Tito 3:14 - Nuevo Testamento Tzeltal de Amatenango

¹⁴ Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Bible in Tzeltal Bachajón

¹⁴ Te mach'atic pajal jch'uhunejtic Dios soc ya sc'an ya snopic spasel lequil a'teliletic ta stojol te mach'atic ay falta yu'unic, scuenta yu'un hich ay scuentahil te scuxlejalique.

Bible in Tzeltal de Oxchuc y Tenejapa

¹⁴ Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.

Tito 3:14 ပူးပေါင်းရင်းမြစ်များ

San Mateo 21:19

La yil pejt ikux te ay ta tiꞌbee, tijilaj bael teꞌa. Pero maꞌyuk sit a stabe. Puru yaꞌnimal nax ay. Te Jesuse la yalbe te ikuxe: —Ni jaymel ya awakꞌ asit —la yut. Y tsꞌin a takej te ikuxe.

San Mateo 7:19

Spisil te teꞌ te ma tsaꞌamuk site, ya yichꞌ tsꞌetel y ya yichꞌ chikꞌel ta kꞌakꞌ.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Hechos 18:3

Pajal ya snaꞌ spasel nail pakꞌ sok te jꞌAquilae, jaꞌ yuꞌun la sjoyin sbaik y jun nax a aꞌtej sok.

Hechos 20:35

Sil tiempo a kaꞌbeyex awilik te tutꞌil ya skꞌan ya xꞌaꞌtejotik ta jpisiltike, yuꞌun jich me ya jkoltatik te machꞌatik ay nesesidad yuꞌunike. Naꞌaik me te jich yaloj te Kajwaltik Jesuse: “Jaꞌ me ben tsaꞌam slekil te machꞌa ay tut ya yakꞌe ke te machꞌa ya yichꞌe”, xchi me —xchi te jPabloe.

Romanos 12:13

Koltayaik me te machꞌatik ayix ta skuenta te Diose teme maꞌyuk tut ay yuꞌune. Junuk me awoꞌtanik ya awikꞌik ochel te machꞌa ya xtal yuluꞌtayexe.

Romanos 15:28

Jich yuꞌun, te kꞌalal teme laj koꞌtan ta yakꞌel jilel entregal te majtanil takꞌine, jich me ya xlokꞌonix bael a te ya xboon ta Españae sok ya me xkꞌa kilex te jaꞌexe.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Filipenses 4:16

Yuꞌun te kꞌalal ayon ta Tesalónica ae, ma junuk nax buelta te jaꞌex la atikonbikon bael te majtanil te tuun kuꞌune.

Filipenses 4:17

Ma yuꞌunuk te jaꞌ nax te ya jkꞌan jmajtane. Te tut ya jkꞌane, jaꞌ te jaꞌex te lek ya xkꞌoex ta sit te Diose.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

2 Tesalonicenses 3:8

Ni maꞌyuk a weꞌotik ta majtanil nax. Aꞌtejotik y la jpastik puersa ta kꞌaal y ajkꞌubal yuꞌun jich maꞌyuk a kakꞌtik awokolik a te jaꞌexe.

Tito 2:8

Jaꞌ me xꞌawal te lekil kꞌop te maꞌyuk machꞌa ya xjuꞌ ya skome. Jich me ya sta kꞌexlal machꞌauk a te ya xlijk skontrainate, yuꞌun ma spas ay tut ma lek ya yalbeyate.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

2 Pedro 1:8

Porke teme ayix awuꞌunik te tutik to, sok teme yipal ta bayalajel ta awoꞌtanike, ma jowiluk nax ya xkꞌot te akuxlejale, sok ma lomuk nax te ya anaꞌbeyik sba te Kajwaltik Jesucristoe.