Tito 2:13 - Nuevo Testamento Tzeltal de Amatenango

¹³ Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Bible in Tzeltal Bachajón

¹³ te c'alal yacotic ta smahliyel te bin smuc'ulinej co'tantic te bayel yutsil, ha te ya xchicnaj tal soc yutsilal te muc'ul Dios soc Jcoltaywanej cu'untic, ha te Jesucristo.

Bible in Tzeltal de Oxchuc y Tenejapa

¹³ Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

Tito 2:13 ပူးပေါင်းရင်းမြစ်များ

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 26:64

La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

San Marcos 14:62

La yal te Jesuse: —Joꞌon abi. Y te jaꞌexe ya me awilik te Nichꞌanil te nakal ta sbatsꞌil skꞌab te Dios te ay bayal spodere, y te ya xtal ta stokalul te chꞌulchan —xchi.

San Marcos 8:38

Teme ya xkꞌexawex kuꞌun sok teme ya xkꞌexawex yuꞌun te jkꞌope ta sit te genteetik te machꞌatik ma junuk yoꞌtanik ta skuenta Dios sok te kꞌayemik ta mulile, jichek te Nichꞌanile ya me xkꞌexaw awuꞌunik euk te tut ora ya xtal sok stsaꞌamul te Jtate y sok stsaꞌamul te chꞌul angeletike —xchi te Jesuse.

Hechos 24:15

Pajal ay xchꞌuunel koꞌtan ta stojol Dios sok te genteetik to te yipalon ta smaliyel te ya xchaꞌkux tal te animaetike, chikan teme lek o ma lekuk yoꞌtanike.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Romanos 5:5

Sok makꞌ ya jtatik kꞌexlal yuꞌun te tutꞌil ya jmaliytike, porke Dios aꞌ snojesbotik ta koꞌtantik te slekil yoꞌtan ta skuenta te Chꞌul Espíritu te yakꞌojbotike.

Romanos 8:18

Te ora to ayotik ta wokolajel, pero ma tulanuk ta koꞌtantik te wokolajel teme jaꞌ ya jnaꞌtik te lekilal te ya kiltik ta patile.

1 Corintios 1:7

Te tutꞌil jich aye maꞌyukix falta awuꞌunik te tutik ya yakꞌ te Diose. Jich me jun awoꞌtanik te yipalex ta smaliyel te tut kꞌaalil ya xchiknaj tal te Kajwaltik Jesucristoe.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

Colosenses 3:4

Jaꞌ akuxlejalik te Cristoe. Te kꞌalal stukel ya xchiknaj tale, te jaꞌexe jich me ya xchiknajex tal ta skuenta, sok ya me xkꞌot ta akuentaik te slekilale.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

2 Tesalonicenses 2:8

Jich me ya xchiknaj te machꞌa ma lekuke, te jꞌa ya xmilot ta yikꞌal nax stiꞌ te Kajwaltik Jesuse. Ya xlajinot te kꞌalal ya sujt tal te Kajwaltike sok spisil te xojobile.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

2 Timoteo 1:2

La jtsꞌibabeyat te karta to, Timoteo, te kꞌuxat ta koꞌtane sok te jich kꞌoemat tutꞌil jnichꞌane. Aꞌ me yaꞌbeyat te slekil yoꞌtan y te bujtsꞌan kꞌinal yuꞌun te Dios Tatile y sok te Kajwaltik Jesucristoe.

2 Timoteo 4:1

Tulan ya kalbeyat ta stojol te Diose y sok te Cristo Jesuse, te jich ya xtal tutꞌil rey ta yichꞌel jkꞌuenta te machꞌatik kuxajtik y sok te machꞌatik chamenike.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Tito 1:2

te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Tito 1:4

Ya jtsꞌibabeyat te karta to, Tito, te batsꞌi jnichꞌanat kꞌoeme, sok te jun nax te xchꞌuunel koꞌtantik ta jchebaltike. A me yaꞌbeyat slekil yoꞌtan te Jtatik Dios y sok te Kajwaltik Jesucristo te jKoltawanej kuꞌuntike y sok te bujtsꞌan kꞌinal ta atojole.

Tito 3:4

Pero te Diose, te jKoltawanej kuꞌuntike, la yakꞌ ta ilel te slekil yoꞌtan sok xkꞌuxul yoꞌtan ta stojol te genteetike.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.