to, sok akontrainejik ta awoꞌtanik te Diose yuꞌun te tutik ma lekuk la apasike.

Colosenses 3:7

Jaꞌ te tutik la apasik ekꞌa te nail akuxlejalike.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

2 Timoteo 3:6

Porke te stukelike jaꞌ ya xꞌochik ta nantike, y ya sloꞌlayik te bol antstik te nojelik ta mulil te jaꞌ ya xꞌikꞌot bael ta spasel spisil te tut ya skꞌan yoꞌtanike.

Tito 1:16

Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Tito 2:12

Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Santiago 1:26

Teme ay machꞌa ya skuy sba te lek xchꞌuunej Diose, pero ma snaꞌ skomel te stiꞌe, stukel mismo sloꞌlayej sba, y te tut xchꞌuuneje ma baleuk a kꞌot a.

1 Pedro 1:14

Jachik tutꞌil alnichꞌaniletik te chꞌuunej mantale, ma me jichuk ya xkuxuyinex te tutik ya skꞌan awoꞌtanik te ay la apasik te nail to te ma to xꞌanaꞌbeyik sba a te Diose.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 18:2

Sok tulan skꞌop xꞌawet: —¡Jimix, jimix te mukꞌul jtejklum Babiloniae! Sujtemix ta sna pukujetik. Jaꞌ xchꞌenikix spisil ta jkaj te pukujetik te ma lekuke. Xluchtajibix spisil ta jkaj te mutetik te ma lekuke y te pꞌajbile.