Tito 2:10 - Nuevo Testamento Tzeltal de Amatenango

¹⁰ Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

Bible in Tzeltal Bachajón

¹⁰ Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Bible in Tzeltal de Oxchuc y Tenejapa

¹⁰ Soc ma me xyelc'anbeyic sbiluc te yajwalique. Ac'a me yaq'uic ta ilel te junajem yo'tanic ta stojole, swenta yu'un jich me ya xchicnaj te bit'il jelawen yutsil te p'ijubtesel yu'un te Diose te Jcoltaywanej cu'untique.

Tito 2:10 ပူးပေါင်းရင်းမြစ်များ

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Lucas 1:47

Ben jun koꞌtan ta stojol te Dios te jkoltawane kuꞌune. Porke Dios teꞌe sit a te ba ayone, manchuk me chꞌin ayon te yabatone.

San Lucas 1:80

Chꞌi te chꞌin kereme, y la yichꞌ spuersa te yoꞌtane. Bajt ta tꞌantꞌan luwar jaꞌto te kꞌalal la yakꞌ sba ta ilel ta stojol te jꞌisraeletike.

San Lucas 16:10

“Te machꞌa ben jun yoꞌtan ya skanantay te tut aꞌbil chꞌinuke, jich me ben jun yoꞌtan ya skanantay teme ay bayal tut xkꞌot ta skuentae. Yan te machꞌa ma junuk yoꞌtan ya skanantay te tut ya xꞌaꞌbot chꞌinuke, jich ma junuk yoꞌtan ya skanantay teme ay bayal tut ya xꞌaꞌbote.

San Juan 12:6

Pero te Judase ma jichuk xyal yuꞌun yajtaluk yoꞌtan te meꞌbaꞌetike, yuꞌun jaꞌ ay ta yoꞌtan te elekꞌe. Stukel jtesorero, sok kꞌayem ta yelkꞌanel te takꞌin ya stsobike.

1 Corintios 4:2

Te machꞌa ya yichꞌ yaꞌtele, ya me skꞌan ya yakꞌ ta ilel te jun yoꞌtan ta spasele.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

1 Timoteo 5:17

Te ansianoetik te lek ya skanantay te hermanoetike, ya skꞌan te kꞌax lek ya xꞌakꞌot ta jkuentae, batsꞌi jaꞌ te ansianoetik te ya yaꞌtelinik yalel te skꞌop Dios sok te ya snojpeswane.

1 Timoteo 6:1

Spisil te machꞌatik ayik ta mosoile ya me skꞌan ya yakꞌik ta jkuenta te yajwalike, yuꞌun jich me makꞌ xꞌalbot ma tsaꞌamuk skꞌoplal sbiil a te Diose ni te tut ya kakꞌtik ta nopele.

1 Timoteo 6:3

Teme ay machꞌa yan tut ya snojpeswane y teme ma pajaluk sok te lekil nojpesel yuꞌun te Kajwaltik Jesucristoe, sok teme ma jaꞌuk te tutꞌil jchꞌuunejtike,

Tito 1:3

Y te ora to, te la staix stiempoale, la yaꞌbotikix jnaꞌtik te skꞌoplal te tutꞌil ay ta alel, te jaꞌ la yaꞌbon kal ta skuenta smantal Dios te jkoltawanej kuꞌuntike.

Tito 3:4

Pero te Diose, te jKoltawanej kuꞌuntike, la yakꞌ ta ilel te slekil yoꞌtan sok xkꞌuxul yoꞌtan ta stojol te genteetike.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.