Tito 3:13 - Nuevo Testamento Tzeltal de Amatenango

¹³ Sok ya me awaꞌbe bael te tut ya xtuun yuꞌun ta beel te Zenas te lisensiadoe y sok te jꞌApolose. Yuꞌun jich me maꞌyuk swokolik a te ya xlokꞌik ta beele.

Bible in Tzeltal Bachajón

¹³ Coltaya ta spisil bintic ya xtuhun yu'unic te Zenas te maestro yu'un Ley, soc te Apolos, scuenta yu'un mayuc bin ya xpasotic falta yu'un.

Bible in Tzeltal de Oxchuc y Tenejapa

¹³ Soc ya me awac'bey bael sbeib te Zenas te licenciadoe, soc uuc te Apolose, swenta yu'un jich ma'yuc swocolic te ya xbeenique.

Tito 3:13 ပူးပေါင်းရင်းမြစ်များ

San Mateo 22:35

Ay teꞌa jtul fariseo te maestro yuꞌun te mantaliletike la yilbe yoꞌtan te Jesuse y la sjojkꞌobe:

San Lucas 10:25

Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

San Lucas 11:45

La sjakꞌ tal jtul maestro yuꞌun te mantaliletike: —Maestro, te tutꞌil jich la awale, joꞌotik la ataotik ta utel euk —xchi.

San Lucas 11:52

Oꞌol me abaik maestroetik yꞌun te mantaliletike, porke la alokꞌesbeyikix te syaweil tiꞌpuerta yuꞌun te pꞌijil-oꞌtanile. Makꞌ xꞌochex teꞌa te jaꞌexe y kombil awuꞌunik te machꞌatik ya skꞌan xꞌochik teꞌae —xchi te Jesuse.

San Lucas 14:3

Te Jesuse la sjojkꞌolanbe te maestroetik yuꞌun te mantaliletike sok te fariseoetike: —¿Me lek wan te ya xjuꞌ ta lekutesel jtuluk jchamel ta skꞌaalel kuxo-oꞌtane, o ma lekuk? —xchi.

San Lucas 7:30

Yan te fariseoetike sok te maestroetik yuꞌun te mantaliletike te ma akꞌtalanbot ichꞌjaꞌ yuꞌun te Juane la spꞌajik te tutꞌil kꞌan yichꞌik kꞌuxutayel yuꞌun te Diose.

Hechos 15:3

Jicha tikonlanot bael yuꞌun te jtijkꞌ hermanoetik te ayik ta Antioquiae. Teꞌ kꞌaxik ta estado yuꞌun Fenicia sok ta estado Samariae. Kꞌa yaltalanbe yaꞌiy te hermanoetik te tutꞌil ay bayal machꞌa ma juriyouk te la sjilesix te tut antibo xchꞌuuneje, y la sujtesix yoꞌtanik ta stojol Dios. Spisil te hermanoetike ben jun yoꞌtanik yuꞌun te jich a yaꞌiyike.

Hechos 18:24

Te tiempo abi kꞌot ta Efeso jtul juriyo-winik te jꞌApolos sbiil te ay slumal ta jtejklum Alejandria. Ben lek xkꞌopoj y ben lek ya snaꞌ yilel te Sjun Diose.

Hechos 19:1

Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

Hechos 21:5

Pero kꞌax te jukeb kaale, lokꞌotik bael. Spisil te hermanoetike sok yinamik y sok yuntikilik la sjoyinotik bael kꞌalal ta tiꞌ jtejklum. Y teꞌ ta tiꞌ mare la jkejan bajtik y la jkꞌopontik Dios.

Hechos 28:10

Jaꞌ yuꞌun la yaꞌbotik jmajtantik, y ta patil te mootik xan bael ta barkoe, la yaꞌbotik bael spisil te tut ya xtuun kuꞌuntik ta beele.

Romanos 15:24

Teme boon ta Españae, ya kil teme ya xjuꞌ kuꞌun te ya xkꞌa kilexe. Teme juꞌ kuꞌun kꞌa kilexe, koꞌtanuk te ya akoltayikon chꞌinuk yuꞌun te sigue ya xbenon baele.

1 Corintios 16:11

Jich yuꞌun ma me ayuk jtulukex te ya apꞌajike. Ma me jichuk nax, koltayaik me te tutꞌil jun yoꞌtan ya xbeene, yuꞌun jich me ya xtal yilon. Porke yipalon ta smaliyel sok te yan xan hermanoetike.

1 Corintios 16:12

Y te kermanotik Apolose, bayal a jkꞌanbeyix pawor te yauk xtal yilex sok te hermanoetike, pero maꞌ skꞌan te ora ya xtale. Ya me xtal ta kꞌalal ay stiempoe.