Tito 2:3 - Nuevo Testamento Tzeltal de Amatenango

³ Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

Bible in Tzeltal Bachajón

³ Ha nix hich te me'eletic ya sc'an te ya x'ich'awanic ta cuenta bin ut'il ya x'ayinic ta q'uinal, te ma xlehawanic ta c'op soc ma ba mosohimbilic yu'un vino, ha ya yaq'uic ta nopel te bin leque.

Bible in Tzeltal de Oxchuc y Tenejapa

³ Ja' nanix jich uuc te jme'tiquetique. Ya sc'an te buen lec ayic ta q'uinale, te ma xlewanic ta c'ope, te ma smosoinotic yu'un te yacubele, soc te ja' ya yaq'uic ta nopel te bila lec ta pasele.

Tito 2:3 ပူးပေါင်းရင်းမြစ်များ

Romanos 1:29

Nojel ta yoꞌtanik spisil ta jkaj te tut ma tojuk ta pasele. Muliletik ta balmilal, y baem ta yoꞌtanik spasel spisil te tut ma tsaꞌamuke, y biktajem yoꞌtanik yuꞌun kꞌulejalil y sok laꞌoꞌtantawanejetik. Sok il-oꞌtantawanej, sok milaw, sok pletojel, sok lolawanej, sok ixlanwanej, sok tontol aꞌbiye.

Romanos 16:2

ikꞌaik me ta lek ta skuenta te Kajwaltike. Jich tutꞌil te ya skꞌan jpastik ta jpisiltik sok te hermanoetik te jun nax xchꞌuunel koꞌtantike. Y koltayaik me ta spisil te tutik puersa yuꞌune, porke ayix bayal machꞌa skoltayej, y skoltayejonix euk.

Efesios 5:3

Jaꞌex te yuꞌunexix te Diose ma me spas ni ma xjuꞌ ya awalik te antsiwejele. Ni yanetik xan ta jkaj te tut ma lekuke sok te skꞌupin-oꞌtanile.

1 Timoteo 3:11

Jich euk te antsetike ya skꞌan te ya xꞌakꞌawan ta jkuenta sok ma me tojoluk puk-kꞌop-aꞌabiyej. Sok ya skꞌan te kuidado ay sok te yoꞌtanike, sok te jun yoꞌtanik ta spasel te yaꞌtelike.

1 Timoteo 3:8

Jich mismo te diakonoetike ya skꞌan te jaꞌ te winketik te lek yoꞌtanike, sok te toj ya xkꞌopoje, sok te ma xyakube, sok te ma yauk skꞌupin sloꞌlayel takꞌin.

1 Timoteo 5:23

Ma me awuchꞌix tojol jaꞌ yuꞌun te ayat ta chamel sok te achꞌujte. Uchꞌa chꞌinuk euk te binoe.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Tito 2:4

Jich me ya snopeslan te bikꞌtal antstike te ya xkꞌuxutay te smamlalike y sok te yuntikilike.

Hebreos 5:12

Te tutꞌil jalix kꞌaal achꞌuunejik te jaꞌexe, ya skꞌan te jaꞌukexix ya snojpeswanexe. Pero puersa ya to akꞌanik albeyel ta achꞌ te tutik ma tulanuk te nojpesel yuꞌun Diose. Yuꞌun jich ayexix te maꞌyuk a puersaike, ma xjuꞌix awuꞌunik sweꞌel te tulan weꞌelile. Ya to skꞌan ya awuchꞌik te leche.

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.