Tito 2:12 - Nuevo Testamento Tzeltal de Amatenango

¹² Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Bible in Tzeltal Bachajón

¹² soc ya snohptesotic te yacuc xhil cu'untic spisil bintic chopol soc bintic mulantic sba ta pasel ta bahlumilal, te tsahtaybiluc co'tantic ya x'ayinotic ta ora ini, te tojuc ya x'ayinotic soc te ayuc ta co'tantic spisil ora te Diose,

Bible in Tzeltal de Oxchuc y Tenejapa

¹² Ayotic ta p'ijubtesel yu'un te bit'il ya sc'an ya xjil cu'untic spisil te bila amene soc spisil te bila mulanbil sba ta pasel ta balumilale. Soc ya sc'an te ma xjelawotique, ya sc'an toj ya cac' jbatic, ya sc'an te spisil ora ay ta co'tantic Dios te jayeb c'aal ayotic ta q'uinale.

Tito 2:12 ပူးပေါင်းရင်းမြစ်များ

San Mateo 12:32

Teme ay machꞌa ya skontra-kꞌoptay te Nichꞌanile, ya xjuꞌ ya spasbot perdon yuꞌun. Yan te machꞌa ya skontra-kꞌoptay te Chꞌul Espiritue ma xjuꞌ ya spasbot perdon yuꞌun stukel te jayeb kꞌaal kuxul liꞌ ba balmilale ni jaꞌuk ta patil ni ta sbajtel kꞌinal.

San Mateo 16:24

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Lucas 1:6

Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

San Lucas 1:75

Jich lek kaꞌteltik sok jun koꞌtantik ta stojol te jayeb kꞌaal kuxulotike.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 6:25

Te kꞌalal laj kꞌot te baꞌ jejch mare, teꞌ kꞌo staik a te Jesuse. La sjojkꞌobeyik: —Maestro, ¿tut ora julat liye? —xchiik.

Hechos 24:16

Jaꞌ sluwaril te sil tiempo kuidado ayon ta stojol te Diose y sok ta stojol te genteetike.

Hechos 24:25

Pero kꞌalal la yaꞌbiyanbe te jPablo tutꞌil ya skꞌan te toj ya xkuxuyinotik ta balmilale, sok te tutꞌil ya skꞌan ya jnaꞌtik skomel juju-tulotik te jtiꞌbalultike, sok te tutꞌil ya yilbotik kaꞌteltik ta patil te Diose, te Felixe la yakꞌ yajtal yoꞌtan yuꞌun. Jaꞌ yuꞌun la yalbe: —Lek ay, baanix. Ya jtikonat xan ta ikꞌel te kꞌalal ay tiempo kuꞌune —xchi.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

Romanos 6:12

Jaꞌ yuꞌun, mame awakꞌ te jaꞌexe te sigue ya yuꞌuninbeyex mulil te atiꞌbalulik te ya xlaje, y te sigue ya sujotik ta xchꞌuunel te tut ya skꞌan yoꞌtan te jtiꞌbalultike.

Romanos 6:19

Jich ya kalbeyex ta skuenta nax seña te tutꞌil ay te genteetik ta balmilale, wokol ya xkꞌot ta awoꞌtanik lek te tutik aye. Jaꞌ yuꞌun, jich tutꞌil te nail toe awakꞌojik entregal te atiꞌbalulik ta spasel te tut ma tsaꞌamuke te lom ilob yuꞌun ta pasel te tut ma lekuke, jich te ora to akꞌaik entregal te atiꞌbalulik ta spasel te kuxlejal te toj aye. Jich yan-yanex ta lekubel ta stojol Dios te jayeb kꞌaal kuxulexe.

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 7:1

Jich yuꞌun, kermanotak te ben kꞌuxex ta koꞌtane, jaꞌ to jaꞌ te sjapojbotik Dios ta jtojoltik. Jaꞌ yuꞌun ya me skꞌan te ya sakutes jbajtik yuꞌun spisil te tut ya yijkꞌutesotik sok te jtiꞌbalultike sok te koꞌtantike. Y te tutꞌil ya skꞌan xiꞌel te Diose ya me skꞌan te jmel nax ya kakꞌ jbajtik ta skuentae.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Colosenses 1:22

Pero te ora to Dios la yakꞌ te ya xjunaj awoꞌtanik soke ta skuenta Cristo, jaꞌ te tutꞌil kꞌax swokol ta milel sok te stiꞌbalule. Jich a spas, yuꞌun jich me ya ataik tutꞌil lek ya xkꞌoex ta skuentae, te chꞌultesbilex, sok te maꞌyuk awijkꞌalik ta skuenta, sok te maꞌyuk amulike.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

1 Timoteo 6:9

Yan te machꞌatik ya skꞌan xkꞌulejibe, ya xyalik ta mulil y ya me xkꞌo yaluk ta strampa. Bayal tut ya xbikꞌtaj yoꞌtan yuꞌun te tut ma xtuune sok te ya xꞌixlanot yuꞌune. Ya me xmetꞌot te gente yuꞌun y sok chꞌayel ya xbajtik yuꞌun.

2 Timoteo 3:12

Batsꞌi jich ta spisil te machꞌatik ya skꞌan xlekub xkuxlejal sok te Cristo Jesuse, ya me xkꞌax swokol ta ikꞌtinel.

2 Timoteo 4:10

Yuꞌun te jDemase, jaꞌ bikꞌtajix yoꞌtan yuꞌun te tutik skuenta te balmilal to. La sjilesonix y bajtix ta Tesalónica. Te Crescentee bajtix ta estado yuꞌun Galacia, y te jTitoe bajt ta Dalmacia.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Hebreos 8:11

Ma puersaukix te ya spꞌijutes sbaik ta juju-tul te sjoy sbaik ta genteil o te machꞌa jun smeꞌ-statike yuꞌun te ya snaꞌbeyik sba te Kajwaltike, porke spisilik ya snaꞌbikon jba, ta chꞌin ta mukꞌ.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

2 Pedro 3:11

Te tutꞌil la awaꞌiyikix te spisil jich ya yichꞌ lajinele, ya skꞌan te mas to xan lek ya xkuxuyinex sok te ya achꞌuunik te Diose.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 2:6

Te machꞌa ya yal te jun nax ayix sok te Diose, jich ya skꞌan xkuxuyin jachik tutꞌil kuxuyin te Jesucristoe.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

Judas 1:18

Jich la yaltalanbeyex jilel: “Ta slajibal kꞌaal ay me gente ya xlaj iktiwan, te jich aylan sok te tut ma lekuk ya skꞌan yoꞌtanike”, te xchie.

Apocalipsis 14:12

Jaꞌ yuꞌun te machꞌatik yuꞌunik te Diose sok te machꞌatik ya xchꞌuunbeyik te mantaliletik yuꞌun y te sigue jun yoꞌtanik ta stojol te Jesuse, ya skꞌan te ayuk yip yoꞌtanike.