Tito 2:5 - Nuevo Testamento Tzeltal de Amatenango

⁵ Sok te ya snaꞌik stsael te tut leke, sok te ma xmulawike, sok te ya skanantayik te snaike, sok te ay slekil yoꞌtanik y ya xchꞌuunbe smantal te smamlalike, yuꞌun ma me ayuk machꞌa ya yal te ma lekuk te skꞌoplal Diose.

Bible in Tzeltal Bachajón

⁵ te yacuc stsahtay sbahic, te sacuc yo'tanic, yacuc yo'tantayic ya'tel ta snahic, lecuc yo'tanic, te yacuc yac' sbahic ta cuentahinel yu'un te smamalalic, scuenta yu'un hich ma xbohlob sc'oblal a te sc'op Diose.

Bible in Tzeltal de Oxchuc y Tenejapa

⁵ soc te lecuc ya xc'opojique, te ma'yuc mulil ta yo'tanique, te ya sna'ic scanantayel te snaique, te ay yutsil yo'tanique, soc te jun yo'tan ya xch'uunbeyic smandal te smamlalique, swenta yu'un ma'yuc ta toybac'optayel te sc'op Diose.

Tito 2:5 ပူးပေါင်းရင်းမြစ်များ

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Hechos 9:39

Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae.

Romanos 14:16

Ma me awakꞌik te tut ma lekuk ya yalbeyex te tut lek ya apasike.

Romanos 2:24

Jaꞌ yuꞌun te ya yal te Sjun Diose: “Jaꞌex ta akajik te ya yixta-kꞌoptay te Diose te machꞌatik ma juriyouke”, xchi me.

1 Corintios 11:3

Pero ya jkꞌan ya anaꞌik te Cristo jaꞌ jolol yuꞌun spisil te winketike. Y te winike jaꞌ jolol yuꞌun te yiname, jich tutꞌil te jaꞌ sjol Cristo te Diose.

1 Corintios 14:34

Te antstike ya me skꞌan skom sba ta kꞌop te ba ay ta kulto te hermanoetike. Porke ma spas te ya xkꞌopojike. Yuꞌun jaꞌ ya skꞌan te ya xchꞌuun te ya xkomot yuꞌun te mantaliletik yuꞌun te Diose.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

Colosenses 3:18

Antstik, chꞌuunbeyaik smantal te amamlalike, yuꞌun jich ya skꞌan yuꞌun te achꞌuunejikix te Kajwaltike.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

1 Timoteo 6:1

Spisil te machꞌatik ayik ta mosoile ya me skꞌan ya yakꞌik ta jkuenta te yajwalike, yuꞌun jich me makꞌ xꞌalbot ma tsaꞌamuk skꞌoplal sbiil a te Diose ni te tut ya kakꞌtik ta nopele.

Tito 2:4

Jich me ya snopeslan te bikꞌtal antstike te ya xkꞌuxutay te smamlalike y sok te yuntikilike.