Tito 2:14 - Nuevo Testamento Tzeltal de Amatenango

¹⁴ Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Bible in Tzeltal Bachajón

¹⁴ Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Bible in Tzeltal de Oxchuc y Tenejapa

¹⁴ Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Tito 2:14 ပူးပေါင်းရင်းမြစ်များ

San Mateo 1:21

Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Mateo 3:12

Te machꞌa xtale yichꞌoj spala teꞌ ta skꞌab yuꞌun ya sajpꞌubey lokꞌel skꞌapalel te triwue. Patil ya me skꞌej ochel ta yawil te striwue. Yan te skꞌapalele ya me xchikꞌ ta kꞌakꞌ te ma xtupꞌ sbajtel kꞌinale —xchi te Juane.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Hechos 15:14

Te Simone la yalbotikix kaꞌitik te tutꞌil Dios a lijk snaꞌ ta nail to te ya stꞌuj lokꞌel ta yolilik euk te machꞌatik ma juriyouke te machꞌatik jtejklum yuꞌun ya xkꞌote.

Hechos 15:9

Te Diose ma yanuk a yilotik sok te machꞌatik ma juriyouke, yuꞌun jich ya spasbe perdon yuꞌun smulik euk ta skuenta nax te la xchꞌuun ta yoꞌtanike.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Efesios 1:11

Dios a stꞌujotik ta slijkibal to tal, yuꞌun te jun nax ya xkꞌootik sok te Cristo sok ya me xba kichꞌtik te jmajtantik te xatꞌbilotike. Jich tutꞌil snopoj stukel mismo te Diose, sok ya xkꞌot ta pasel yuꞌun spisil te tut lek ya yile.

Efesios 2:10

Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

1 Timoteo 2:10

Jaꞌ me a xchap sbaik yuꞌun te lekil aꞌtele jich tutꞌil te ya skꞌan spas te antstik te jun yoꞌtanik xchꞌuunejik te Diose.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Santiago 4:8

Tijilajanik ta stojol Dios, y ya me xtijilaj tal ta atojolik. Sakutesa te akꞌabike, jmulawiletik. Lekutesa te awoꞌtanike, jaꞌex te lom xchebet awoꞌtanike.

1 Pedro 1:18

Yuꞌun Dios la skoltayex te jaꞌexe yuꞌun te akuxlejalik te jowil nax te la yaꞌbeyex jilel te antibo ameꞌ atatike. Te jaꞌexe lom lek anaꞌojik te stojol te kolel to maꞌ yichꞌ tojel ta tutik te ya xkꞌaꞌe, jich tutꞌil te oro o te platae,

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.